நாக சைதன்யாவுக்கு முத்தம்... சமந்தாவின் பதிவால் ஷாக் ஆன ரசிகர்கள்! விவாகரத்துக்கு பின் மீண்டும் இணைகிறார்களா?
நடிகை சமந்தா, தன்னுடைய முன்னாள் கணவர் நாக சைதன்யாவுக்கு முத்தம் கொடுத்த பழைய புகைப்படத்தை மீண்டும் தூசிதட்டி எடுத்துள்ளதால் அவர்கள் மீண்டும் இணைய உள்ளதாக தகவல் பரவி வருகிறது.
samantha naga chaitanya
தென்னிந்திய திரையுலகில் முன்னணி நடிகையாக வலம் வருபவர் சமந்தா. சென்னை பல்லாவரத்தை சேர்ந்த இவர் மாஸ்கோவின் காவிரி படத்தின் மூலம் ஹீரோயினாக அறிமுகமானார். இதையடுத்து பாணா காத்தாடி, விண்ணைத்தாண்டி வருவாயா போன்ற படங்களில் நடித்த சமந்தாவுக்கு தெலுங்கு படங்கள் தான் திருப்புமுனை கொடுத்தன. தெலுங்கில் இவர் நடித்த படங்கள் வரிசையாக ஹிட் ஆனதால் டோலிவுட்டில் டாப் ஹீரோயினாக வலம் வந்தார் சமந்தா.
samantha naga chaitanya marriage
தெலுங்கு படங்களில் ஜோடியாக நடித்தபோது சமந்தாவுக்கும், நாக சைதன்யாவுக்கும் இடையே காதல் மலர்ந்தது. இந்த ஜோடி கடந்த 2017-ம் ஆண்டு குடும்பத்தினர் சம்மதத்துடன் கோவாவில் திருமணம் செய்துகொண்டனர். திருமணத்துக்கு பின்னரும் இருவரும் சினிமாவில் பிசியாக நடித்து வந்தனர். ஜாலியாக சென்றுகொண்டிருந்த இவர்களின் திருமண வாழ்க்கை கடந்த 2021-ம் ஆண்டு அக்டோபர் மாதம் முடிவுக்கு வந்தது. திடீரென இருவரும் விவாகரத்து செய்து பிரிந்துவிட்டதாக அறிவித்தனர்.
இதையும் படியுங்கள்... அந்த 4 மணி நேரம்.. ரூமில் கிடைத்த மாத்திரைகள்.. விஜய் ஆண்டனியின் மகள் மீராவை பற்றி பயில்வான் கூறிய தகவல்
samantha naga chaitanya divorce
நாக சைதன்யாவை பிரிந்த பின்னர் அவரின் புகைப்படங்கள் அனைத்தையும் தனது இன்ஸ்டாகிராம் பக்கத்தில் இருந்து நீக்கினார் சமந்தா. அதனால் இருவரும் மீண்டும் இணைய வாய்ப்பே இல்லை என கூறப்பட்டது. இதையடுத்து நடிகர் நாக சைதன்யா பொன்னியின் செல்வன் பட நடிகை சோபிதா உடன் டேட்டிங் சென்ற புகைப்படங்கள் லீக் ஆனதால், அவரை நடிகர் நாக சைதன்யா இரண்டாவது திருமணம் செய்ய உள்ளதாகவும் செய்திகள் உலா வந்தன.
samantha unarchieved naga chaitanya photo
இப்படி நாக சைதன்யாவின் இரண்டாவது திருமணம் குறித்த தகவல் ஒருபக்கம் காட்டுத்தீ போல் பரவ, மறுபக்கம் நடிகை சமந்தா சைலண்டாக ஒரு வேலையை பார்த்திருக்கிறார். அதன்படி இன்ஸ்டாகிராமில் மறைத்து வைத்திருந்த நாக சைதன்யாவின் புகைப்படம் ஒன்றை தற்போது மீண்டும் அன் ஆர்சிவ் செய்திருக்கிறார். அந்த பதிவு நாக சைதன்யாவிற்கு பிறந்தநாள் வாழ்த்து தெரிவித்து கடந்த 2017-ம் ஆண்டு சமந்தா போட்ட பதிவாகும். அதில் நாகசைதன்யாவுக்கு முத்தம் கொடுத்தபடி போஸ் கொடுத்துள்ளார் சமந்தா. இத்தனை ஆண்டுகளாக மறைத்து வைத்திருந்த இந்த போட்டோவை தற்போது மீண்டும் திரும்ப டைம்லைனுக்கு சமந்தா கொண்டு வந்துள்ளதால் இருவரும் மீண்டும் இணைய உள்ளார்களா என ரசிகர்கள் கேள்வி எழுப்பி வருகின்றனர். சிலரோ அவர்களுக்கு வாழ்த்துக்களை தெரிவித்து வருகின்றனர்.
இதையும் படியுங்கள்... 'லவ் ஸ்டோரி' படத்தை தொடர்ந்து மீண்டும் சமந்தா முன்னாள் கணவருக்கு ஜோடியான சாய் பல்லவி!
சேனலை கிளிக் செய்து பின்தொடரவும்
