Top 10 Serial: TRP-யில் மரண அடி வாங்கிய எதிர்நீச்சல்! முதலிடத்தை தட்டி தூக்கிய 'சிங்க பெண்ணே' டாப் 10 லிஸ்ட்!
இந்த வருடத்தின் 48-ஆவது வார டாப் 10 சீரியல்களின் TRP ரேட்டிங் குறித்த தகவல்களை இந்த தொகுப்பில் பார்க்கலாம்.
சமீப காலமாக திரைப்படங்களுக்கு நிகராக, சீரியல்களை இளம் ரசிகர்கள் பலர் அதிகம் பார்க்கின்றனர். திரைப்படங்களின் வெற்றி எப்படி பாக்ஸ் ஆபீஸ் கலெக்ஷன் மூலம் தீர்மானிக்கப்படுகிறதோ... அதே போல் சீரியல்களின் வெற்றி வாரம் வாரம்... TRP-யை வைத்து கணக்கிடப்படுகிறது. அந்த வகையில் இந்த வருடத்தின் 48-ஆவது வாரத்தில் எந்தெந்த சீரியல் டாப் 10 லிஸ்டில் இடம்பிடித்துள்ளது என்பது பற்றி தெரிந்து கொள்வோம்.
Singapennea:
இந்த வாரம் முதல் இடத்தை பிடித்துள்ளது 'சிங்கப்பெண்ணே' சீரியல். தன்னுடைய அக்காவை நல்ல படியாக திருமணம் செய்து வைக்க வேண்டும் என, தன்னுடைய கிராமத்தில் இருந்து வெளியேறி சென்னைக்கு வந்து கார்மெண்ட்ஸ் ஒன்றில் வேலைக்கு சேரும் ஆனந்தி என்கிற பெண்ணை சுற்றி நடக்கும் சம்பவங்களை மையமாக வைத்து இந்த சீரியல் ஒளிபரப்பாகி வருகிறது. அக்டோபர் மாதம் துவங்கப்பட்ட இந்த சீரியல் இரண்டே மாதத்தில் ஒட்டு மொத்த சீரியல் ரசிகர்களின் மனதை கவர்ந்த தொடராக மாறியுள்ளது. இந்த சீரியல், 11.80 TRP புள்ளிகளை இந்த வாரம் பெற்றுள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Kayal:
இரண்டாவது இடத்தை கயல் சீரியல் தக்கவைத்து கொண்டுள்ளது. மூர்த்தி பிரபுவின் கொலை வழக்கில் கைதாகி சிறையில் இருக்கும் நிலையில்... அவரை எப்படி கயல் காப்பாற்ற போகிறார்? சூழ்ச்சியை கடந்து தங்கை தேவிக்கு எப்படி வளைகாப்பு செய்ய போகிறார் என்று விறுவிறுப்பான காட்சிகளுடன் இந்த தொடர் ஒளிபரப்பாகி வருகிறது. கயல் சீரியல் இந்த வாரம் 11.16 புள்ளிகளை பெற்றுள்ளது.
Sundari:
இதை தொடர்ந்து, 10.42 புள்ளிகளுடன் மூன்றாவது இடத்தை தக்கவைத்து கொண்டுள்ளது சுந்தரி சீரியல். ஒரு வழியாக தன்னுடைய முருகன் மாமாவை அவரின் தம்பி ஐயப்பனுடன் சேர்த்து வைத்துவிட்ட சுந்தரி... கார்த்தியை சந்திக்கும் அந்த தருணம் எப்போது வரும் என்கிற எதிர்பார்ப்புடன் இந்த தொடர் ஒளிபரப்பாகி வருகிறது.
Ethirneechal:
இந்த வாரம் எதிர்நீச்சல் சீரியல் 9.89 புள்ளிகளுடன் நான்காவது இடத்தை பிடித்துள்ளது. மாரிமுத்துவின் மரணம் இந்த சீரியலின் TRP-யை குறைத்து விட்டதாகவே பார்க்கப்படுகிறது. நடிகர் வேல ராம மூர்த்தி... அவருடைய பாணியில், குணசேகரனாக மாறி நேர்த்தியான நடிப்பை வெளிப்படுத்தி வந்தாலும்... மாரிமுத்துவின் மாஸ்டர் பீஸ் நடிப்பை இவரால் வெளிப்படுத்த முடியவில்லை என்பது குறிப்பிடத்தக்கது.
