Sun Tv Serial: முடிவுக்கு வரும் சன் டிவியின் சூப்பர் ஹிட் தொடர்! 'அருவி' சீரியலில் ஏற்படும் முக்கிய மாற்றம்?

இயக்குனர் கே.சிவா இயக்கத்தில், கடந்த 2022 மே மாதம் முதல் சன் டிவியில் ஒளிபரப்பாகி வரும் சீரியல் 'பிரியமான தோழி'. முதல் 35 எபிசோடுகளை இயக்குனர் சிவா இயக்கிய நிலையில், பின்னர் சில கருத்து முரண்பாடு காரணமாக இந்த தொடரில் இருந்து வெளியேறினார். அவரை தொடர்ந்து ஓ.என்.ரத்தினம் என்பவர் தற்போது வரை இந்த சீரியலை இயக்கி வருகிறார்.

இந்த தொடரில் சாண்ரா பாபு ஹீரோயின் ஆகவும், விக்கி ரோஷன் ஹீரோவாகவும் நடித்து வருகின்றனர். நட்பை அடிப்படையாக வைத்து ஒளிபரப்பாகி வரும் இந்த தொடரில், பவித்ரா என்கிற கதாபாத்திரத்தில் நடித்து வரும் சாண்ரா, ஆதியாக நடித்து வரும் விக்கி ரோஷனின் உயிர் தோழி.

Deviyani Sharma: சிம்புவுடன் ஜோடி போட்டே தீருவேன்..! அடம் பிடிக்கும் இளம் நடிகை தேவயானி ஷர்மா..!

ஆதியின் சகோதரர் அரவிந்த் பவித்ரா மீது காதல் கொள்ள, இருவருக்கும் திருமணம் நடக்கிறது. திருமணம் ஆன சில மாதங்களிலேயே சில சூழ்ச்சிகள் காரணமாக அரவிந்த் கொல்லப்படுகிறார். பவித்ரா கர்ப்பமாக இருக்கும் நேரத்தில், இந்த தகவல் அவருடைய குடும்பத்தில் பேரிடியாக அமைகிறது.

ஆதிக்கும், சங்கவிக்கு திருமண ஏற்பாடுகள் நடந்து வரும் நிலையில், அண்ணனின் இறப்பு ஒரு கொலை என்பதை அறிந்து கொண்ட ஆதி... பவித்ராவின் நலன் கருதி தன்னுடைய தோழியே திருமணம் செய்து கொள்ள முடிவு செய்து திருமணம் செய்து கொள்கிறார். 

Kalaignar100 : எஸ்.ஜே.சூர்யா நாடகம் முதல்... அதிதி ஷங்கர் ஆட்டம் வரை! கலைஞர் 100 சிறப்புகளை கூறும் போட்டோஸ்!

பல போராட்டங்களுக்கு பின், பவித்ராவுக்கு குழந்தை பிறந்து விட்டாலும்... ஆதியை பவித்ரா ஏற்றுக் கொள்வாரா? சங்கவி ஆதி மேல் உள்ள காதலால் தற்போது மன அழுத்தத்தில் பாதிக்கப்பட்டிருக்கும் நிலையில், அடுத்தடுத்து என்ன நடக்கும் என்பது எதிர்பார்ப்பை தூண்டியுள்ளது.

கிட்டத்தட்ட முடிவை நெருங்கி வரும் இந்த சீரியல், இன்னும் ஒரு சில வாரங்களில் நிறைவடைய உள்ளதாகவும், எனவே இந்த தொடர் ஒளிபரப்பாகி வந்த மதியம் 1 மணிக்கு, 'அருவி' தொடர் மாற்றம் செய்யப்பட்டுள்ளதாக புதிய தகவல் ஒன்று வெளியாகி உள்ளது. விரைவில் இது குறித்து அறிவிப்பு வெளியாகும் என எதிர்பார்க்கப்படுகிறது.

Babloo Prithiveeraj: பிரிந்த வேகத்தில்.. 24 வயது காதலியுடன் இணைந்த பப்லு! வைரலாகும் செல்ஃபி புகைப்படம்!