Annapoorani Day 1 Collection: நயன்தாரா நடித்துள்ள 'அன்னபூரணி' படத்தின் முதல் நாள் வசூல் எவ்வளவு தெரியுமா?
நடிகை நயன்தாராவின் 75-ஆவது படமாக வெளியாகியுள்ள 'அன்னபூரணி' படத்தின் முதல்நாள் வசூல் குறித்த தகவல் தற்போது வெளியாகியுள்ளது.
கோலிவுட் திரையுலகில் சுமார் 20 வருடங்களுக்கு மேலாக வெற்றிகரமான ஹீரோயின் என்கிற மணி மகுடத்தை சூடி கொண்டிருக்கும் நயன்தாரா..., லேடி சூப்பர் ஸ்டார் என்கிற பட்டத்தையும் தனதாக்கி கொண்டவர்.
இவருடன் இணைந்து நடிக்க பல முன்னணி நடிகர்கள் ஆர்வம் காட்டினாலும், ஹீரோக்களுக்கு ஜோடியாக நடிப்பதை விட, கதையின் நாயகியாக நடிக்க வரும் வாய்ப்புகளையே தன்னுடைய ஃபர்ஸ்ட் சாய்சாக வைத்துள்ளார். அதே போல் ஹீரோக்களுக்கு ஜோடியாக நடிக்கும் படங்கள் என்றால், அதில் தன்னுடைய கதாபாத்திரம் அழுத்தமானதாக இருக்க வேண்டும் என்று கண்டிஷன் போட்டு தான் படத்தில் நடிக்க ஒப்பந்தமாகிறார்.
அந்த வகையில் நயன்தாரா நடிப்பில் கடைசியாக வெளியான 'ஜவான்' படத்தில் நயன்தாராவின் கதாபாத்திரம் ரசிகர்களை மிரள வைத்தது. இந்த படத்தின் மூலம் பாலிவுட் திரையுலகில் அறிமுகமானது மட்டும் இன்றி, தன்னுடைய முதல் படத்திலேயே பல பாலிவுட் இயக்குனர்களால் தேடப்படும் ஹீரோயினாக மாறியுள்ளார். சில பாலிவுட் படங்களில் நயன்தாராவை நடிக்க வைக்க பேச்சுவார்த்தை நடந்து வருவதாகவும் கூறப்படுகிறது.
இது ஒருபுறம் இருக்க, நடிகை நயன்தாரா நடிப்பில் உருவான அவரின் 75-ஆவது படமான 'அன்னபூரணி' நேற்று திரையரங்குகளில் வெளியானது. டீசெண்டான விமர்சனங்களை பெற்றுவரும் இபபடத்தின் முதல்நாள் வசூல் குறித்த தகவல் வெளியாகியுள்ளது.
Annapoorani Movie
'அன்னபூரணி' திரைப்படம் முதல் நாளில் மட்டும் உலக அளவில்... சுமார் 80 லட்சம் வரை வசூலித்துள்ளதாக கூறப்படுகிறது. இந்தப் படத்தை நிலேஷ் கிருஷ்ணா இயக்க, ஜீ ஸ்டுடியோஸ், நாட் ஸ்டுடியோஸ் & டிரிடெண்ட் ஆர்ட்ஸ் ஆகியோர் தயாரித்துள்ளனர். ’உணவு’ என்ற தீம்மை மையமாக வைத்து எடுக்கப்பட்டுள்ள இந்த படத்தில் ஜெய், சத்யராஜ் மற்றும் பிற நடிகர்கள் முக்கிய கதாபாத்திரங்களில் நடித்துள்ளனர் என்பது குறிப்பிடத்தக்கது.