பிரபு மகள் ஐஸ்வர்யா - ஆதிக் திருமணத்தில்.. ஒன்று கூடிய முன்னணி நடிகர்கள் முதல் 80'ஸ் பிரபலங்கள் வரை! போட்டோஸ்!
இயக்குனர் ஆதிக் ரவிச்சந்திரன் மற்றும் பிரபு மகள் ஐஸ்வர்யாவின் திருமணம் இன்று கோலாகலமாக நடந்து முடிந்த நிலையில், இதில் ஏராளமான பிரபலங்கள் கலந்து கொண்டு இந்த புதுமண ஜோடியை வாழ்த்தியுள்ளனர்.
இளைய திலகம் பிரபுவின் மகள் ஐஸ்வர்யா, சென்னையில் உள்ள எத்திராஜ் கல்லூரியில் B.com படித்து முடித்தவர். படிப்பை முடித்த சில வருடங்களிலேயே... பிரபு தன்னுடைய மகள் ஐஸ்வர்யாவை, தங்கை தேன்மொழியின் மகன் குணாலுக்கு திருமணம் செய்து வைத்தார்.
2009-ஆம் ஆண்டு ஐஸ்வர்யா - குணால் திருமணம் திரையுலகமே மெச்சும் அளவுக்கு மிக பிரமாண்டமாக நடந்தது. நயன்தாரா, திரிஷா, சிம்பு, விஜய், அஜித், என ஏகப்பட்ட திரை பிரபலங்கள், இயக்குனர்கள், தயாரிப்பாளர் போன்ற பலர் இவரின் திருமணத்தில் கலந்து கொண்டனர்.
அதே போல் ஐஸ்வர்யாவின் முதல் திருமணத்தில் திமுக தலைவர் கருணாநிதி, தற்போதைய முதல்வர் முக ஸ்டாலின், மறைந்த முன்னாள் முதல்வர் ஜெயலலிதா ஆகியோரும் கலந்து கொண்டனர்.
திருமணத்திற்கு பின்னர் ஐஸ்வர்யா அமெரிக்காவில், செட்டில் ஆன நிலையில்... பின்னர் குடும்ப பிரச்சனை காரணமாக திருமணமான சில வருடங்களிலேயே இருவரும் விவாகரத்து பெற்று பிரிந்தனர்.
களைகட்டிய பிரபு மகள் ஐஸ்வர்யாவின் இரண்டாவது திருமணம்! நேரில் வந்து வாழ்த்திய ‘லெஜண்ட்’ சரவணன்!
விவாகரத்துக்கு பின்னர் சென்னைக்கே திரும்பிய ஐஸ்வர்யா, தனக்கு மிகவும் பிடித்தமான கேக் செய்து கொடுக்கும் மெல்ட்ஸ் டெசர்ட் என்ற நிறுவனத்தை நடத்தி வருகிறார். ஆர்டரின் பேரில் கேக் தயாரித்து வாடிக்கையாளர்களுக்கு வழங்கி வருகிறார். பல பிரபலங்கள் இவரின் வாடிக்கையாளராக உள்ளனர்.
இந்நிலையில், ஐஸ்வர்யாவுக்கும் இயக்குனர் ஆதிக் ரவிச்சந்திரனுக்கும் ஏற்பட்ட நட்பு பின்னர் காதலாக மாறியுள்ளது. தங்களின் காதலை பெற்றோரிடம் கூறி பெற்றோர் சம்மதத்துடன் இருவரும் இன்று இல்லற வாழ்வில் ஒன்றிணைத்துள்ளனர்.
இன்று இவர்களின் திருமணம் பிரமாண்டமாக நடந்த நிலையில், இதில் ஏராளமான திரையுலக பிரபலங்கள் கலந்து கொண்டு இவர்களை வாழ்த்தியுள்ளனர். மேலும் இதுகுறித்த போடோஸ் வைரலாகி வருகிறது.
குறிப்பாக 80'ஸ் பிரபங்களான லிசி, பூர்ணிமா பாக்யராஜ், சுஹாசினி, இயக்குனர் மணிரத்னம், நடிகை ஜெயஸ்ரீ உள்ளிட்ட பலர் கலந்து கொண்டுள்ளனர். மேலும் விஷால், துல்கர் சல்மான் ஆகியோரும் திருமணத்தில் கலந்து கொண்டு மணமக்களை வாழ்த்தியுள்ளனர்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
ஆதிக் ரவிச்சந்திரன் த்ரிஷா இல்லனா நயன்தாரா படத்தின் மூலம் கடந்த 2015 ஆம் ஆண்டு இயக்குனராக அறிமுமானவர். இதை தொடர்ந்து, இதை தொடர்ந்து AAA , பகீரா, மற்றும் மார்க் ஆண்டனி ஆகிய படங்களை இயக்கி உள்ளார் என்பது குறிப்பிடத்தக்கது.
சேனலை கிளிக் செய்து பின்தொடரவும்
