Vikram box office collection: வசூலில் பட்டையை கிளப்பும் விக்ரம் படம்...உலகளவில் 300 கோடியை தொட்டு புதிய சாதனை

உலகநாயகன் கமல்ஹாசன் தமிழ் சினிமா கொண்டாடும் மிக முக்கியமான நடிகர்களில் ஒருவர். இவர் இடையில் பிக்பாஸ் தொகுத்து வழங்குவது, அரசியல் என பிஸியாக இருந்தார். இப்போது மீண்டும் படங்கள் நடிக்க தொடங்கியுள்ளார். அப்படியாக, நான்கு வருட காத்திருப்பிற்கு பிறகு கமல் நடிப்பில், லோகேஷ் கனகராஜ் இயக்கத்தில்  வெளியான படம் விக்ரம். இந்த படத்தில் கமலுடன் இணைந்து, விஜய்சேதுபதி, பக்த் பாசில்,  சூர்யா ஆகியோர் முக்கிய கதாபாத்திரத்தில் நடித்துள்ளனர்.   

இந்த படம் ரசிகர்களின் பேராதரவை பெற்று பிளாக் பஸ்டர் வரவேற்பை பெற்று வருகிறது. லோகேஷின் பக்கா ஆக்‌ஷன் திரைப்படமாக வெளியான விக்ரம் திரைப்படம் இதுவரை இல்லாதளவு வசூல் சாதனைகளை நிகழ்த்தி வருகிறது. அதன்படி இப்படம் தமிழ்நாட்டில் மட்டும் ரூ.100 கோடிக்கும் மேல் வசூல் செய்து சாதனை படைத்துள்ளது.
 

இன்னும் திரையரங்குகளில் மக்கள் கூட்டம் அலைமோதி காணப்படுவதால், விக்ரம் திரைப்படம் உலகளவில் சுமார் வசூலை குவித்து வருகிறது.அதன்படி தற்போது விக்ரம் திரைப்படத்தின் ஒட்டுமொத்த வசூல் குறித்த விவரம் வெளியாகியுள்ளது.

இந்த படம் வெறும் 9 நாட்களில் சென்னையில் மட்டுமே படம் ரூ. 10.5 கோடி வரை வசூலித்துள்ளதாக கூறப்படுகிறது. ஆம், அதன்படி விக்ரம் திரைப்படம் தற்போது வரை உலகம் முழுவதும் மொத்தமாக ரூ. 275 கோடிகளுக்கு மேல் வசூல் செய்துள்ளதாம். இதனால் பட குழுவினர் மிகுந்த மகிழ்ச்சியில் உள்ளனராம்.