Mansoor Ali Khan: இந்த ட்விஸ்ட் எதிர்பார்களையே! நடிகைக்கு ஆதரவாக களமிறங்கும் மன்சூர் அலிகான்!
நடிகை த்ரிஷா குறித்து, அவதூறான வகையில் பேசிய ஏ.வி.ராஜுவுக்கு எதிராகவும், நடிகைக்கு ஆதரவாகவும் மன்சூர் அலிகான் குரல் கொடுத்துள்ளார்.
Actor Mansoor Ali Khan
சம்மந்தப்பட்ட நடிகைக்கு ஆதரவாக, மன்சூர் அலிகான் கூறியுள்ளதாவது, "எனது திரைத்துறையில் உள்ள பெண்களை யாரேனும் போகிறபோக்கில் கேவலமாகவும், மலிவாகவும் விளம்பரத்திற்காக, சுயலாபத்திற்காக அவமானப்படுத்தும் செயலை நான் மிகவும் வன்மையாக கண்டிக்கிறேன்.
![article_image2](https://static-ai.asianetnews.com/images/01hhgne12ye15pdygeykrr01tc/24--1-_300x399xt.jpg)
திரைத்துறையில் உள்ள சகோதரிகள் எனது குடும்பத்தைச் சேர்ந்தவர்கள் போன்றதனால். அதில் ஆண்வர்க்கத்திற்கும் சரிசமமாக பங்கு இருக்கிறது. அவர்களை (நடிகைகளை) எந்த குறை சொன்னாலும் அது எங்களையும் சாரும் என்பதை நான் முன்பே பலவேளைகளில் குறிப்பிட்டிருக்கிறேன்.
Anjali Menon: KRG ஸ்டுடியோஸுடன் இணைந்து... தமிழில் கால் பதிக்கும் இயக்குனர் அஞ்சலி மேனன்!
ஆகவே, சக திரைநாயகியை தவறாக மிகவும் ஈனத்தனமான விமர்சனத்திற்கு உள்ளாக்கிய முன்னாள் அதிமுக நிர்வாகி அரசியலில் இருப்பதற்கே அருகதையற்றவராக நான் கருதுகிறேன். நாங்கள் கருதுகிறோம்.
இதுபோன்ற இழிசெயலை அதுவும் நம் மாநிலத்திலே ஒருவரை ஒருவர் சார்ந்திருக்கிற துறையிலே, அரசியலில் இருந்துதான் திரைக்கு வருகிறார்கள், திரையில் இருந்து அரசியலுக்கு வந்து ஆட்சி செய்கிறார்கள் இவ்வாறு பின்னிப்பிணைந்து இருக்கிற ஒரு மண்ணில் இதுபோன்று யாரையும் காயப்படுத்துவதை நான் மிகவும் மிகவும் சொல்வதற்கு வார்த்தையில்லை அவ்வளவு அருவருப்பாக இருக்கிறது இதுபோன்றவர்களின் செயல்.
இதுபோன்றவர்களின் செயலை 'இந்திய ஜனநாயகப் புலிகள் கட்சி' கடும் கோபத்துடன் பார்க்கிறது. எனவே உரியவர்கள் மீது தக்க நடவடிக்கை எடுக்க வேண்டுகிறேன் என கூறியுள்ளார். ஏற்கனவே நடிகைபற்றி பேசி சர்ச்சையில் சிக்கிய மன்சூர் அலிகான்.. இன்று இப்படி பேசியுள்ளது ஆச்சர்யத்தை ஏற்படுத்தியுள்ளது.