டாப் ஹீரோவுக்கு ஜோடி... ஜாக்பாட் வாய்ப்பை தட்டிதூக்கியதால் செம்ம குஷியில் நடிகை ஸ்ரீ திவ்யா

பொன்ராம் இயக்கிய வருத்தப்படாத வாலிபர் சங்கம் திரைப்படத்தில் சிவகார்த்திகேயனுக்கு ஜோடியாக நடித்ததன் மூலம் பட்டிதொட்டியெங்கும் பேமஸ் ஆனவர் ஸ்ரீதிவ்யா. அப்படத்தில் லதா பாண்டி என்கிற கதாபாத்திரத்தில் நடித்து தன்னுடைய துறு துறு நடிப்பாலும், அழகாலும் ரசிகர்களை கட்டிப்போட்டார். இதையடுத்து காக்கி சட்டை, விக்ரம் பிரபு ஜோடியாக வெள்ளைக்காரதுரை, கார்த்தி உடன் காஷ்மோரா, விஷால் ஜோடியாக மருது, விஷ்ணு விஷாலின் ஜீவா போன்ற படங்களில் நடித்தார்.

இப்படி தொடர்ந்து முன்னணி நடிகர்களுடன் நடித்து படிப்படியாக வளர்ந்து வந்த ஸ்ரீ திவ்யா, திடீரென கோலிவுட்டில் இருந்து காணாமல் போனா. சுமார் 4 ஆண்டுகளாக தமிழ் படங்களில் தலைகாட்டாமல் இருந்த அவர், கடந்த ஆண்டு தீபாவளிக்கு வெளிவந்த ரெய்டு படம் மூலம் ரீ-எண்ட்ரி கொடுத்தார். இப்படம் தோல்வியை சந்தித்தாலும், சினிமாவில் தான் இழந்த இடத்தை மீண்டும் பிடிக்கும் முடிவோடு இருந்த ஸ்ரீ திவ்யாவுக்கு தற்போது ஒரு ஜாக்பாட் வாய்ப்பு கிடைத்துள்ளது.

இதையும் படியுங்கள்... சிவனாண்டி மகளா இது... 6 ஆண்டுகளுக்கு பின் கோலிவுட்டில் கம்பேக் கொடுத்த ஸ்ரீதிவ்யாவின் கலக்கல் கிளிக்ஸ்

அதன்படி 96 படத்தின் இயக்குனர் பிரேம்குமார் இயக்கத்தில் உருவாகி வரும் புதிய படத்தில் ஹீரோயினாக நடித்து வருகிறார் ஸ்ரீ திவ்யா. இப்படத்தில் நடிகர் கார்த்திக்கு ஜோடியாக ஸ்ரீ திவ்யா நடித்து வருகிறார். அவர் கார்த்தி உடன் நடிக்கும் இரண்டாவது படம் இதுவாகும். இதற்கு முன்னர் இவர்கள் இருவரும் காஷ்மோரா என்கிற திரைப்படத்தில் இணைந்து நடித்திருந்தனர்.

ஸ்ரீ திவ்யா மட்டுமின்றி இப்படத்தில் மற்றுமொரு ஹீரோயினும் இருக்கிறார். அவர் தான் சுவாதி கொண்டே. இவர் விஜய் டிவியில் ஒளிபரப்பான ஈரமான ரோஜாவே சீரியலின் 2-ம் பாகத்தில் ஹீரோயினாக நடித்தவர் ஆவார். கார்த்தி படத்தின் மூலம் சினிமாவில் எண்ட்ரி கொடுத்துள்ளார் சுவாதி. அவர் இப்படத்தில் வில்லனாக நடிக்கும் அரவிந்த் சாமிக்கு ஜோடியாக நடித்து வருகிறாராம்.

இதையும் படியுங்கள்...  காட்டன் சேலையில் கவர்ச்சி காட்டி... அந்திமாலை பொழுதில் அடிபொலி போட்டோஷூட் நடத்திய மடோனா செபாஸ்டியன்