ஹீரோயின் லுக்கில் ஷாலினி மகள் அனோஷ்கா! குஷ்பூ, ராதிகா, உள்ளிட்ட பலர் கொண்ட ஆதிக் - ஐஸ்வர்யா வெட்டிங் க்ளிக்ஸ்!
இயக்குனர் ஆதிக் ரவிச்சந்திரன் மற்றும் பிரபு மகள் ஐஸ்வர்யா திருமணத்தில் நடிகை ஷாலினி, ராதிகா, குஷ்பு உள்ளிட்ட ஏராளமான பிரபலங்கள் கலந்து கொண்டு இந்த புதுமண ஜோடியை வாழ்த்தியுள்ளனர். இந்த போட்டோஸ் தற்போது வைரலாகி வருகிறது.
'த்ரிஷா இல்ல நயன்தாரா' படத்தின் மூலம் தமிழ் சினிமாவில் கடந்த 2015-ஆம் ஆண்டு இயக்குனராக அறிமுகமான ஆதிக் ரவிச்சந்திரன் தன்னுடைய முதல் படத்திலேயே ரசிகர்களால் கவனிக்கப்பட்டார். இதை தொடர்ந்து இவர் இயக்கிய 'AAA' திரைப்படம் படு மோசமான தோல்வியை தழுவியது.
இதை தொடர்ந்து, பஹீரா படத்தை இயக்கிய ஆதிக் ரவிச்சந்திரன் கடைசியாக பிரபல நடிகர் விஷால் மற்றும் எஸ்.ஜே.சூர்யாவை வைத்து இயக்கிய, 'மார்க் ஆண்டனி' திரைப்படம் வேற லெவல் ஹிட் அடித்தது.
தமிழ் சினிமாவில் வளர்ந்து வரும் இளம் இயக்குனராக இருக்கும் ஆதிக் ரவிச்சந்திரன், பிரபல நடிகர் பிரபுவின் மகள் ஐஸ்வர்யாவை கடந்த சில வருடங்களாக காதலித்து வந்துள்ளார். இதை தொடர்ந்து இவர்களின் திருமணம், இன்று சென்னையில் மிக பிரமாண்டமாக நடந்தது.
இவர்களின் திருமணத்தில், திரையுலகை சேர்ந்த ஏராளமான பிரபலங்கள் மற்றும் அரசியல் பிரபலங்கள் கலந்து கொன்டு, புதுமண தம்பதிகளை வாழ்த்தியுள்ளனர்.
குறிப்பாக அஜித்தின் மனைவி ஷாலினி தன்னுடைய மகள் அனோஷ்கா, தங்கை ஷாமிலியுடன் கலந்து கொண்டுள்ளார். அதே போல் நடிகை ராதிகா, சரத்குமார், வரலக்ஷ்மி சரத்குமார் ஆகியோர் கலந்து கொண்டுள்ளனர்.
மேலும் குஷ்பூ தன்னுடைய கணவர் சுந்தர்-சியுடன் பிரபு மகள் திருமணத்தில் கலந்து கொண்டுள்ளார். அதே போல் அதிமுக முன்னாள் முதல்வரான ஓ.பன்னீர் செல்வமும் கலந்து கொண்டுள்ளார்.
இதுகுறித்து சில புகைப்படங்கள் வெளியாகியுள்ளது. மேலும் ஆதிக் ரவிச்சந்திரன் மிகவும் எளிமையாக பட்டு வேஷ்டி சட்டையில் ஜொலிக்க, ஐஸ்வர்யா லைட் பிங்க் நிற சேலையில்... மிகவும் எளிமையாக வெள்ளை நிற கல் பதித்த நகைகளை அணிந்துள்ளார்.
ஐஸ்வர்யாவுக்கு இது இரண்டாவது திருமணம் ஆகும். ஏற்கனவே... கடந்த 2009-ஆம் ஆண்டு தன்னுடைய அத்தை மகன் குணால் என்பதை திருமணம் செய்து கொண்டார். இந்த வாழ்க்கை சில வருடங்களிலேயே விவாகரத்தில் முடிந்த நிலையில், தற்போது... நீண்ட இடைவெளிக்கு பின்னர் ஆதிக் ரவிச்சந்திரனை காதலித்து திருமணம் செய்து கொண்டுள்ளார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
