41 வயதிலும் முரட்டு சிங்கிளாக வலம் வரும் நடிகை குத்து ரம்யா... இத்தனை கோடி சொத்துக்களுக்கு சொந்தக்காரியா?
தமிழ் மற்றும் கன்னட படங்களில் நடித்து பிரபலமான நடிகை திவ்யா ஸ்பந்தனாவின் சொத்து மதிப்பு மற்றும் சம்பள விவரம் பற்றி விரிவாக பார்க்கலாம்.
Divya Spandana
அபி என்கிற கன்னட படம் மூலம் அறிமுகமானவர் ரம்யா. இதையடுத்து தமிழில் சிம்புவுக்கு ஜோடியாக குத்து படத்தில் நடித்ததன் மூலம் பிரபலமானார். இப்படத்திற்கு பின்னர் ரசிகர்கள் அவரை குத்து ரம்யா என அழைக்கத் தொடங்கினர். அந்த அளவுக்கு அப்படத்தின் மூலம் மக்கள் மத்தியில் ரீச் ஆனார் ரம்யா. இதையடுத்து சுந்தர் சி இயக்கிய கிரி படத்தில் ஹீரோயினாக நடித்த ரம்யாவுக்கு அடுத்ததாக கிடைத்த ஜாக்பாட் வாய்ப்பு தான் பொல்லாதவன்.
Divya Spandana Birthday
வெற்றிமாறன் இயக்கிய இப்படத்தில் நடிகர் தனுஷுக்கு ஜோடியாக நடித்தார் ரம்யா. இப்படத்தில் நடித்தபோது தான் தன்னுடைய பெயரை திவ்யா என மாற்றிக்கொண்டார். இப்படம் பிளாக்பஸ்டர் ஹிட் ஆனதை தொடர்ந்து கவுதம் மேனன் இயக்கிய வாரணம் ஆயிரம் திரைப்படத்தில் நடிகர் சூர்யாவுக்கு ஜோடியாக நடித்தார் திவ்யா. இப்படி தமிழில் இவர் நடித்த படங்கள் வரிசையாக ஹிட்டாகி கொண்டிருந்த நேரத்தில் திடீரென அரசியலில் குதித்தார் ரம்யா.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
polladhavan actress Divya Spandana
கடந்த 2012-ம் ஆண்டு காங்கிரஸில் இணைந்த திவ்யா, கர்நாடகாவின் மாண்டியா தொகுதியில் போட்டியிட்டு எம்பி-யாக தேர்ந்தெடுக்கப்பட்டார். பின்னர் 2014-ம் ஆண்டு அதே தொகுதியில் போட்டியிட்ட அவர் தோல்வியை தழுவினார். 2018-ம் ஆண்டு வரை காங்கிரஸில் பணியாற்றிய அவர் உட்கட்சி பூசல் காரணமாக அக்கட்சியில் இருந்து விலகினார். இதையடுத்து அவர் எந்த கட்சியிலும் சேராமல் சினிமாவில் நடிப்பதில் மட்டும் கவனம் செலுத்தி வருகிறார்.
divya Spandana net worth
கன்னட படங்களில் மட்டும் நடித்து வரும் திவ்யா, கடந்த சில மாதங்களுக்கு முன்னர் வெளிநாட்டுக்கு சென்றிருந்தார். அப்போது அவர் மாரடைப்பு ஏற்பட்டு மரணமடைந்துவிட்டதாக தகவல் பரவி பரபரப்பை ஏற்படுத்தியது. பின்னர் தான் நலமுடன் இருப்பதாக கூறி அவர் புகைப்படம் வெளியிட்ட பின்னரே அவரின் மரணச் செய்தி வதந்தி என உறுதியானது. நடிகை திவ்யா இன்று தனது 41-வது பிறந்தநாளை கோலாகலமாக கொண்டாடி வருகிறார்.
Divya Spandana salary
41 வயதாகியும் திருமணம் செய்துகொள்ளாமல் முரட்டு சிங்கிளாக இருக்கும் திவ்யாவுக்கு கோடிக்கணக்கில் சொத்துக்கள் உள்ளன. அவரிடம் ரூ.5 கோடிக்கு மேல் சொத்துக்கள் இருப்பதாக கூறப்படுகிறது. சினிமாவில் அவர் அறிமுகமான புதிதில் பீக்கில் இருந்தாலும், தற்போது அவருக்கு பெரியளவில் மார்க்கெட் இல்லாததால் கிடைக்கும் படங்களில் நடித்து வருகிறார். இதற்காக அவருக்கு லட்சக்கணக்கில் சம்பளமும் வழங்கப்பட்டு வருகிறதாம்.
இதையும் படியுங்கள்... கிருத்திகா உதயநிதி இயக்கத்தில் ஜெயம்ரவி நடிக்கும் படத்துக்காக கிளாசிக் ஹிட் பட டைட்டிலை தட்டிதூக்கிய Red Giant
சேனலை கிளிக் செய்து பின்தொடரவும்
