கதையை முடித்த விஜய் டிவி.! ஜீ தமிழுக்கு தாவிய ஹீரோ.. விரைவில் உதயமாகும் புதிய சீரியல்! ஹீரோயின் யார் தெரியுமா?
கடந்த ஆண்டு அவசர அவசரமாக பாரதி கண்ணம்மா 2 சீரியல் முடிவடைந்த நிலையில், தற்போது சிபு சூரியன் நடிக்கும் புதிய சீரியல் குறித்த அப்டேட் வெளியாகியுள்ளது.
சன் டிவியில் 4 வருடங்களாக பிரைம் டைமில் ஒளிபரப்பாகி வந்த சீரியல் ரோஜா. இந்த சீரியலில் ஹீரோவாக சிபு சூரியன் நடித்திருந்தார். இவருக்கு ஜோடியாக பிரியங்கா நல்காரி நடித்தார். இந்த தொடர் கடந்த ஆண்டு முடிவுக்கு வந்த நிலையில், இந்த சீரியல் ஹீரோவான சிபு சூரியன் விஜய் டிவி-யில் ஒளிபரப்பாகி சூப்பர் ஹிட் வெற்றி பெற்ற, பாரதி கண்ணம்மா சீரியலின் இரண்டாம் பாகத்தில் நடிக்க கமிட் ஆனார்.
இந்த தொடர், முதல் பாகத்துடன் ஒப்பிடுகையில், TRP-யில் பலத்த அடி வாங்கியது. எனவே... கிழக்கு வாசல் தொடரை ஒளிபரப்ப, அதிரடியாக இந்த கதையை முடித்தனர். தற்போது விஜய் டிவியில் இருந்து ஜீ தமிழ் தொலைக்காட்சி தொடருக்கு தாவியுள்ளார் சிபு சூரியன்.
இவர் புதிதாக நடிக்கும் சீரியல் குறித்த தகவல் தற்போது வெளியாகியுள்ளது. 'சிவமுருகன் டெக்ஸ்டைல்ஸ்' என்கிற பெயரில் உருவாகும் இந்த தொடர், 3 அண்ணன் தம்பிகளின் கதையை மையமாக வைத்து உருவாக உள்ளதாக கூறப்படுகிறது.
இந்த தொடரில், சீரியல் நடிகை வைஷ்ணவி கதாநாயகியாக நடிக்க உள்ளார். இவர் ஜீ தமிழில் 2021 முதல் 2023 வரை ஒளிபரப்பாகி வந்த 'பேரன்பு' தொடரில் கதாநாயகியாக நடித்து பிரபலமானவர் என்பது குறிப்பிடத்தக்கது. விரைவில் இந்த தொடர் ஒளிபரப்பாக உள்ள நேரம் மற்றும் மற்ற பிரபலங்கள் குறித்த தகவல் வெளியாகும் என கூறப்படுகிறது.
சேனலை கிளிக் செய்து பின்தொடரவும்
