Hatchback Cars: புதுசா கார் வாங்க போறீங்களா? மாருதி, ஹூண்டாய், டொயோட்டாவின் 4 புதிய மாடல்கள் வருது!

Upcoming Hatchback Cars : எஸ்யூவி கார்களுக்கு மவுசு இருந்தாலும், இந்தியால ஹேட்ச்பேக் மார்க்கெட் இன்னும் உயிர்ப்போடதான் இருக்கு. மாருதி சுஸுகி, ஹூண்டாய், டொயோட்டா கம்பெனிகள் நாலு புது மாடல்களை களமிறக்க இருக்காங்க.

Image Credit : Toyota

Upcoming Hatchback Cars

இந்தியாவுல முதல் முறையா கார் வாங்குறவங்களோட முதல் சாய்ஸ் ஹேட்ச்பேக் கார்கள்தான். குறைவான விலை, நல்ல மைலேஜ், சிட்டிக்குள்ள ஓட்டுறதுக்கு ஈஸியா இருக்குறதுனு இதுக்கு பல காரணங்கள் இருக்கு. இப்போ SUV கார்கள் மேல மக்களுக்கு ஆர்வம் அதிகமாகி, ஹேட்ச்பேக் மார்க்கெட் ஷேர் கொஞ்சம் குறைஞ்சிருந்தாலும், முன்னணி கார் கம்பெனிகள் இந்த செக்மென்ட்ல புது மாடல்களைக் கொண்டு வர தயாரா இருக்காங்க. மாருதி சுஸுகி, ஹூண்டாய், டொயோட்டா கம்பெனிகள்ல இருந்து நாலு புது ஹேட்ச்பேக் கார்கள் அடுத்தடுத்து இந்திய மார்க்கெட்டுக்கு வர இருக்கு. சமீபத்தில்கூட மாருதி சுஸுகி, அப்டேட் செய்யப்பட்ட 2026 பலேனோ காரை ரூ.6.9 லட்சம் ஆரம்ப விலையில அறிமுகம் செஞ்சாங்க. இதைத் தொடர்ந்துதான் இந்த புது மாடல்கள் வரிசை கட்டி நிக்குது.

Image Credit : Toyota

டொயோட்டா கிளான்ஸா ஃபேஸ்லிஃப்ட்

மாருதி பலேனோவோட புது வெர்ஷனைத் தொடர்ந்து, டொயோட்டாவும் தங்களோட பிரீமியம் ஹேட்ச்பேக் காரான கிளான்ஸாவோட அப்டேட்டட் மாடலைக் கொண்டு வர இருக்காங்க. புதுசா டிசைன் செஞ்ச முன்பக்க கிரில், அப்டேட்டட் பம்பர்னு தோற்றத்துல சில மாற்றங்களோட, பல நவீன வசதிகளும் இதுல இருக்கும்னு எதிர்பார்க்கலாம். லெவல்-2 ADAS, வென்டிலேட்டட் சீட்கள், 360 டிகிரி கேமரா, ஹெட்-அப் டிஸ்ப்ளே, 9 இன்ச் டச்ஸ்கிரீன் இன்ஃபோடெயின்மென்ட் சிஸ்டம் போன்ற வசதிகள் புது கிளான்ஸாவுல இடம் பெறலாம். மாருதியோட புது 1.2 லிட்டர் Z12E சீரிஸ் 3-சிலிண்டர் பெட்ரோல் இன்ஜின்தான் இந்த காருக்கும் பவர் கொடுக்கும்னு தெரியுது. மேனுவல் மற்றும் AMT கியர்பாக்ஸ் ஆப்ஷன்களும் கிடைக்கும்.

