அஞ்சலி செலுத்த வந்த இடத்தில் ரசிகர்களுடன் செல்பி எடுத்த டிடிஎப் வாசன்... விரட்டியடித்த விஜயகாந்த் ரசிகர்
கேப்டன் விஜயகாந்தின் நினைவிடத்துக்கு அஞ்சலி செலுத்த வந்த டிடிஎப் வாசன், அங்கு தன்னை காண வந்த ரசிகர்களுடன் செல்பி எடுத்த நிலையில், அவர்களை விஜயகாந்த் ரசிகர் ஒருவர் விரட்டி அடித்துள்ளார்.
நடிகரும், அரசியல்வாதியுமான விஜயகாந்த் கடந்த மாதம் மரணமடைந்தார். அவரது உடல் சென்னை கோயம்பேட்டில் உள்ள தேமுதிக அலுவலகத்தில் நல்லடக்கம் செய்யப்பட்டு உள்ளது. அங்குள்ள விஜயகாந்த் சமாதியில் தினந்தோறும் ஆயிரக்கணக்கான மக்கள் வந்து அஞ்சலி செலுத்திய வண்ணம் உள்ளனர். இந்த நிலையில், நேற்று சர்ச்சைக்குரிய யூடியூப்பரான டிடிஎப் வாசன் மஞ்சள் வீரன் பட இயக்குனருடன் வந்து விஜயகாந்த் நினைவிடத்தில் அஞ்சலி செலுத்தினார்.
![article_image2](https://static-ai.asianetnews.com/images/01hmgbjz4jyym6ps447m2zh31d/new-project---2024-01-19t132026-443_300x144xt.jpg)
அப்போது அவர் அஞ்சலி செலுத்த வந்ததை அறிந்த அவரது ரசிகர்கள் அவருடன் செல்பி எடுக்க குவிந்தனர். இதனால் அங்கு கூட்ட நெரிசல் ஏற்பட்டது. இதைப்பார்த்த விஜயகாந்த் ரசிகர் ஒருவர், அவர்களை விரட்டியடித்தார். இதனால் அங்கு சிறிது நேரம் பரபரப்பு நிலவியது. இதையடுத்து செய்தியாளர்களை சந்தித்த டிடிஎப் வாசனிடம் அடுக்கடுக்கான கேள்விகள் முன் வைக்கப்பட்டது.
இதையும் படியுங்கள்... ஹீரோயின் உடன் டிடிஎப் வாசன் காதல்.... மஞ்சள் வீரனின் மஞ்ச காட்டு மைனா இவர்தானா? - வைரலாகும் போட்டோஸ்
குறிப்பாக விஜயகாந்த் மறைவுக்கு பின்னர் இவ்ளோ நாள் கழித்து வந்தது ஏன் என கேட்டதற்கு தான் கோர்ட் கேஸ் என அழைந்ததால் வர முடியவில்லை என கூறினார். உடனே டிடிஎப் வாசன் நடிகை ஷாலின் சோயா உடன் கேரளாவில் சுற்றிய வீடியோக்கள் பற்றி கேள்வி எழுப்பிய நிரூபர் ஒருவர், இதற்கு நேரம் இருக்கும்போது விஜயகாந்துக்கு அஞ்சலி செலுத்த மட்டும் நேரம் கிடைக்கவில்லையா என கேட்டார்.
இதற்கு பதிலளித்த வாசன், தான் கையில் ஏற்பட்ட காயத்திற்கு சிகிச்சைக்காக மட்டுமே கேரளா சென்றதாகவும், அப்போது தான் ஷாலின் சோயாவை சந்தித்ததாக விளக்கம் அளித்தார். தொடர்ந்து அவர் தன்னுடைய டிடிஎப் கடையில் ஜிபிஎஸ் கருவியை அதிகவிலைக்கு விற்பனை செய்துவருவது குறித்து ஒருவர் கேள்வி எழுப்பப்பட்டது. இதைக்கேட்டு கடுப்பான டிடிஎப், தான் அதிக விலைக்கு விற்கவில்லை என்றும் அதற்காக எவ்வளவு செலவாகிறது என்பது குறித்தும் விவரமாக கூறிவிட்டு அங்கிருந்து கிளம்பிச் சென்றார்.
இதையும் படியுங்கள்... TTF வாசன் இளைஞர்களுக்கு தவறான முன்னுதாரணம்.. முடிந்தால் என்னோடு ரேஸுக்கு வரச்சொல்லுங்கள் - சவால் விட்ட அலிஷா!