Tamil News Live Updates: கோவையில் தனியார் கல்லூரி காம்பவுண்ட் சுவர் இடிந்து 4 பேர் பலி

ஐக்கூ மொபைல் நிறுவனத்தின் மிகவும் எதிர்பார்க்கப்பட்ட கேமிங் சிறப்பம்சங்களுடன் கூடிய iQOO Neo 7 Pro 5G ஸ்மார்ட்போன் வெளியாகி உள்ளது.

மின்வேலிகள் அமைப்பதற்கு முன் அனுமதி பெறுவது கட்டாயம் என்று தமிழ்நாடு அரசு உத்தரவு பிறப்பித்துள்ளது.

ட்விட்டருக்குப் போட்டியாக த்ரெட்ஸ் என்ற செயலியை உருவாக்கி வருகிறது இன்ஸ்டாகிராம். இந்த ஆப் எப்போது வெளியாகும் என்ற தகவல் வெளியாகி உள்ளது.

தூத்துக்குடி பனிமய மாதா கோயில் தங்கத் தேர் திருவிழாவை முன்னிட்டு பயணிகளின் வசதிக்காக சென்னை - தூத்துக்குடி இடையே சிறப்பு ரயிலை இயக்க தெற்கு ரயில்வே முடிவு செய்து உள்ளது.

விடுமுறை நாட்கள் தவிர்த்து, அனைத்து நாட்களிலும் நேரில் சந்தித்து கோரிக்கை மனு அளிக்கலாம் என்று டிஜிபி சங்கர் ஜிவால் அறிவித்துள்ளார்.

பழங்குடியின நபர் மீது பாஜக எம்.எல்.ஏவின் பிரதிநிதி ஒருவர் சிறுநீர் கழித்த வீடியோ சமூக வலைத்தளங்களில் வைரலாகி வருகிறது.

தமிழகத்தில் 15 மாவட்டங்களில் மழை பெய்யும் என்று வானிலை ஆய்வு மையம் அறிவித்துள்ளது.

கியா நிறுவனத்தின் செல்டோஸ் ஃபேஸ்லிஃப்ட் (Kia Seltos facelift) கார் இன்று (ஜூலை 4-ஆம் தேதி) இந்தியாவில் அறிமுகப்படுத்தப்பட்டுள்ளது.

கோவையில் அருகே உள்ள தனியார் கல்லூரி ஒன்றில் காம்பவுண்ட் சுவர் இடிந்து விழுந்து 4 பேர் பலியான சம்பவம் பெரும் அதிர்ச்சியை உண்டாக்கி உள்ளது.

நான்கு மாநிலங்களின் 5 நகரங்களுக்கு பிரதமர் மோடி 50 ஆயிரம் கோடி மதிப்பிலான 50 திட்டங்களை பிரதமர் மோடி தொடங்கி வைக்கிறார்.

இன்ஸ்டாகிராம் பயன்படுத்துபவர்களுக்கு தெரியாத 5 முக்கிய அம்சங்கள் என்னென்ன என்பதை இந்த பதிவில் காணலாம்.

திருநெல்வேலி மாவட்டம் அருகே உள்ள துலுக்கர்பட்டியில் நடந்து வரும் அகழாய்வுப் பணிகளின் போது தமிழி எழுத்துகள் பொறிக்கப்பட்ட மண்பானை ஓடுகள் கிடைத்துள்ளன.

தெலங்கானா, ஆந்திரா, ஜார்க்கண்ட், பஞ்சாப் மாநிலங்களுக்கு பாஜக தலைவர்கள் நியமனம் செய்யப்பட்டுள்ளனர். தெலங்கானா பாஜக தலைவராக கிஷண் ரெட்டி நியமனம், ஆந்திர பாஜக தலைவராக புரந்தேஸ்வரியும் நியமனம் செய்து பாஜக தேசிய தலைவர் நட்டா உத்தரவு அளித்துள்ளார். ஜார்கண்ட் மாநிலத் தலைவராக முன்னாள் முதல்வர் பாபுலால் மராண்டியும், பஞ்சாப் மாநிலத் தலைவராக சுனில் ஜாக்கரும் நியமிக்கப்பட்டுள்ளனர்.

பொதுத்துறை எண்ணெய் விற்பனை நிறுவனங்கள் வணிக பயன்பாட்டு சிலிண்டர் விலையை மீண்டும் உயர்த்தி உள்ளன.

வரும் மக்களவைத் தேர்தலில் பாஜக பெரும்பான்மை பெற்று ஹாட்ரிக் சாதனை படைக்கப் போவதை யாராலும் தடுக்க முடியாது என வானதி சீனிவாசன் கூறியுள்ளார்.

அமைச்சர் செந்தில் பாலாஜியின் மனைவி உயர் நீதிமன்றத்தில் தாக்கல் செய்த ஆட்கொணர்வு மனுவின் மீது நீதிபதிகள் மாறுபட்ட தீர்ப்பை வழங்கியதை அடுத்து ஆட்கொணர்வு வழக்கு தலைமை நீதிபதி அமர்வுக்கு பரிந்துரை செய்யப்பட்டுள்ளது. 

