Atlee Net Worth: 36 வயசு... இயக்கியது 5 படம் தான்!! அட்லீயின் சொத்து மதிப்பு இத்தனை கோடியா?
இயக்குனர் அட்லீ தன்னுடைய 36 வயதிலேயே, பல கோடி சொத்துக்கு அதிபதியாக உள்ளார். இதுகுறித்த தகவல் தான் தற்போது வெளியாகியுள்ளது.
Atlee Directing Jawan
இயக்குனர் அட்லீ இயக்கத்தில், ஷாருக்கான் நடிப்பில் சமீபத்தில் வெளியான.. 'ஜவான்' திரைப்படம் செப்டம்பர் 7-ஆம் தேதி உலகம் முழுவதும் தமிழ், ஹிந்தி, தெலுங்கு உள்ளிட்ட மொழிகளில் பான் இந்தியா படமாக வெளியாகி, தொடர்ந்து வசூல் வேட்டை ஆடிவருகிறது.
Jawan Copycat Issue
தென்னிந்தியாவில் மிகவும் குறைவான வசூலையே 'ஜவான்' படம் ஈட்டி இருந்தாலும், வட இந்தியாவில் பல திரையரங்குகள், தொடர்ந்து ஹவுஸ் ஃபுல்லாக ஓடிக்கொண்டிருக்கிறது. அதே போல் தமிழக ரசிகர்கள் பலர், அட்லீ சுமார் 23 தமிழ் படங்களில் இருந்து காட்சிகளை சுட்டு, கட்டிங் பேஸ்ட் பண்ணியது போல் ஜவான் படத்தை உருவாக்கி உள்ளார் என விமர்சனம் செய்து வருகிறார்கள்.
Jawan Historic Collection:
ஆனால் வட இந்திய ரசிகர்களோ... ஷாருக்கான் திரையில் தோன்றும் ஓவ்வொரு காட்சியும் படு மாஸ் என புகழ்ந்து தள்ளி வருகிறார்கள். மேலும் ஒரே வாரத்தில் ஜவான் படம் சுமார் 650 கோடிக்கு மேல் வசூல் சாதனை செய்துள்ள நிலையில், ஷாருக்கானின் முத்தைய படமான 'பதான்' படத்தின், 1000 கோடி வசூலை இப்படம் முறியடிக்குமா? என்கிற எதிர்பார்ப்பும் எழுந்துள்ளது.
Atlee cinema Carrier
இது ஒருபுறம் இருக்க, தற்போது இயக்குனர் அட்லீ-யின் சொத்து மதிப்பு குறித்த தகவல் வெளியாகியுள்ளது. அட்லீ, இயக்குனர் ஷங்கரிடம் துணை இயக்குனராக தன்னுடைய கேரியரை துவங்கி இருந்தாலும், இவர் பிறக்கும் போதே... சில்வர் ஸ்பூன் குழந்தை தான். இவருடைய தந்தை ஒரு தொழிலதிபர் எனவே பல கோடிக்கு அதிபதியாகவே பிறந்து வளர்ந்தார். குறிப்பாக இயக்குனர் ஷங்கர் சாதாரண காரில் வந்தால்... அவரிடம் துணை இயக்குனராக இருக்கும் அட்லீ அப்போதே ஆடி காரில் தான் வந்து இறங்குவார் என்றால் பார்த்து கொள்ளுங்கள்!!
Atlee filmography
இப்படி இருக்க துணை இயக்குனராக இருந்த போதே, சில குறும்படங்களை இயக்கி தன்னுடைய திறமையை நிரூபித்த அட்லீ, பின்னர் 2013-ஆம் ஆண்டு ராஜா ராணி படத்தின் மூலம் இயக்குனராக அறிமுகமானார். இந்த படம் நவீன காலத்து 'மௌன ராகம்' என விமர்சனங்களுக்கு ஆளானது. காரணம் அப்படியே மணிரத்னத்தின் படத்தை காப்பி அடித்து இயக்கி இருந்தார். இதை தொடர்ந்து விஜயை வைத்து, தெறி, மெர்சல், மற்றும் பிகில் ஆகிய படங்களை இயக்கினார். இந்த படங்கள் வசூல் ரீதியாக வெற்றி பெற்ற நிலையில், விமர்சன ரீதியாக சில காப்பி சர்ச்சைகளையும் சந்தித்தது.
Atlee Net Worth:
எனினும் தொடர்ந்து வெற்றிப்படங்களை இயக்கி வருவதன் மூலம் இவர் தான் இயக்கம் படங்களுக்கு 20 முதல் 40 கோடி வரை சம்பளமாக பெற்று வந்ததாக கூறப்படுகிறது. அதிலும் ஜவான் படத்திற்கு அட்லீ 52 கோடி சம்பளம் பெற்றதாக தகவல்கள் வெளியானது. மேலும் அட்லீ தந்தை சேமித்து வைத்த சொத்துக்கள் இல்லாமல், இதுவரை திரையுலகின் மூலம் சுமார் 80 கோடி வரை சொத்து சேர்த்துள்ளார் அட்லீ என கூறப்படுகிறது.
சேனலை கிளிக் செய்து பின்தொடரவும்
