இந்திரஜாவுக்கும் அவரது கணவர் கார்த்திக்கிற்கும் இத்தனை வயது வித்தியாசமா? பிரபலம் சொன்ன அதிர்ச்சி தகவல்

ரோபோ சங்கரின் மகள் இந்திரஜாவுக்கு அவரது கணவர் கார்த்திக்கிற்கும் உள்ள வயது வித்தியாசம் பற்றி செய்யாறு பாலு பேட்டி ஒன்றில் பேசி இருக்கிறார். 

indraja Karthik

விஜய் டிவியில் ஒளிபரப்பான கலக்கப்போவது யாரு நிகழ்ச்சி மூலம் அறிமுகமாகி, பின்னர் தன்னுடைய காமெடிகளால் மக்களை வயிறுகுலுங்க சிரிக்க வைத்தவர் ரோபோ சங்கர். இவருக்கு இந்திரஜா என்கிற மகள் உள்ளார். இவரும் சினிமாவில் நகைச்சுவை கதாபாத்திரங்களில் நடித்துள்ளார். அட்லீ இயக்கத்தில் விஜய்யுடன் பிகில் படத்தில் நடித்த இந்திரஜா, அடுத்ததாக முத்தையா இயக்கத்தில் வெளிவந்த விருமன் படத்தில் நடிகர் சூரிக்கு ஜோடியாக நடித்திருந்தார்.

Indraja Wedding Photos Source: (Indraja Instagram)

சினிமாவில் படிப்படியாக வளர்ந்து வந்த இந்திரஜாவுக்கு அண்மையில் திருமணம் நடந்து முடிந்தது. அவர் தன்னுடைய தாய்மாமாவான கார்த்திக் என்பவரை காதலித்து திருமணம் செய்துகொண்டார். கார்த்திக் - இந்திரஜா ஜோடியின் திருமணம் கடந்த மாதம் மதுரையில் கோலாகலமாக நடைபெற்றது. இதையடுத்து இவர்களின் திருமண வரவேற்பு நிகழ்வு சென்னையில் அண்மையில் நடைபெற்றது. இதில் திரைத்துறையினர் படையெடுத்து வந்து வாழ்த்தினர்.

இதையும் படியுங்கள்... தனுஷின் 3 படத்தில் கமிட் செய்த பின்னர்... ஸ்ருதிஹாசனுக்காக ஐஸ்வர்யாவால் வெளியேற்றப்பட்ட நடிகை யார் தெரியுமா?

இந்திரஜாவின் கணவர் கார்த்திக், ரோபோ சங்கர் மனைவி பிரியங்காவின் உடன்பிறந்த தம்பி இல்லையாம். அவரை தம்பியாக தத்தெடுத்து வளர்த்து வந்துள்ளார் பிரியங்கா. ஆதரவற்றவனாக இருந்த தன்னை பிரியங்கா தத்தெடுத்து வளர்த்ததாக கார்த்திக் பேட்டி ஒன்றில் நெகிழ்ச்சியுடன் கூறி இருந்தார். இந்த நிலையில், நடிகர் ரோபோ சங்கர் தன்னுடைய மகள் இந்திரஜாவின் திருமணத்துக்கு வழங்கிய வரதட்சணை குறித்தும் அந்த ஜோடியின் வயது வித்தியாசம் குறித்தும் பத்திரிகையாளர் செய்யாறு பாலு கூறி இருக்கிறார்.

அதன்படி இந்திரஜாவுக்கும் கார்த்திக்கிற்கும் இடையே 15 வயது வித்தியாசமாம். அதுமட்டுமின்றி ரோபோ சங்கரின் மருமகன் கார்த்திக் தற்போது 27 குழந்தைகளை தத்தெடுத்து வளர்த்து வருகிறாராம். ரோபோ சங்கருக்கு இந்திரஜா ஒரே மகள் என்பதால் அவரது திருமணத்துக்கு ரூ.15 லட்சம் மதிப்புள்ள புது கார் மற்றும் பல சவரன் நகை போட்டு தடபுடலாக மகளின் திருமணத்தை ரோபோ சங்கர் நடத்தி முடித்துள்ளதாக செய்யாறு பாலு கூறினார்.

இதையும் படியுங்கள்... Kiran : "சுந்தர் சி சொன்னதால் அதை செய்தேன்.. ஆனால் இப்பவும் அதற்காக வருந்துகிறேன்" - மனம் நொந்த கிரண்!