Meena Photos: இவங்களுக்கு 47 வயசுனு சொன்னா யார் நம்புவாங்கா.. டீன் ஏஜ் பெண்களுக்கு சவால் விடும் அழகில் மீனா!

47 வயதிலும் டீன் ஏஜ் பெண்களுக்கு சவால் விடும் அழகில், நடிகை மீனாவின் லேட்டஸ்ட் புகைப்படங்கள் உள்ளன. 

Meena

நடிகை மீனா என்றதும் அவரது ரசிகர்களுக்கு முதலில் நினைவுக்கு வருவது... அவரின் மீன் போன்ற கண்களும், முத்துக்களை உதிர்க்கும் சிரிப்பும் தான்.

நடிகை மீனா சென்னையில் பிரிந்து வளர்ந்தவர் என்பதால், தெரிந்தவர்கள் மூலம் குழந்தை நட்சத்திரமாக நடிக்கும் வாய்ப்பு 5 வயதில் கிடைத்தது. மீனாவுக்கு ஆர்வம் இருந்ததால் அவரின் குடும்பத்தினர் நடிக்க அனுமதி கொடுத்தனர்.

அந்த வகையில் 1982- ஆம் ஆண்டு 'நெஞ்சங்கள்' படத்தில் அறிமுகமானார். ஒரே வருடத்தில் 4 படங்களில் குழந்தை நட்சத்திரமாக நடித்த மீனாவுக்கு அடுத்தடுத்த படங்களில் நடிக்கும் வாய்ப்பு தேடி வந்தது.

தமிழ், மலையாளம், தெலுங்கு என மூன்று மொழிகளிலும் குழந்தை நட்சத்திரமாக கலக்கிய மீனா, தன்னுடைய 14 வயதில், 1990-ம் ஆண்டு தெலுங்கில் நவயுகம் என்கிற படத்தில் ஹீரோயினாக அறிமுகமானார்.

இதை தொடர்ந்து அதே ஆண்டு தமிழிலும் 'ஒரு புதிய கதை' என்கிற படத்தில் ஹீரோயினாக நடித்தார். ஆனால் இவருக்கு கோலிவுட் திரையுலகில் திருப்புமுனையை ஏற்படுத்தியது, 1991-ஆம் ஆண்டு ராஜ்கிரணுக்கு ஜோடியாக நடித்த 'என் ராசாவின் மனசிலே' திரைப்படம் தான். சோலையமாவாக எதார்த்தமான நடிப்பை வெளிப்படுத்தினார் மீனா.

இந்த படத்தில் இவரின் நடிப்பு அதிகம் கவனிக்கப்பட்டதை தொடர்ந்து, ரஜினி, சரத்குமார், அஜித், கமல், என பல முன்னணி நடிகர்களுக்கு ஜோடியாக நடித்தார். 

புதிய நடிகைகளின் வருகையால் இவரின் மார்க்கெட் சரிந்தது ... குணச்சித்திர வேடம் மற்றும் சீரியல் நாயகியாக மீனா மாறிய நிலையில், 2009 ஆம் ஆண்டு வித்யா சாகர் என்பவரை திருமணம் செய்து கொண்டார்.

இந்த தம்பதிகளுக்கு தற்போது நைனிகா என்கிற மகள் ஒருவரும் உள்ளார். கணவருடன் மகிழ்ச்சியாக மீனா வாழ்ந்து வந்த நிலையில், நுரையீரல் பிரச்சனை காரணமாக வித்யா சாகர் கடந்த 2022 ஆம் ஆண்டு உயிரிழந்தார்.

கணவரின் மரணத்தை தொடர்ந்து 6 மாதம் வீட்டின் உள்ளேயே அடைந்து கிடந்த மீனா, தோழிகள் கொடுத்த ஊக்கத்தால், மீண்டும் வெளியே தலைகாட்டினார். 

தற்போது திரைப்படங்கள் மற்றும் டான்ஸ் நிகழ்ச்சி ஒன்றிலும் நடுவராக மீனா கலந்து கொண்டுள்ள நிலையில்... இவரது லேட்டஸ்ட் சல்வார் லுக் போட்டோஸ் வைரலாக பார்க்கப்பட்டு வருகிறது. மீனா 47 வயதிலும் டீன் ஏஜ் பெண்களுக்கு சவால் விடும் அழகில் ஜொலிக்கிறார் என்பது குறிப்பிடத்தக்கது.