வாழ்வா? சாவா? கட்டத்தில் டெல்லி கேபிடல்ஸ் – சிம்ம சொப்பனம் யாருக்கு?

டெல்லி கேபிடல்ஸ் அணிக்கு எதிரான 64ஆவது லீக் போட்டியில் டாஸ் வென்ற லக்னோ சூப்பர் ஜெயிண்ட்ஸ் அணியின் கேப்டன் கேஎல் ராகுல் பவுலிங் தேர்வு செய்தார்.

Delhi Capitals vs Lucknow Super Giants, 64th Match

அருண் ஜெட்லி மைதானத்தில் நடைபெறும் 64ஆவது லீக் போட்டியில் டெல்லி கேபிடல்ஸ் அணிக்கு எதிரான போட்டியில் டாஸ் வென்ற லக்னோ சூப்பர் ஜெயிண்ட்ஸ் கேப்டன் கேஎல் ராகுல் பவுலிங் தேர்வு செய்தார். அதன்படி டெல்லி கேபிடல்ஸ் முதலில் பேட்டிங் செய்தது. இந்தப் போட்டியில் டெல்லி கேபிடல்ஸ் வெற்றி பெற வேண்டிய கட்டாயத்தில் உள்ளது.

இதில், வெற்றி பெற்றால் மற்ற அணிகளின் முடிவுகளைப் பொறுத்து தான் டெல்லி கேபிடல்ஸ் அணியின் பிளே ஆஃப் வாய்ப்பு அமையும். இதே போன்று லக்னோ சூப்பர் ஜெயிண்ட்ஸ் அணியானது எஞ்சிய 2 போட்டிகளிலும் வெற்றி பெற வேண்டிய கட்டாயத்தில் இந்தப் போட்டியில் விளையாடுகிறது. எஞ்சிய 2 போட்டியிலும் வெற்றி பெற்று ஆர்சிபி, சிஎஸ்கே அணியை வீழ்த்தினால் லக்னோ பிளே ஆஃப் சுற்றுக்கு முன்னேறும்.

இதற்கு முன்னதாக இரு அணிகளும் 4 போட்டிகளில் மோதியுள்ளன. இதில், ஒரு போட்டியில் டெல்லி கேபிடல்ஸ் வெற்றி பெற்றுள்ளது. 3 போட்டிகளில் லக்னோ சூப்பர் ஜெயிண்ட்ஸ் வெற்றி பெற்றிருக்கிறது.

அருண் ஜெட்லி மைதானத்தில் நடைபெற்ற 81 போட்டிகளில் டெல்லி 35 போட்டியில் வெற்றியும், 44 போட்டியில் தோல்வியும் அடைந்துள்ளது. ஒரு போட்டி டையில் முடிந்துள்ளது. இந்த மைதானத்தில் இரு அணிகளும் விளையாடிய 2 போட்டிகளில் இரு அணிகளும் தலா ஒரு போட்டியில் வெற்றி பெற்றுள்ளன.

லக்னோ சூப்பர் ஜெயிண்ட்ஸ்:

கேஎல் ராகுல் (கேப்டன், விக்கெட் கீப்பர்), குயீண்டன் டி காக், மார்கஸ் ஸ்டோய்னிஸ், தீபக் கூடா, நிக்கோலஸ் பூரன், குர்ணல் பாண்டியா, யுத்விர் சிங் சராக், அர்ஷத் கான், ரவி பிஷ்னோய், நவீன் உல் ஹாக், மோசின் கான்.

டெல்லி கேபிடல்ஸ்:

அபிஷேக் போரெல், ஜாக் பிரேசர் மெக்கர்க், ஷாய் ஹோப், ரிஷப் பண்ட் (கேப்டன், விக்கெட் கீப்பர்), டிரிஸ்டன் ஸ்டப்ஸ், அக்‌ஷர் படேல், குல்பதீன் நைப், ரசீக் தர் சலாம், முகேஷ் குமார், குல்தீப் யாதவ், கலீல் அகமது.