ரூ.5 லட்சத்திற்குள் கிடைக்கும் டாப் 5 ஆட்டோமேட்டிக் கார்கள்: சிட்டி டிரைவிங்கிற்கு எது பெஸ்ட்?

இந்தியாவில் அதிகரித்து வரும் நகரப் போக்குவரத்து நெரிசலைக் கருத்தில் கொண்டு, ரூ. 5 லட்சத்திற்கும் குறைவான விலையில் கிடைக்கும் டாப் 5 ஆட்டோமேட்டிக் ஹேட்ச்பேக் கார்களின் விவரங்களை பற்றி பார்ப்போம்.

Image Credit : Gemini

குறைந்த விலை ஆட்டோமேட்டிக் கார்கள்

நகரங்களில் அதிகரிக்கும் போக்குவரத்து நெரிசலில் அடிக்கடி கியர் மாற்றுவது மற்றும் கிளட்சை அழுத்துவது பெரும் சிரமத்தை ஏற்படுத்துகிறது. இதனால், அதிக பட்ஜெட் ஒதுக்காமல் குறைந்த விலையில் ஆட்டோமேட்டிக் (Automated Manual Transmission - AMT) கார்களை வாங்க பலரும் விரும்புகின்றனர். இந்தியச் சந்தையில் ரூ.5 லட்சத்திற்கும் குறைவான விலையில் கிடைக்கும் டாப் 5 மலிவு விலை ஆட்டோமேட்டிக் கார்களின் விவரங்களை பற்றி பார்போம்.

Image Credit : X

மாருதி எஸ்-பிரஸ்ஸோ (Maruti S-Presso)

ஆரம்ப விலை: ரூ.3.49 - ரூ.4.64 லட்சம் (எக்ஸ்-ஷோரூம்)

சிறப்பம்சங்கள் - இந்தியாவிலேயே மிகக் குறைந்த விலையில் கிடைக்கும் ஆட்டோமேட்டிக் கார் இதுவாகும். VXI (O) மற்றும் VXI+ (O) வேரியன்ட்களில் 1.0-லிட்டர் பெட்ரோல் எஞ்சினுடன் AMT வசதி வழங்கப்படுகிறது. இதன் நிமிர்ந்த இருக்கை அமைப்பு (Upright seating) ஓட்டுநருக்குச் சிறந்த பார்வையைக் கொடுக்கிறது. பராமரிப்புச் செலவு மிகவும் குறைவு.

Image Credit : X

ரெனால்ட் க்விட் (Renault Kwid)

ஆரம்ப விலை - ரூ.4.52 லட்சம் முதல் (எக்ஸ்-ஷோரூம்)

சிறப்பம்சங்கள்: மாருதி கார்களுக்கு ஒரு நல்ல மாற்றாக விளங்கும் இந்த கார், அகலமான தோற்றத்தையும் சிறந்த கிரவுண்ட் கிளியரன்ஸையும் கொண்டுள்ளது. இதன் 1.0-லிட்டர் எஞ்சின் மற்றும் AMT சேர்க்கை, குறைந்த வேகத்தில் சீரான ஓட்டுநர் அனுபவத்தைத் தருகிறது. கரடுமுரடான நகரச் சாலைகளுக்கு ஏற்றது.

Image Credit : X

மாருதி ஆல்டோ K10 (Maruti Alto K10)

ஆரம்ப விலை - ரூ.3.69 லட்சம் முதல் (எக்ஸ்-ஷோரூம்)

சிறப்பம்சங்கள் - 1.0-லிட்டர் 3-சிலிண்டர் எஞ்சினுடன் கூடிய இந்த காரின் உயர் வேரியன்ட்களில் AMT வசதி கிடைக்கிறது. ஏர்பேக்குகள் உள்ளிட்ட அடிப்படைப் பாதுகாப்பு வசதிகளுடன் வரும் இந்த கார், குறுகிய சந்துகளிலும் சுலபமாக பார்க் செய்யக்கூடிய கச்சிதமான வடிவமைப்பைக் கொண்டுள்ளது.

Image Credit : X

மாருதி செலரியோ (Maruti Celerio)

ஆரம்ப விலை - ரூ.4.69 லட்சம் முதல் (எக்ஸ்-ஷோரூம்)

சிறப்பம்சங்கள் - எரிபொருள் சிக்கனத்திற்கு பெயர் பெற்ற இந்த ஹேட்ச்பேக் கார், 1.0-லிட்டர் AMT எஞ்சினில் லிட்டருக்கு 26 கி.மீக்கும் அதிகமான மைலேஜைத் தருகிறது. நெரிசல் மிகுந்த சாலைகளில் இலகுவாகச் செல்லவும், 4 பேர் தாராளமாக அமர்ந்து பயணிக்கக்கூடிய இடவசதியையும் இது வழங்குகிறது.

Image Credit : X

மாருதி வேகன் ஆர் (Maruti Wagon R)

ஆரம்ப விலை - ரூ.4.98 லட்சம் முதல் (எக்ஸ்-ஷோரூம்)

சிறப்பம்சங்கள் - 1.0-லிட்டர் மற்றும் 1.2-லிட்டர் ஆகிய 2 பெட்ரோல் எஞ்சின் தேர்வுகளிலும் AMT வசதியுடன் கிடைக்கிறது. சிறந்த தலைப்பகுதி இடவசதி (Headroom) மற்றும் கேபின் இடவசதி கொண்டதால் குடும்பங்களுக்கு ஏற்றது. மாருதியின் பரவலான சேவை நெட்வொர்க் மற்றும் குறைந்த பராமரிப்புச் செலவு ஆகியவை இதன் கூடுதல் பலங்களாகும்.