RRR box office: வசூலில் 800 கோடியை கடந்து தூள் கிளப்பும் ஆர்ஆர்ஆர் படம்...ராஜமௌலிக்கு கிடைத்த டபுள் ட்ரீட்..!

எஸ்.எஸ். ராஜமௌலி இயக்கத்தில், கடந்த வாரத்தில் திரையரங்குகளில் வெளியாகி வெற்றிகரமாக ஓடி கொண்டிருக்கும்  ஆர்ஆர்ஆர் படம் உலக அளவில்  வசூலில் 800 கோடியை கடந்து சாதனை செய்து வருகிறது.

ராஜமௌலி, இயக்கத்தில் தெலுங்கில் இரு பெரும் நடிகர்களான ராம்சரண், ஜூனியர் என்.டி.ஆர் ஆகியோரின் நடிப்பில் தமிழ், தெலுங்கு, இந்தி, மலையாளம், கன்னடம் ஆகிய 5 மொழிகளில் வெளியான ஆர்.ஆர்.ஆர் திரைப்படம் ரசிகர்களின் ஏகோபித்த வரவேற்பை பெற்று வருகிறது. 

எஸ்.எஸ். ராஜமௌலி பாகுபலி, மாவீரம், பாகுபலி 2 படங்களின் வெற்றியை தொடர்ந்து இந்திய சினிமாவின் முக்கிய இயக்குனராக வலம் வருகிறார். 

பிரம்மாண்டத்திற்கு கொஞ்சமும் பஞ்சம் இல்லாமல், ரூ. 500 கோடி மெகா பட்ஜெட்டில் 3டி தொழில்நுட்பத்தில் 'ஆர்.ஆர்.ஆர்' திரைப்படத்தை ராஜமௌலி உருவாக்கியுள்ளார்.

தெலுங்கு திரையுலகமே கொண்டாடி வரும் இந்த திரைப்படத்தில், ஆலியா பட், அஜய் தேவ்கன், ஒலிவியா மாரிஸ், சமுத்திரக்கனி என  பல்வேறு நட்சத்திரங்கள் முக்கிய கதாபாத்திரத்தில் நடித்துள்ளனர். 
 

இதையடுத்து படத்தின் வசூலும் தாறுமாறாக உயர்ந்து வருகிறது. மற்ற படங்களின் ரிலீசையும் தாண்டி இந்தப் படம் வசூல் புதிய சாதனை புரிந்து வருகிறது.

ரிலீஸ் ஆன மூன்றாவது நாள் முடிவில் உலகம் முழுவதும் படம் 500 கோடிக்கும் அதிகமாக வசூல் செய்து ஆர்.ஆர்.ஆர் படத்தின் மொத்த செலவை மூன்றே நாளில் பெற்று தந்தது.

இந்நிலையில், படம் வெளியாகி  9 நாட்களை கடந்துள்ள நிலையில்,  உலகளவில் படத்தின் வசூல் 800 கோடி ரூபாயை தாண்டியுள்ளது.

மேலும், இந்திய பாக்ஸ் ஆபீஸ் கலெக்ஷனில் 500 கோடி ரூபாய்க்கு மேல் வசூலித்த இரண்டாவது படம் என்ற சாதனையை இந்தப் படம் செய்துள்ளது.
 

முன்னதாக, ராஜமௌலியின் பாகுபலி 2 படம், இந்திய பாக்ஸ் ஆபீஸ் கலெக்ஷனில் 500 கோடி ரூபாய் வசூலை ஈட்டிய முதல் படமாக சாதனை புரிந்தது. 

 மேலும் படிக்க ..Vijay fans: பீஸ்ட் பட டிரெய்லர் வெளியான குஷியில்... தியேட்டரை அடித்து நொறுக்கிய ரசிகர்கள்...! வைரல் வீடியோ!

இந்நிலையில், அந்த வரிசையில்தற்போது ராஜமௌலியின் ஆர்ஆர்ஆர் படம் வெறும் 9 நாட்களில் இரண்டாவது படமாக இணைந்து சாதனை செய்துள்ளது குறிப்பிடத்தக்கது.