Tamil News Live Updates: ஆன்லைன் சூதாட்ட தடைச் சட்டத்தை எதிர்த்த வழக்கு.. இன்று தீர்ப்பு

தீபாவளிக்கு திரைக்கு வர உள்ள ஜிகர்தண்டா டபுள் எக்ஸ் திரைப்படம் வெற்றிபெற வேண்டி படக்குழுவினர் திருப்பதியில் சாமி தரிசனம் செய்தனர்.

டிசம்பர் மாதம் வெளியாக இருந்த கேப்டன் மில்லர் படம் பொங்கலுக்கு தள்ளிப்போய் உள்ளதை சர்ச்சைக்குரிய விமர்சகரான ப்ளூ சட்டை மாறன் விமர்சித்துள்ளார்.

பிக்பாஸ் நிகழ்ச்சியில் போட்டியாளராக இருக்கும் ஐஷூ, நிக்சன் இருவரும் காதல் ஜோடியாக வலம் வரும் நிலையில், ஐஷூவின் தாய் போட்ட உருக்கமான பதிவு வைரலாகி வருகிறது.

தமிழ்நாட்டில் 100 நாள் வேலை திட்டத்தின் கீழ் மேற்கொண்ட பணிகளுக்கான ஊதிய பாக்கியை மத்திய அரசு உடனே வழங்க வேண்டும் என ராமதாஸ் வலியுறுத்தியுள்ளார். 

கார்த்தி நடிப்பில் தீபாவளிக்கு திரைக்கு வர உள்ள ஜப்பான் படத்துக்கு சிறப்பு காட்சிகளை திரையிட தமிழக அரசு அனுமதி அளித்துள்ளது.

பிக்பாஸ் நிகழ்ச்சியில் நடைபெற்ற கோர்ட் டாஸ்க்கில் போட்டியாளர்கள் அனைவரும் காரசாரமாக விவாதம் நடத்திய புரோமோ காட்சிகள் வெளியாகி உள்ளன.

ஆன்லைன் சூதாட்ட தடைச் சட்டத்தை எதிர்த்து விளையாட்டு நிறுவனங்கள் தொடர்ந்த வழக்குகளில் சென்னை உயர் நீதிமன்றம் இன்று தீர்ப்பளிக்கிறது.

ஆவின் பணியாளர்களுக்கு 20% தீபாவளி போனஸ் வழங்கப்படும் என பால்வளத்துறை அமைச்சர் மனோ தங்கராஜ் அறிவிப்பை வெளியிட்டுள்ளார். 

பாஜகவின் அமர்பிரசாத் ரெட்டியை குண்டர் சட்டத்தில் சிறையில் அடைக்கும் திட்டம் ஏதும் இல்லை என தாம்பரம் காவல் ஆணையர் சென்னை உயர்நீதிமன்றத்தில் விளக்கம் அளித்துள்ளார். 

தொடர் கனமழை காரணமாக மதுரை, கோவை மாவட்டத்தில் உள்ள பள்ளிகளுக்கு மட்டும் இன்று விடுமுறை என அம்மாவட்ட ஆட்சியர்கள் அறிவிப்பை வெளியிட்டுள்ளார். 

சென்னையில் மின்வாரிய பராமரிப்பு காரணமாக இன்று காலை 9 மணி முதல் மதியம் 2 மணி வரை பெசன்ட் நகர் பகுதிகளில் மின்தடை ஏற்படும் என மின்வாரியம் அறிவித்துள்ளது.