படத்துல தான் அப்பாவி... நிஜத்தில் நடிகை தற்கொலைக்கு காரணமான படுபாவி! புஷ்பா பட நடிகரை கைது செய்த போலீஸ்!
துணை நடிகையை காதலித்து ஏமாற்றி, அவரை தற்கொலைக்கு தூண்டிய விவகாரம் தொடர்பாக 'புஷ்பா' பட நடிகரை போலீசார் ஸ்கெட்ச் போட்டு தூக்கி உள்ள சம்பவம் பரபரப்பை ஏற்படுத்தி உள்ளது.
நடிகர் அல்லு அர்ஜுன் நடிப்பில் கடந்த 2 021 ஆம் ஆண்டு வெளியான திரைப்படம் 'புஷ்பா'. திரையரங்கில் வெளியாகி சுமார் 500 கோடிக்கு மேல் வசூல் சாதனை செய்தது. மேலும் இந்த படத்தில், நடித்ததற்காக நடிகர் அல்லு அர்ஜுனுக்கு சிறந்த நடிகருக்கான தேசிய விருதும் கிடைத்தது. செம்மர கடத்தலை மையமாக வைத்து எடுக்கப்பட்டிருந்த இந்த படத்தை இயக்குனர் சுகுமார் இயக்கியிருந்தார்.
அல்லு அர்ஜுனுக்கு ஜோடியாக ராஷ்மிகா மந்தனா நடித்திருந்தார். இப்படத்தில் போலீஸ் அதிகாரியாக பகத் பாஸில் தன்னுடைய மிரட்டலான நடிப்பை வெளிப்படுத்தினார். மேலும் சுனில், அனுசியா, உள்ளிட்ட பலர் முக்கிய கதாபாத்திரத்தில் நடித்திருந்தனர். அதே போல் தேவி ஸ்ரீ பிரசாத் இசையில் இடம்பெற்ற அனைத்து பாடல்களும் நல்ல வரவேற்பை பெற்றது. இப்படம் தெலுங்கில் மட்டும் இன்றி, தமிழ், மலையாளம், கன்னடம், ஹிந்தி, போன்ற மொழிகளிலும் டப் செய்யப்பட்டு வெளியானது.
இந்த படத்தில் அல்லு அர்ஜுனின் நண்பனாக கேசவ் என்கிற கதாபாத்திரத்தில் நடித்திருந்தவர் ஜெகதீஷ். தற்போது இவரை போலீசார் கைது செய்து சிறையில் அடைத்துள்ள சம்பவம் பரபரப்பை ஏற்படுத்தி உள்ளது.
ஜெகதீஷ் துணை நடிகையாக இருக்கும் ஒரு பெண்ணை காதலித்து வந்துள்ளார். திருமண ஆசை காட்டி, அவருடன் மிகவும் நெருக்கமாக பழகி விட்டு, திருமணம் செய்து கொள்ள முடியாது என கைவிரித்துள்ளார். மேலும் இதுகுறித்து யாரிடமாவது கூறினால்... அந்தரங்க போட்டோசை வெளியிடுவேன் என மிரட்டியதாக கூறப்படுகிறது.
இதனால் மன உளைச்சலுக்கு ஆளான அந்த நடிகை, தற்கொலை செய்து கொண்டதாக கூறப்படுகிறது. இந்த தற்கொலை சம்பவம் குறித்து வழக்கு பதிவு செய்த போலீசார்... தலைமறைவாக இருந்த ஜெகதீஷை தேடி வந்த நிலையில், தற்போது ஸ்கெட்ச் போட்டு தூக்கியுள்ளனர். ஜெகதீஷ் தற்போது இன்னும் சில படங்களில் நடித்து வருவது குறிப்பிடத்தக்கது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
