மைக் மோகனுக்கு லைஃப் டைம் செட்டில்மெண்ட்... தளபதி 68-ல் வில்லனாக நடிக்க அவர் வாங்கிய சம்பளம் இத்தனை கோடியா?

நடிகர் விஜய்யின் லியோ படம் ரிலீஸுக்கு ரெடியாகி உள்ள நிலையில், மறுபுறம் அவர் நடிக்கும் தளபதி 68 பட ஷூட்டிங்கும் படு ஜோராக நடைபெற்று வருகிறது. தளபதி 68 படத்தை வெங்கட் பிரபு இயக்க உள்ளார். இப்படத்தை ஏஜிஎஸ் நிறுவனம் பிரம்மாண்ட பொருட்செலவில் தயாரித்து வருகிறது. தளபதி 68 படத்திற்கு யுவன் சங்கர் ராஜா இசையமைத்து வருகிறார். புதிய கீதை படத்துக்கு பின் சுமார் 20 ஆண்டுகள் கழித்து விஜய்யும், யுவனும் இணையும் படம் இதுவாகும்.

தளபதி 68 படம் குறித்த அப்டேட்டுகளை லியோ படம் ரிலீஸ் ஆன பின்னரே வெளியிட வேண்டும் என விஜய் ஸ்டிரிக்ட் ஆக சொல்லிவிட்டதால், படக்குழு சைலண்டாக இருந்தாலும், அப்படம் குறித்த தகவல்கள் ஒவ்வொன்றாக கசிந்த வண்ணம் உள்ளன. அதன்படி இப்படத்தில் சினேகா, தெலுங்கு நடிகை மீனாட்சி செளத்ரி, லைலா, பிரசாந்த், பிரபுதேவா என மிகப்பெரிய நட்சத்திர பட்டாளமே நடித்து வருவதாக தகவல்கள் தெரிவிக்கின்றன.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

அண்மையில் இப்படத்தில் இணைந்த ஒரு சர்ப்ரைஸான நடிகர் தான் மோகன். 80-களில் டாப் ஹீரோவாக வலம் வந்த மோகன், கடந்த சில ஆண்டுகளாக சினிமாவில் நடிக்காமல் ஒதுங்கியே இருந்தார். இதையடுத்து ஹரா என்கிற படம் மூலம் மீண்டும் ரீ-எண்ட்ரி கொடுத்த மோகனுக்கு அடுத்தடுத்து பட வாய்ப்புகள் குவிந்த வண்ணம் உள்ளன. அதில் ஒரு படம் தான் தளபதி 68. அதுவும் இப்படத்தில் நடிகர் விஜய்க்கு வில்லனாக நடிக்கிறாராம் மோகன்.

இந்நிலையில், நடிகர் மோகனுக்கு தளபதி 68 படத்தில் வில்லனாக நடிக்க வழங்கப்பட்ட சம்பளம் குறித்த தகவல் கசிந்துள்ளது. அதன்படி இப்படத்திற்காக அவருக்கு ரூ.2 கோடி சம்பளமாக வழங்கப்பட்டு உள்ளதாம். நடிகர் மோகனின் கெரியரிலேயே அவர் வாங்கிய அதிகபட்ச சம்பளம் இது என கூறப்படுகிறது. இதன்மூலம் மோகனுக்கு லைஃப் டைம் செட்டில்மெண்ட் பேசி இப்படத்தில் நடிக்க கமிட் செய்துள்ளனர் என்பது தெரிகிறது.

இதையும் படியுங்கள்... இந்த காலத்துல இப்படி ஒரு ஹீரோயினா! ரசிகர்களோடு பிறந்தநாள் கொண்டாடிய ரகுல் ப்ரீத் சிங் - Exclusive போட்டோஸ் இதோ