பேமிலியோடு அக்காவின் காதலனை அடிக்கப் போன அருண் விஜய்... சினிமா பாணியில் விஜயகுமார் குடும்பத்தில் நடந்த சம்பவம்
Anitha Vijayakumar Love Story : நடிகர் அருண் விஜய், தனது அக்கா அனிதாவின் காதலரை அடிக்கப்போன சுவாரஸ்ய கதையை சமீபத்திய பேட்டி ஒன்றில் கூறி இருக்கிறார்.
arun vijay family
நடிகர் விஜயகுமாரின் பேமிலி மிகவும் பெரியது. அவருக்கு இரண்டு மனைவிகள், இதில் மூத்த மனைவிக்கு அனிதா, கவிதா, அருண் விஜய் ஆகிய மூன்று பேரும், இரண்டாவது மனைவிக்கு ஸ்ரீதேவி, ப்ரீத்தா, வனிதா ஆகிய மூன்று மகள்களும் உள்ளனர். இதில் விஜயகுமாரின் மூத்த மகள் அனிதாவை தவிர்த்து மற்ற ஐந்து பேருமே சினிமாவில் நடித்துள்ளனர். அனிதா டாக்டருக்கு படித்ததால் அவர் இறுதிவரை சினிமா பக்கம் தலைகாட்டவில்லை.
![article_image2](https://static-ai.asianetnews.com/images/01h8nme49ht6k4r5m30111qhbz/snapinsta--20-_300x300xt.jpg)
Arun Vijay Sisters
இந்த நிலையில், சமீபத்தில் பேன்ஸ் பெஸ்டிவலில் கலந்துகொண்ட அருண் விஜய், தன் அக்கா அனிதாவின் காதல் கதை பற்றியும், அதற்கு தங்கள் குடும்பத்தினர் அடிதடியில் இறங்கும் அளவுக்கு சென்றது குறித்து பேசி உள்ளார். அனிதா டாக்டருக்கு படிக்கும்போது சீனியர் ஒருவர் அவரை தினசரி பின் தொடர்ந்து வந்துள்ளார். இந்த விஷயத்தை அனிதா தன்னுடைய குடும்பத்தினரிடம் வந்து சொல்லி உள்ளார். இதையடுத்து அருண் விஜய் தன்னுடைய குடும்பத்தினருடன் சென்று எச்சரித்திருக்கிறார்.
இதையும் படியுங்கள்... ஏலியனை நம்பி ஏமாந்துபோன சிவகார்த்திகேயன்... பாக்ஸ் ஆபிஸில் மரண அடி வாங்கிய அயலான் - அதுக்குன்னு இவ்ளோ மோசமா!
Anitha Vijayakumar
பின்னர் ஒரு நாள் காதலர் உடன் அனிதா ஓட்டல் ஒன்றில் சாப்பிட்டுக்கொண்டிருப்பதை பார்த்த அனிதாவின் உறவினர், உடனடியாக வீட்டிற்கு தகவல் கொடுத்துள்ளார். இதையடுத்து அருண் விஜய், அவரது அக்கா கவிதா உடன் அந்த ஓட்டலுக்கு ஜீப்பில் சென்று, அனிதாவின் காதலரை அடிக்க சென்றுள்ளனர். ஆனால் அனிதாவின் காதலர் மருத்துவர் என்பதால் அவர் சண்டை போடாமல் சைலண்டாக பேசி இருக்கிறார். மறுபுறம் தாம் தூம் என குதித்த கவிதா, அனிதாவை தர தரவென இழுத்து வண்டியில் ஏற்றிக்கொண்டு கிளம்பிவிட்டாராம்
இதையும் படியுங்கள்... ஓ இத குடிச்சுதான் குடும்பமே யங்கா இருக்காங்களோ..? வனிதாவின் அக்கா.. டாக்டர் அனிதா சொன்ன ஸ்மூத்தி ரெசிபி!
Arun vijay sister Anitha Vijayakumar
பின்னர் அனிதா காதல் விஷயம் வீட்டுக்கு தெரிந்ததை அடுத்து, அந்த நபர் பற்றி விசாரித்து அவரும் டாக்டர் என்பதாலும், நல்ல குடும்பம் என்பதாலும் விஜயகுமார் இருவருக்கும் திருமணம் செய்து வைத்துவிட்டாராம். இதில் டுவிஸ்ட் என்னவென்றால் ஆரம்பத்தில் சீனியர் ஒருவர் தன்னை பாலோ பண்ணுவதாக அனிதா சொன்ன அந்த நபரை தான் அவர் காதலித்து திருமணம் செய்துகொண்டாராம். அந்த சம்பவத்தை நினைத்தால் தற்போது சிரிப்பு தான் வருகிறது என அருண் விஜய் உற்சாகம் பொங்க அந்த பேட்டியில் கூறி உள்ளார்.
இதையும் படியுங்கள்... குடும்பத்தோடு ஒரு கலக்கல் பொங்கல்.. கொண்டாடி மகிழ்ந்த நடிகை கவிதா விஜயகுமார் - இணையத்தை கலக்கும் வீடியோ!