இந்த மனசு தான் சார் கடவுள்! குஷி பட வெற்றி..! 100 குடும்பத்திற்கு தலா ரூ.1 லட்சம் வழங்கிய விஜய் தேவரகொண்டா!
'குஷி' பட வெற்றி கொடுத்த உச்சாகத்தால், தற்போது நடிகர் விஜய் தேவரகொண்டா சுமார் 100 குடும்பத்திற்கு தாலா ரூ.1 லட்சம் வழங்கியுள்ளார்.
நடிகர் விஜய் தேவரகொண்டா மற்றும் நடிகை சமந்தா நடிப்பில் கடந்த மாதம் வெளியான 'குஷி' படம் வெற்றிபெற்றதை தொடர்ந்து, 100 குடும்பத்திற்கு தலா ரூ.1 லட்சம் வழங்க உள்ளதாக விஜய் தேவரைக்கொண்டா அறிவித்தார். இதற்கான நிகழ்ச்சி தற்போது நடந்து முடிந்துள்ளது. இதுகுறித்த புகைப்படங்கள் வெளியாகி வைரலாகி வருகிறது.
இயக்குனர் சிவா நிர்வாண இயக்கத்தில், மைத்ரேயி மூவி மேக்கர்ஸ் நிறுவனம் தயாரிப்பில், கடந்த மாதம் விஜய் தேவரகொண்டா மற்றும் சமந்தா ரூத் பிரபு நடிப்பில் வெளியான திரைப்படம் 'குஷி'. மிகவும் சுவாரஸ்யமான காதல் கதைக்களத்தில் உருவான இந்த படம் ரசிகர்கள் மத்தியில் நல்ல வரவேற்பை பெற்றது. 'லைகர்' படத்தின் தோல்வியில் துவண்டிருந்த விஜய் தேவாரகொண்டாவுக்கு இந்த படத்தின் வெற்றி புது உச்சாகத்தை கொடுத்தது.
மேலும் இந்த படத்தின் வெற்றிக்கு பின்னர் விசாகப்பட்டினத்தில் நடந்த ஒரு நிகழ்ச்சியில் விஜய் தேவரகொண்டா கலந்து கொண்டு பேசிய போது, 'குஷி' படத்திற்காக பெற்ற சம்பளத்தில் இருந்து, 100 குடும்பங்களுக்கு நன்கொடையாக, தலா 1 லட்சம் வீதம்... ரூ.1 கோடி வழங்கவுள்ளதாக அறிவித்தார். இது அவருடைய ரசிகர்கள் மத்தியிலும், பொதுமக்கள் மத்தியிலும் பெரும் வரவேற்பை பெற்றது.
சூப்பர் ஸ்டாராக கொண்டாடப்படும் நடிகர்கள் கூட, இதுபோல் படம் வெற்றி பெற்றால் தன்னை சார்ந்த படக்குழுவினருகே வழங்க தயங்கும் நிலையில், வளர்ந்து வரும் ஒரு முன்னணி ஹீரோவின் செயல் பலரையும் ஆச்சரியப்படுத்தியது.
செம்ம மாஸ்..!! பிரபாஸின் அடுத்த படத்தில் லேடி சூப்பர் ஸ்டார் உட்பட.. 2 சூப்பர் ஸ்டார் நடிகர்கள்.!
தான் சொன்னபடி, சுமார் 100 குடும்பங்களுக்கு விஜய் தேவரகொண்டா... தலா ரூ.1 லட்சம் வழங்கும் நிகழ்ச்சி, இன்று spreading kushi to 100 families என்கிற பெயரில் நடந்துள்ளது. இதில் நடிகர் விஜய் தேவரகொண்டா நேரடியாக கலந்து கொண்டு வழங்கியுள்ளார். இதுகுறித்த புகைப்படங்கள் தற்போது சமூக வலைத்தளத்தில் வைரலாகி வருகிறது. ரசிகர்களும், அடுத்தவர்களுக்கு உதவ வேண்டும் என நினைக்கும் இந்த மனசு தான் கடவுள் என கருத்தோடு வாழ்த்துக்களையும் கூறி வருகிறார்கள் .