Raayan Postponed : மீண்டும்... மீண்டுமா? தனுஷின் 50வது படம் ‘ராயன்’ ரிலீஸ் தேதி மறுபடியும் மாற்றம்..?

நடிகர், பாடகர், பாடலாசிரியர், இயக்குனர், தயாரிப்பாளர் என பன்முகத்திறமை கொண்டவராக வலம் வருபவர் தனுஷ். அவர் நடிப்பில் தற்போது ராயன் திரைப்படம் உருவாகி இருக்கிறது. இப்படத்தில் ஹீரோவாக நடித்துள்ளது மட்டுமின்றி அதில் ஹீரோவாகவும் நடித்துள்ளார் தனுஷ். இப்படத்தை சன் பிக்சர்ஸ் நிறுவனம் பிரம்மாண்ட பட்ஜெட்டில் தயாரித்து உள்ளது. இசைப்புயல் ஏ.ஆர்.ரகுமான் தான் ராயன் படத்திற்கு இசையமைத்து உள்ளார்.

ராயன் படத்தில் நடிகர் தனுஷ் உடன் சந்தீப் கிஷான், எஸ்.ஜே.சூர்யா, பிரகாஷ் ராஜ், அபர்ணா பாலமுரளி, வரலட்சுமி சரத்குமார், காளிதாஸ் ஜெயராம், செல்வராகவன் என மிகப்பெரிய நட்சத்திர பட்டாளமே நடித்துள்ளது. வடசென்னையை மையமாக வைத்து இப்படத்தின் திரைக்கதையை அமைத்துள்ளார் தனுஷ். ஏற்கனவே இப்படத்தில் இருந்து இரண்டு பாடல்கள் வெளியாகி நல்ல வரவேற்பை பெற்றது. அதில் ஒன்று கானா பாடல். அதை சந்தோஷ் நாராயணன் பாடி இருந்தார்.

இதையும் படியுங்கள்... மறைந்த நடிகை மஞ்சுளா போலவே இருக்கும் ஸ்ரீதேவி மகள் ரூபிக்கா! சைக்கிள் ஓட்டி ரீல்ஸ் செய்த வீடியோ!

ராயன் திரைப்படம் முதலில் ஜூலை மாதம் ரிலீஸ் ஆவதாக இருந்தது. இதனிடையே ஷங்கர் - கமல்ஹாசன் கூட்டணியில் உருவான இந்தியன் 2 திரைப்படம் ஜுன் மாத ரிலீஸ் இருந்து பின்வாங்கியதால், அப்படம் ரிலீஸ் ஆக இருந்த ஜூன் 13-ந் தேதி தங்கள் படம் ரிலீஸ் ஆக உள்ளதாக அறிவித்தனர். ரிலீசுக்கு இன்னும் 15 நாட்களே இருக்கும் நிலையில், இன்னும் ஆடியோ லாஞ்ச், டிரைலர் என எந்தவித அப்டேட்டையும் வெளியிடாமல் அமைதி காத்து வருகிறது.

இந்த நிலையில், ராயன் திரைப்படத்தின் ரிலீஸ் தேதி மீண்டும் தள்ளிவைக்கப்பட உள்ளதாக தகவல் பரவி வருகிறது. அதன்படி ஜூன் 13-ந் தேதியில் இருந்து ஜூலைக்கு இப்படம் தள்ளிவைக்கப்பட்டு உள்ளதாக கூறப்படுகிறது. ஜூலை 2-வது வாரத்தில் இந்தியன் 2 படம் ரிலீஸ் ஆக உள்ளதால் அதனுடன் ராயன் போட்டிபோட வாய்ப்பில்லை. இதனால் ஜூலை முதல் வாரம், அல்லது தனுஷின் பிறந்தநாளையொட்டி ஜூலை கடைசி வாரம் ராயன் படம் ரிலீசாக வாய்ப்புள்ளதாக தகவல்கள் தெரிவிக்கின்றன.

இதையும் படியுங்கள்... அன்று ரூ.500 தான் சம்பளம்.. விவாகரத்து சர்ச்சை.. இன்று ரூ.4 கோடி சம்பளம் வாங்கும் பான் இந்தியா நடிகை..