Vaanathai Pola:
டாப் 3 பட்டியலில் இதன்பிடித்து வந்த வானத்தை போல சீரியல் இந்த முறை 5-ஆவது இடத்திற்கு தள்ளப்பட்டுள்ளது. சின்ராசு தங்கை துளசி பிரசிடெண்ட் தேர்தலில் நிக்க வழி விட்டு நிற்கும் நிலையில், பொன்னி துளசிக்கு எதிராக களமிறங்கி உள்ளார். பரபரப்பான காட்சிகளுக்கு பஞ்சம் இல்லாமல் ஒளிபரப்பாகி வரும் இந்த தொடர்... 9.59 புள்ளிகளை பெற்றுள்ளது.
Iniya Serial
டாப் 10 TRP லிஸ்டில், இந்த வாரம்... 8.52 புள்ளிகளுடன் இனியா சீரியல் 6-ஆவது இடத்தை பிடித்துள்ளது. ஒருவழியாக இனியாவை குடும்பத்தினர் அனைவரும் ஏற்றுக்கொண்டாலும், மாமனாரின் சதி திட்டங்களை, இனியா கணவரின் உதவியுடன் எப்படி முறியடிப்பார் என்பதை பொறுத்திருந்து பார்ப்போம்.
Aanandha Ragam:
இந்த வாரம் டாப் 10 சீரியல்கள் லிஸ்டில்... சன் டிவியில் ஒளிபரப்பாகி வரும் ஆனந்த ராகம் தொடர் 8.28 TRP புள்ளிகளுடன்... 7-ஆவது இடத்தை பிடித்துள்ளது. ஈஸ்வரி கிரிஜாவின் சூழ்ச்சிகளை முறியடித்து கணவர் மற்றும் மாமியாரை தொடர்ந்து காப்பாற்றி வரும் நிலையில், எப்படி IPS அதிகாரி கனவை எட்டி பிடிக்க உள்ளார் என்கிற ஆர்வத்தையும் இந்த தொடர் தூண்டியுள்ளது.
Baakiyalakshmi Serial:
முதல் 7 இடங்களை சன் டிவி தொடர்கள் கைப்பற்றிய நிலையில்... 8-ஆவது இடத்தை பிடித்துள்ளது விஜய் டிவி சீரியலான 'பாக்கியலட்சுமி'. பாக்கியா ஒரு பக்கம் தன்னுடைய திறமையை நிரூபிக்க போராடி வரும் நிலையில், மற்றொரு புறம்... எழில் மற்றும் செழியன் வாழ்க்கையை எப்படி காப்பாற்ற போகிறார் என்கிற எதிர்பார்ப்புடன் இந்த தொடர் ஒளிபரப்பாகி வருகிறது. பாக்கிய லட்சுமி சீரியல் இந்த வாரம் 7.98 TRP புள்ளிகளை பெற்றுள்ளது.
Siragadika Aasai:
விஜயாவின் பிடிவாதத்தாலும்... மீனாவின் சப்போர்ட்டாலும் குடும்பத்தை மீறி திருமணம் செய்து கொண்ட ரவி மற்றும் ஸ்ருதி மீண்டும் அண்ணாமலையில் வீட்டிற்குள் நுழைந்துள்ள நிலையில், ஸ்ருதியால்... ரோகிணியின் உண்மை வெளிச்சத்திற்கு வரும் என எதிர்பார்க்கப்படுகிறது. இந்த வாரம், சிறகடிக்க ஆசை தொடர் 7.83 TRP புள்ளிகளை பெற்றுள்ளது.
Aaha Kalyanam:
மஹாவின் திறமையை மதிக்க துவங்கியுள்ள சூர்யா அவரை மனைவியாக ஏற்று கொள்வாரா? எங்கிற எதிர்பார்ப்புடன் ஒளிபரப்பாகி வரும் ஆஹா கல்யாணம் சீரியல் 7.21 TRP புள்ளிகளுடன் 10-ஆவது இடத்தை கைப்பற்றி உள்ளது.
சேனலை கிளிக் செய்து பின்தொடரவும்
