உஷார்! BTSக்கு அடிமையாகும் இளசுகள்! பெற்றோருக்கு ஷாக் கொடுத்த பெண்.. எச்சரிக்கும் மனநல ஆலோசகர்!
சமீப காலமாக BTS என்னும் கொரியன் பாடல்களுக்கு இளவட்ட ரசிகர்கள் அதிகம் அடிமையாகி வருவதாக பெற்றோரை எச்சரிக்கின்றனர் மனநல ஆலோசகர்கள்.
எம்.எஸ். விஸ்வநாதன், இளையராஜா, ஏ.ஆர்.ரகுமான், ஹாரிஸ் ஜெயராஜ், இமான், யுவனின் ஷங்கர் ராஜா, அனிரூத் என... அந்த காலத்தில் இருந்து, தற்போது வரை பல இசையமைப்பாளர்கள் காலத்திற்கு தகுந்த போல் ரசிகர்களின் ரசனைக்கு ஏற்றவாறு தங்களின் இசையால் ரசிகர்கள் மனதை கட்டி போட்டாலும், மொழி கடந்த வெளிநாட்டு பாடல்களின் மோகம் தான் இளவட்டத்தை தற்போது ஆட்டி படைத்து வருகிறது.
குறிப்பாக இளையராஜாவின் பல பாடல்கள், தற்போது வரை பலருக்கு இரவு நேர தாலாட்டாக இருந்தாலும்... இப்படி பட்ட பாடல்களை ஓல்டு என ஒதுக்கி விட்டு, BTS மோகத்தில் சிக்கி தவித்து வருகின்றனர் இன்றைய 2கே கிட்ஸ் தலைமுறையினர்.
'காதல்' பரத்துக்கு இந்த நிலையா? இயக்குனரின் வாரிசுக்கு வில்லனாகிறார்!
கொரியன் இசைக்குழுவை சேர்ந்த RM, Jin, suga, j hope, jimin, v, Jung kook என மொத்தம் ஏழு பேர் தான் பலரை அடிமையாக்கி வரும் BTS இசைக்கு சொந்தக்காரர்கள். கண்ணை பறிக்கும் விதத்தில் கலர் கலரான உடை, வித்தியாசமான ஹேர் ஸ்டைல், என இளவட்டத்தை கவர்ந்து... தங்களின் இசைக்கு அடிமையாக்கி விடுகிறார்கள்.
ஆரம்பத்தில் ஒரு பொழுது போக்கிற்காக இதை பார்க்கும் கல்லூரி மாணவர்கள், மற்றும் இளம் ரசிகர்கள் ஒருகட்டத்தில்... அதில் முழுமையாக மூழ்கி மனநல ஆலோசகரிடம் செல்லும் அளவுக்கு பிரச்சனை முற்றி விடுவதாக பெற்றோரை எச்சரிக்கின்றனர் மனநல ஆலோசகர்கள். அதிலும் சமீபத்தில் ஒரு பெண் BTS பாடலுக்கு அடிமையாக திருமணம் செய்தால் கொரியன் மாப்பிள்ளையை தான் திருமணம் செய்வேன் என கூறி பெற்றோருக்கு பேரதிர்ச்சி கொடுத்துள்ளார்.
பின்னர் மனநல ஆலோசகரின் ஆலோசனைக்கு பின்னரே எதார்த்தத்தை புரிந்து கொண்டதாக கூறப்படுகிறது. கல்லூரி மாணவர்கள் இந்த BTS பாடலுக்கு அடிமையாக முக்கிய காரணம், அவர்களின் தனிமை என்றும், அதை போக்குவதற்காக போனில் சாதாரணமாக பார்க்க துவங்கும் இது போன்ற வீடியோக்கள் பின் நாளில் பெரிய பிரச்சனையாக உருவாகிறது என எச்சரிக்கின்றனர்.
எனவே பெற்றோர் 45 நிமிடத்திற்கு மேல் உங்களின் மகனோ அல்லது மகளோ தொடர்ந்து செல் போனை பார்த்தாலோ, அல்லது டிவியில் ஏதேனும் வீடியோ பார்த்து கொண்டிருந்தால் என்ன பார்க்கிறார்கள், என்ன செய்கிறார்கள் என்பதை கவனிக்க வேண்டும் என அறிவுறுத்துகின்ற்னர். இந்த BTS இசைக்கு அடிமையாகும் இளம் ரசிகர்களின் எண்ணிக்கையும் அதிகரித்துள்ளதாக இவர் கூறியுள்ளது பரபரப்பை ஏற்படுத்தியுள்ளது குறிப்பிடத்தக்கது.