Balaji Murugadoss: பிக்பாஸ் பாலாஜி முருகதாஸுக்கு திடீர் என நடந்த ரகசிய திருமணம்? வைரலாகும் புகைப்படம்!
பிக்பாஸ் பாலாஜி முருகதாஸ், மணமேடையில் பட்டு வேஷ்டி - சட்டையில் மணமகளுடன் அமர்ந்திருப்பது போன்ற புகைப்படம் ஒன்றை வெளியிட்டு அனைவருக்கும் அதிர்ச்சி கொடுத்துள்ளார்.
விஜய் டிவி தொலைக்காட்சிகள் உலக நாயகன் கமல்ஹாசன் தொகுத்து வழங்கி வரும், பிக்பாஸ் நிகழ்ச்சிக்கு என மிகப் பெரிய ரசிகர்கள் பட்டாளமே உள்ளது. அந்த வகையில் பிக்பாஸ் சீசன் 4 நிகழ்ச்சியில் கலந்து கொண்டு, சர்ச்சைக்கு பஞ்சம் இல்லாத வகையில் விளையாடியவர் பாலாஜி முருகதாஸ். பிக்பாஸ் சீசன் 4 நிகழ்ச்சியில் இறுதி வரை வந்தாலும், பாலாஜி முருகதாஸால் டைட்டிலை கைப்பற்ற முடியாமல் போனது. ஆனால் முதல் ரன்னரப்பாக மாறினார்.
பிக்பாஸ்க்கு பின்னர் பட வாய்ப்புகள் குவியும் என எதிர்பார்த்த இவருக்கு, மிஞ்சியது ஏமாற்றம் மட்டுமே. எதிர்பார்ப்புகள் நிறைவேறவில்லை என்றாலும், ஒரு சில ஆல்பம் பாடல்கள், விளம்பரங்கள் போன்றவற்றில் இவரை பார்க்க முடிந்தது.
Premalu OTT Release Date: சூப்பர் ஹிட் வெற்றி பெற்ற 'பிரேமலு' படத்தின் OTT ரிலீஸ் தேதி அறிவிப்பு!
இதை தொடர்ந்து மீண்டும் பிக்பாஸ் அல்டிமேட் நிகழ்ச்சியில், போட்டியாளராக களமிறங்கிய பாலாஜி முருகதாஸ், ரசிகர்களின் மிகபெரிய ஆதரவுடன் டைட்டில் வின்னர் பட்டத்தை கைப்பற்றினார். இதை தொடர்ந்து தீவிர பட வேட்டையில் ஈடுபட்டுள்ள பாலாஜி முருகதாஸ் ஒரு சில படங்களிலும் தற்போது நடித்து முடித்துள்ளார் . இவர் நடித்துள்ள படங்கள் விரைவில் வெளியாக உள்ளது.
இது ஒருபுறம் இருக்க, பாலாஜி முருகதாஸ் திடீரென மணமேடையில், மணமகளுடன் அமர்ந்திருக்கும் புகைப்படம் ஒன்றை வெளியிட்டு ரசிகர்களுக்கு அதிர்ச்சி கொடுத்துள்ளார். இதை பார்த்து ரசிகர்கள் பலர் பாலாஜி முருகதாஸுக்கு ரகசிய திருமணம் நடந்து முடிந்து விட்டதா? என கேள்வி எழுப்பி வருகின்றனர். அதே நேரம் இன்னும் சிலர், இது படத்தின் பிரமோஷனா அல்லது விளம்பரங்களில் நீங்கள் நடிக்கும் போது எடுக்கப்பட்டதா என கேள்வி எழுப்பி வருவதையும் பார்க்க முடிகிறது.