Image Credit : Chatgpt

புதிய ஹூண்டாய் i20

ஹூண்டாயோட பாப்புலர் பிரீமியம் ஹேட்ச்பேக் காரான i20-யின் நாலாவது தலைமுறை மாடல், 2027-ஆம் ஆண்டு வாக்குல இந்தியாவுல அறிமுகமாகலாம். இந்த புது i20, புதிய K3 பிளாட்ஃபார்ம்ல உருவாக்கப்பட இருக்கு. இப்போ இருக்குற மாடலை விட அளவில் பெருசாகவும், ஒரு ஸ்போர்ட்டியான கிராஸ்ஓவர் லுக்லயும் இதோட டிசைன் இருக்கலாம். காருக்கு உள்ளேயும் பெரிய மாற்றங்களை எதிர்பார்க்கலாம். டூயல் 12.3 இன்ச் ஸ்கிரீன்கள், புது ஸ்டீயரிங் வீல், வயர்லெஸ் சார்ஜிங், லெவல்-2 ADAS, புது கனெக்டட் கார் ஃபீச்சர்ஸ்னு பல வசதிகள் வரலாம். இப்போ இருக்குற 1.2 லிட்டர் நேச்சுரலி ஆஸ்பிரேட்டட் பெட்ரோல் இன்ஜின் மற்றும் 1.0 லிட்டர் டர்போ பெட்ரோல் இன்ஜின் ஆப்ஷன்கள் புது மாடல்லயும் தொடரும்னு எதிர்பார்க்கப்படுது.

Image Credit : HYUNDAI

புதிய ஹூண்டாய் கிராண்ட் i10 நியோஸ்

ஹூண்டாய் கிராண்ட் i10 நியோஸ் காரோட அடுத்த தலைமுறை மாடலும் அடுத்த வருஷம் மார்க்கெட்டுக்கு வரும்னு அறிக்கைகள் சொல்லுது. இந்த என்ட்ரி லெவல் ஹேட்ச்பேக், ஒரு புது பிளாட்ஃபார்ம்ல தயாராக இருக்கு. பெரிய இன்ஃபோடெயின்மென்ட் ஸ்கிரீன், புது டிரைவர் டிஸ்ப்ளே, எலக்ட்ரிக் சன்ரூஃப், வென்டிலேட்டட் சீட்கள், ஆட்டோமேட்டிக் கிளைமேட் கண்ட்ரோல் போன்ற வசதிகளை இதுல எதிர்பார்க்கலாம். 1.2 லிட்டர் பெட்ரோல் இன்ஜினோட மேனுவல் மற்றும் AMT டிரான்ஸ்மிஷன் ஆப்ஷன்கள் கிடைக்கும்னு தெரியுது. சிஎன்ஜி வெர்ஷனோட, சிஎன்ஜி-ஆட்டோமேட்டிக் காம்பினேஷனையும் கம்பெனி அறிமுகம் செய்ய வாய்ப்பிருக்கு.

Image Credit : X

மாருதி பலேனோ சிஎன்ஜி AMT

சிஎன்ஜி கார்களோட மவுசு அதிகமாகிட்டு வர்றதால, மாருதி சுஸுகி தன்னோட பலேனோ சிஎன்ஜி வெர்ஷன்ல ஒரு புது அப்டேட் கொண்டு வர இருக்காங்க. இப்போதைக்கு பலேனோ சிஎன்ஜி, மேனுவல் கியர்பாக்ஸ்ல மட்டும்தான் கிடைக்குது. ஆனா, அடுத்த வருஷம் AMT கியர்பாக்ஸ் கொண்ட பலேனோ சிஎன்ஜி மாடலை அறிமுகம் செய்ய கம்பெனி தயாராகி வருவதா தகவல்கள் சொல்லுது. சிட்டி டிராஃபிக்ல ஓட்டுறதுக்கு சுலபமான ஆட்டோமேட்டிக் வசதியோட, சிஎன்ஜி-யோட குறைவான இயக்கச் செலவும் வாடிக்கையாளர்களுக்குக் கிடைக்கும். குறிப்பா, டெல்லி-NCR போன்ற நகரங்கள்ல சிஎன்ஜி கார்களுக்கு அதிக முக்கியத்துவம் கொடுக்கப்படுறதால, இந்த புது பலேனோ சிஎன்ஜி AMT மாடல் மாருதியோட ஒரு முக்கியமான மாடலா மாறும்னு எதிர்பார்க்கலாம்.