KPY Bala: கல்லூரி விழாவில் காதல் திருமண மேட்டரை ஓப்பன் செய்த KPY பாலா! காதலி யார் தெரியுமா? குவியும் வாழ்த்து!

KPY நிகழ்ச்சி மூலம் சின்னத்திரை ரசிகர்களுக்கு மிகவும் பரிச்சியமான பாலா, அடுத்த மாதம் தனக்கு காதல் திருமணம் நடைபெற உள்ள தகவலை அறிவித்துள்ளார். இதை தொடர்ந்து அவருக்கு வாழ்த்துக்கள் குவிந்து வருகிறது. 

KPY Bala

விஜய் டிவியில் ஒளிபரப்பாகும் அனைத்து நிகழ்ச்சிகளுக்குமே ரசிகர்கள் மத்தியில் தொடர்ந்து நல்ல வரவேற்பு கிடைத்து வருகிறது. அந்த வகையில் பல இளம் காமெடியன்களை அறிமுகம் செய்த பெருமை 'கலக்கப்போவது யாரு' நிகழ்ச்சிக்கு உண்டு. இந்த நிகழ்ச்சியில் போட்டியாளராக கலந்துகொண்டு பேமஸ் ஆனவர் தான் சென்னையை சேர்ந்த பாலா. 

ரைமிங் காமெடிகளை டைமிங்கில் போட்டு தாக்கி, நடுவர்களை அசரவைத்தது மட்டும் இன்றி, ரசிகர்களையும் விழுந்து விழுந்து சிரிக்க வைத்தார். KPY நிகழ்ச்சியை தொடர்ந்து, குக் வித் கோமாளி நிகழ்ச்சியில் கோமாளியாக கலந்து கொண்டு அசத்திய பாலா, இந்த நிகழ்ச்சிக்கு பின்னர் தற்போது பல படங்களில் பிசியாக நடிக்கும் அளவுக்கு உயர்ந்தார்.

ஒரு பக்கம் திரைப்படத்தில் நடித்து கொண்டே, தொகுப்பாளராகவும் கலக்கி வருகிறார். அவார்டு நிகழ்ச்சிகள் மற்றும் முன்னணி நடிகர்கள் நடிக்கும் படங்களின் இசை வெளியீட்டு விழாக்களை தொகுத்து வழங்கி வருகிறார். நேரம் பார்க்காமல் சம்பாதிக்கும் பணத்தை தனக்கென சேர்த்து வைத்து கொள்ளாமல், பிறரின் கஷ்டம் அறிந்து பல்வேறு உதவிகளை செய்து வருகிறார்.

அந்த வகையில் கடந்த ஆண்டு தன்னுடைய சொந்த செலவில் ஆதரவற்றோர் மற்றும் முதியோருக்கு உதவும் விதமாக இலவச ஆம்புலன்ஸ் வாங்கிக் கொடுத்து உதவி வருகிறார். இதை தொடேன்ற்து மலை கிராமம் ஒன்றிற்கு ஆம்புலன்ஸ் வசதி செய்து தந்தார், மூன்றவதாக சோளகர் என்கிற பழங்குடியினர் வசிக்கும் கிராமத்துக்கு ஆம்புலன்ஸ் வாங்கிக் கொடுத்திருந்தார். பின்னர் வாணியம்பாடி அருகே மலைகிராம மக்களுக்கு ஆம்புலன்ஸ் வசதி செய்துகொடுத்து உதவினார். சமீபத்தில் கூட ஆசிரமம் ஒன்றிற்கு 5-ஆவது ஆம்புலன்ஸை வாங்கி கொடுத்தார்.

ஆம்புலன்ஸ் மட்டும் இன்றி, ஆட்டோவும் வாங்கி கொடுத்துள்ள பாலா, சில மாதங்களுக்கு முன் சென்னை வெள்ளத்தால் பாதிக்கப்பட்ட மக்களுக்கு நிதி உதவி, உணவு, போன்றவற்றை கொடுத்து உதவினார். 

இந்நிலையில் கல்லூரி விழா ஒன்றில் கலந்து கொண்ட பாலாவிடம், புதுச்சேரி 9 வயது சிறுமி பாலியல் துன்புறுத்தல் காரணமாக உயிரிழந்தது குறித்து பேசினார். அப்போது குழந்தைகளுக்கு குட் டச் - பேட் டச் சொல்லி கொடுப்பதை விட டோன்ட் டச் என சொல்லி கொடுங்கள். அது தான் இந்த காலத்திற்கு சிறந்தது என்று கூறினார்.

யாரும் எதிர்பாராத விதமாக, அடுத்த மாதம் தனக்கு காதல் திருமணம் நடைபெற உள்ள தகவலை அறிவித்த பாலாவிடம், அங்கிருந்த மாணவர்கள் உங்கள் காதலி யார் என கேட்டபோது... சிரிப்பையே தன்னுடைய பதிலாக அளித்தார். எனினும் விரைவில், பாலா திருமணம் குறித்த மற்ற விவரங்கள் வெளியாகும் என எதிர்பார்க்கப்படுகிறது. பாலா கூறிய இந்த தகவலை தொடர்ந்து ரசிகர்கள் பலர் தங்களின் வாழ்த்துக்களை தெரிவித்து வருகிறார்கள் என்பது குறிப்பிடத்தக்கது.