ஹீரோயின் உடன் டிடிஎப் வாசன் காதல்.... மஞ்சள் வீரனின் மஞ்ச காட்டு மைனா இவர்தானா? - வைரலாகும் போட்டோஸ்
மஞ்சள் வீரன் படம் மூலம் சினிமாவில் ஹீரோயினாக அறிமுகமாக உள்ள டிடிஎப் வாசன், நடிகை ஒருவரை காதலித்து வருவதாக இணையத்தில் தகவல் பரவி வருகிறது.
TTF Vasan
சர்ச்சைக்குரிய யூடியூப்பராக வலம் வருபவர் டிடிஎப் வாசன். இவர் பைக்கில் சாகசம் செய்து வீடியோக்களை பதிவிட்டு யூடியூப்பில் பிரபலமானார். அதிலும் குறிப்பாக அவருக்கு 2கே கிட்ஸ் ரசிகர்கள் அதிகம் என்பதால் அவர்களை கவரும் வகையில் தொடர்ந்து அதிவேகமாக பைக் ஓட்டுவதும், பைக்கில் வீலிங் செய்வது என வீடியோக்கள் பதிவிட்டு வந்தார். அவரின் வீடியோக்களை பார்த்து அவரது ரசிகர்களும் அதுபோல் செய்ய வாய்ப்பு இருப்பதால் வாசன் மீது நடவடிக்கை எடுக்ககோரி கண்டனக் குரல்களும் எழுந்து வந்தன.
Youtuber TTF Vasan
ஒருகட்டத்தில் சாலை விதிகளை மீறி அதிவேகமாக பைக் ஓட்டியதற்காக டிடிஎப் வாசன் மீது கோவை சூலூர் காவல்நிலையத்தில் வழக்குப்பதிவும் செய்யப்பட்டது. அதன்பின்னர் ஆபீஸ் திறப்பு விழாவிற்கு வந்த டிடிஎப் வாசனை காண குவிந்த ரசிகர்களால் போக்குவரத்து இடையூறு ஏற்பட்டதால் அவர்கள் மீது போலீசார் தடியடி நடத்தினர். இதை கண்டித்து வீடியோ வெளியிட்ட வாசன், போலீசுக்கே சவால் விட்டு பேசினார். இப்படி செல்லும் இடமெல்லாம் சர்ச்சையில் சிக்கி வந்தார் வாசன்.
TTF Vasan and actress Shalin zoya
இதனிடையே கடந்த சில மாதங்களுக்கு முன்னர் மகாராஷ்ட்ராவுக்கு பைக் ரைடு செல்ல கிளம்பியபோது காஞ்சிபுரம் அருகே தேசிய நெடுஞ்சாலையில் வீலிங் செய்ய முயன்ற வாசன் கட்டுப்பாட்டை இழந்து அருகில் இருந்த தடுப்பின் மீது மோதி அவர் ஒருபுறம், அவரது பைக் ஒருபுறம் தூக்கிவீசப்பட்டது. இதுகுறித்த வீடியோ காட்சிகளும் வெளியாகி பரபரப்பை ஏற்படுத்தியது. இந்த விபத்தில் டிடிஎப் வாசனின் கையில் பலத்த காயம் ஏற்பட்டது.
இதையும் படியுங்கள்... ராமர் கோயில் கும்பாபிஷேக விழா.. அழைப்பை ஏற்று அயோத்தி செல்கிறார் ரஜினிகாந்த் - வெளியான முக்கிய தகவல்!
TTF Vasan with shalin zoya
இதையடுத்து வாசன் மீது போலீசார் வழக்குப்பதிவு செய்து நீதிமன்றத்தில் ஆஜர்படுத்தினர். இந்த வழக்கை விசாரித்த நீதிபதி வாசனுக்கு சிறை தண்டனை விதித்து உத்தரவிட்டார். அதுமட்டுமின்றி இதுபோன்ற விதிமீறல்களில் ஈடுபடுவதால் அவரின் பைக்கை ஏன் எரிக்கக்கூடாது என காட்டமாக விமர்சனமும் செய்திருந்தார். பின்னர் டிடிஎப் வாசனின் ஓட்டுநர் உரிமத்தை 10 ஆண்டுகளுக்கு ரத்து செய்து உத்தரவு பிறப்பிக்கப்பட்டது.
TTF Vasan photos with shalin zoya
சில மாதங்கள் சிறைவாசத்துக்கு பின் ஜெயிலில் இருந்து ஜாமினில் வெளிவந்த வாசன், தற்போது பைக் ஓட்ட முடியாததால், சொந்தமாக கடை ஒன்றை தொடங்கி நடத்தி வருகிறார். இது ஒருபுறம் இருக்க அவர் நடிகை ஒருவருடன் எடுத்துக்கொண்ட புகைப்படம் தற்போது இணையத்தில் வைரலாகி வருகிறது. அந்த புகைப்படத்தில் நடிகை ஷாலின் சோயா என்பவர் டிடிஎப் வாசனை கட்டிப்பிடித்தவாரு போஸ் கொடுத்துள்ளார்.
TTF Vasan and Shalin zoya viral photo
அந்த போட்டோவை தன்னுடைய இன்ஸ்டாகிராம் பக்கத்தில் பதிவிட்டுள்ள வாசன் ஹாய் கத்தீஜா என பதிவிட்டுள்ளார். இதற்கு ஷாலின் சோயா ஹார்டின் எமோஜியை பறக்கவிட்டுள்ளார். இதைப்பார்த்த நெட்டிசன்கள் இவர்கள் இருவரும் காதலிப்பதாக எண்ணி வாழ்த்துக்களை கூறி வருகின்றனர். நடிகை ஷாலின் சோயா தமிழில் ராஜா மந்திரி, கண்ணகி போன்ற படங்களில் நடித்துள்ளார். அதேபோல் டிடிஎப் வாசனும் விரைவில் மஞ்சள் வீரன் என்கிற படத்தின் மூலம் ஹீரோவாக அறிமுகமாக உள்ளார் என்பது குறிப்பிடத்தக்கது.
இதையும் படியுங்கள்... Pradeep Antony: வாக்கு கொடுத்ததால அமைதியா இருக்கேன்.! ஒற்றை ட்விட்டில் பூர்ணிமாவை அசிங்கப்படுத்திய பிரதீப் !
சேனலை கிளிக் செய்து பின்தொடரவும்
