ஏலியனை நம்பி ஏமாந்துபோன சிவகார்த்திகேயன்... பாக்ஸ் ஆபிஸில் மரண அடி வாங்கிய அயலான் - அதுக்குன்னு இவ்ளோ மோசமா!

கோலிவுட்டில் டாப் ஹீரோவாக வலம் வருபவர் சிவகார்த்திகேயன். இவரது நடிப்பில் இந்த ஆண்டு பொங்கல் பண்டிகைக்கு திரைக்கு வந்த திரைப்படம் தான் அயலான். இப்படத்தை ரவிக்குமார் இயக்கி இருந்தார். இதில் சிவகார்த்திகேயனுக்கு ஜோடியாக ரகுல் ப்ரீத் சிங் நடித்துள்ளார். ஏ.ஆர்.ரகுமான் இசையமைப்பில் பிரம்மாண்டமாக உருவாகி உள்ள இப்படத்தை கேஜேஆர் நிறுவனம் மிகப்பெரிய பொருட்செலவில் தயாரித்து உள்ளது.

குழந்தைகள் மற்றும் பேமிலி ஆடியன்ஸை கவரும் விதமாக அயலான் திரைப்படம் அமைந்திருந்தது. குறிப்பாக இப்படத்தில் இடம்பெறும் ஏலியனுக்கு அமோக வரவேற்பு கிடைத்து வருகிறது. பாக்ஸ் ஆபிஸில் ரூ.50 கோடிக்கு மேல் வசூலை வாரிக்குவித்துள்ள இப்படம் தொடர்ந்து வெற்றிநடை போட்டு வருகிறது. இப்படத்தின் வசூலில் பெரும்பாலான தொகை தமிழ்நாட்டு பாக்ஸ் ஆபிஸில் இருந்து வந்துள்ளது. மற்ற மாநிலங்களில் இப்படம் பெரியளவில் சோபிக்கவில்லையாம்.

இதையும் படியுங்கள்... குடும்பத்தோடு ஒரு கலக்கல் பொங்கல்.. கொண்டாடி மகிழ்ந்த நடிகை கவிதா விஜயகுமார் - இணையத்தை கலக்கும் வீடியோ!

குறிப்பாக கேரளாவில் அயலான் படம் படு தோல்வியை சந்தித்து உள்ளதாக தகவல்கள் தெரிவிக்கின்றன. இப்படத்தின் கேரள வெளியீட்டு உரிமையை வாங்கிய நிறுவனம் சிவகார்த்திகேயன் படங்களுக்கு இதுவரை இல்லாத அளவு அதிக திரையரங்குகள் வெளியிட்டு உள்ளனர். ஆனால் அங்குள்ள மக்களுக்கு இப்படம் பெரியளவில் ஒர்க் அவுட் ஆகவில்லை என கூறப்படுகிறது. இதனால் அங்கு போஸ்டர் காசுகூட தேறாத நிலை தான் உள்ளதாம்.

மறுபுறம் வெளிநாடுகளிலும் அயலான் படத்தின் வசூல் பெரியளவில் பிக் அப் ஆகவில்லை என்றே கூறப்படுகிறது. இதற்கு காரணம் இப்படத்தின் வெளிநாட்டு உரிமையை வாங்கிய நிறுவனம் இப்படத்திற்கு சரிவர தியேட்டர்களை ஒதுக்கவில்லை என்று சொல்லப்படுகிறது. இதனால் வெளிநாடுகளில் சிவகார்த்திகேயனின் மார்க்கெட் சரியும் சூழல் உருவாகி உள்ளதாக கூறப்படுகிறது. 

இதையும் படியுங்கள்... "வெறும் வணிக நோக்கத்தோடு எடுத்த படமல்ல".. அன்னப்பூரணி பட விவகாரம் - வருத்தம் தெரிவித்த நடிகை நயன்தாரா!