சட்டவிரோத பணப்பறிமாற்ற தடைச்சட்ட வழக்கில் செந்தில் பாலாஜி கைது செய்யப்பட்ட நிலையில், அவர் சட்டவிரோத காவலில் இருப்பதாக அவரது மனைவி மேகலா சென்னை உயர்நீதிமன்றத்தில் தொடர்ந்த வழக்கில் இரு நீதிபதிகள் மாறுப்பட்ட தீர்ப்பை வழங்கியுள்ளனர். 

சென்னை ராஜீவ் காந்தி அரசு பொது மருத்துவமனையில் தவறான சிகிச்சை அளிக்கப்பட்டதால் ராமநாதபுரத்தை சேர்ந்த ஒன்றரை வயது குழந்தையின் வலது கை அகற்றப்பட்ட செய்தி அதிர்ச்சியளிக்கிறது என டிடிவி. தினகரன் தெரிவித்துள்ளார்.

செந்தில் பாலாஜிக்கு போலீஸ் காவல் கொடுக்கவே முடியாது. கைது நடவடிக்கையில் விதிமீறல்கள் இருக்கிறது என ஒரு நீதிபதி ஒப்புதல்: திமுக வழக்கறிஞர் என்.ஆர். இளங்கோ 
 

காவேரி மருத்துவமனையில் செந்தில் பாலாஜிக்கு சிகிச்சை தொடரலாம். மருத்துவர்கள் ஒப்புதல் அளிக்கும் வரை செந்தில் பாலாஜி சிகிச்சையில் இருக்கலாம் என நீதிபதி தீர்ப்பு 

செந்தில் பாலாஜி மனைவி கொண்டு வந்த ஆட்கொணர்வு மனு ஏற்கத்தக்கது, சட்ட விரோத கைதாக இருந்தால் செந்தில் பாலாஜியை விடுவிக்கலாம் - நீதிபதி நிஷா பானு 

இன்று முதல் பத்து நாட்களுக்கு அமைச்சர் செந்தில் பாலாஜி காவேரி மருத்துவமனையில் சிகிச்சை பெறலாம். அதற்கு மேல் சிகிச்சை தேவைப்பட்டால் அரசு மருத்துவமனையில் சேர்க்க வேண்டும் - நீதிபதி பரத சக்ரவர்த்தி 

சென்னை மெட்ரோ ரயில் இரண்டாம் கட்டத்தில் 15 ரயில் நிலையங்களில் வழித்தடம் மாறும் வசதி அமைக்கப்பட உள்ளது

பீகாரில் ஐக்கிய ஜனதாதள கட்சியை சேர்ந்த பலர் நிதிஷ்குமார் மீது அதிருப்தியில் இருப்பதாக அம்மாநில பாஜக மூத்த தலைவர் சுஷில் குமார் மோடி தெரிவித்துள்ளார்

குக் வித் கோமாளி நிகழ்ச்சியின் 3-வது சீசனில் போட்டியாளராக கலந்துகொண்டு கலக்கிய நடிகர் முத்துக்குமார் புது கார் ஒன்றை வாங்கி உள்ளார்.

அமெரிக்காவின் சான் பிரான்சிஸ்கோ நகரில் உள்ள இந்திய துணை தூதரகத்திற்கு காலிஸ்தான் ஆதரவாளர்கள் தீ வைத்து வைக்கப்பட்ட வீடியோ வெளியாகி வைரலாகியுள்ளது. இதனை அமெரிக்கா கடுமையாக கண்டிப்பதாகவும் இது ஒரு கிரிமினல் குற்றம் என்றும் அமெரிக்க வெளியுறவுத் துறை செய்தித்தொடர்பாளர் மேத்யூ மில்லர் கூறியுள்ளார்.

குக் வித் கோமாளி நிகழ்ச்சி மூலம் பிரபலமான நடிகர் பாலா, முதியோர் இல்லத்திற்கு சொந்த செலவில் ஆம்புலன்ஸ் வாங்கிக் கொடுத்து உதவி உள்ளார்.

மதிமுகவின் மயிலாடுதுறை மாவட்ட செயலாளர் மார்கோனி அக்கட்சியில் இருந்து அதிரடி நீக்கப்படுவதாக வைகோ அறிவித்த நிலையில் அதற்கான காரணம் வெளியாகியுள்ளது. 

பணி  நேரத்தில் இருக்கும் காவலர்கள் செல்போன் பயன்படுத்தக் கூடாது என்று சென்னை காவல் ஆணையர் சந்தீப் ராய் ரத்தோர் அதிரடி உத்தரவு பிறப்பித்துள்ளார்.

சென்னையில் மின் தடை: மின்வாரிய பராமரிப்பு காரணமாக காலை 9 மணி முதல் மதியம் 2 மணி வரை கே.கே.நகர், கிண்டி உள்ளிட்ட பகுதியில் மின் விநியோகம் நிறுத்தப்படுவதாக மின்வாரியம் அறிவித்துள்ளது.

சென்னையில் 409வது நாளாக பெட்ரோல் - டீசல் விலையில் எந்த மாற்றமும் இல்லை. ஒரு லிட்டர் பெட்ரோல் ரூ. 102.63க்கும், டீசல் - ரூ. 94.24க்கும் விற்பனை செய்யப்படுகிறது.