Oho Enthan Baby: உலக நாயகன் கமல் ஹாசனை சந்தித்து வாழ்த்து பெற்ற 'ஓஹோ எந்தன் பேபி' படக்குழு!
விஷ்ணு விஷால் ஸ்டுடியோஸ், ரோமியோ பிக்சர்ஸ் இணைந்து வழங்க, டி கம்பெனி இணைத் தயாரிப்பில், விஷ்ணு விஷால் தம்பி ‘ருத்ரா’ ஹீரோவாக அறிமுகமாகும் படத்தின், குழுவினர் உலக நாயகனை சந்தித்து வாழ்த்து பெற்றுள்ளனர்.
கடந்த பிப்ரவரி மாதம், விஷ்ணு விஷால் ஸ்டுடியோஸ் நிறுவனம் தனது அடுத்த திரைப்படத்தினை அதிகார பூர்வமாக அறிவித்தது. இந்த படத்தை ரோமியோ பிக்சர்ஸ் இணைந்து வழங்க உள்ளதாகவும், இணைந்து தயாரிக்க உள்ளதாகவும் அறிவிப்பு வெளியானது, டி கம்பெனி நிறுவனம் இப்படத்தினை இணைத்தயாரிப்பு செய்கிறது.
இந்த படத்தில், நடிகர் விஷ்ணு விஷாலின் தம்பி, கதாநாயகனாக அறிமுகமாகிறார். இளைஞர்களைக் கவரும் வகையில் கலகலப்பான ரோம் காம் திரைப்படமாக இப்படம் உருவாக உள்ளதாக தெரிவிக்கப்பட்டுள்ளது.
‘ஓஹோ எந்தன் பேபி’ எனப் பெயரிடப்பட்டுள்ள இந்த படத்தை அமேசான் பிரைமில் மிகவும் பிரபலமான மாடர்ன் லவ் சென்னை என்ற வெப் சீரிஸுக்காக ‘காதல் என்பது கண்ணுலே ஹார்ட் இருக்குற எமோஜி’ எபிஸோடை இயக்கிய, முன்னணி விளம்பரப் பட இயக்குநரும், குணச்சித்திரக் கலைஞருமான கிருஷ்ணகுமார் ராம்குமார் இயக்குகிறார்.
பாலிவுட் நடிகை மிதிலா பால்கர் கதாநாயகியாக நடிக்கிறார். இவர் நெட்ஃபிக்ஸ் சீரிஸான லிட்டில் திங்ஸ் மற்றும் கர்வான் மற்றும் திரிபங்கா போன்ற படங்களின் மூலம் பாலிவுட்டில் ஒரு தாக்கத்தை ஏற்படுத்தியவர் மிதிலா என்பது குறிப்பிடத்தக்கது. தர்புகா சிவா இப்படத்திற்கு இசையமைக்கிறார். டேனி ரேமண்ட் ஒளிப்பதிவு செய்ய, பிரணவ் R படத்தொகுப்பு பணிகளை கவனிக்கிறார். இப்படத்தின் படப்பிடிப்பு பணிகள் தீவிரமாக நடந்து வரும் நிலையில், இன்று படக்குழுவினர் உலக நாயகனை சந்தித்து... வாழ்த்து பெற்றுள்ளனர். இதுகுறித்த போட்டோஸ் தற்போது சமூக வலைத்தளத்தில் வைரலாக பார்க்கப்பட்டு வருகிறது.