Raashi Kanna : கோடிகளில் வருமானம்.. புதிய ஆடம்பர பங்களாவை வாங்கிய ராஷி கன்னா.. சொத்து மதிப்பு இவ்வளவா?

1990-ம் ஆண்டு டெல்லியில் பிறந்த ராஷி கன்னா, அங்கேயே தனது பள்ளிப்படிப்பையும், கல்லூரி படிப்பையும் முடித்தார். படிப்பில் சிறந்து விளங்கிய ராஷி கன்னாவுக்கு ஐஏஎஸ் அதிகாரியாக வேண்டும் என்பதே கனவு. ஆனால் கல்லூரியில் படிக்கும் போதே மாடலிங் வாய்ப்பு கிடைத்ததால் விளம்பர படங்ஙளில் நடிக்க தொடங்கினார்.

பின்னர் 2013-ம் ஆண்டு ஜான் ஆபிரகாம நடிப்பில் வெளியான மெட்ராஸ் கஃபே என்ற படத்தின் மூலம் பாலிவுட்டில் அறிமுகமானார் ராஷி கன்னா. இந்த படம் பாலிவுட்டில் மாபெரும் வெற்றி படமாக அமைந்தது.

இதை தொடர்ந்து பாலிவுட்டில் முன்னணி நடிகையாக வலம் வருவார் என்று எதிர்பார்க்கப்பட்ட நிலையில் அவருக்கு தெலுங்கு திரையுலகில் பட வாய்ப்புகள் குவியத்தொடங்கியது.

மனம் என்ற படத்தின் மூலம் தெலுங்கு திரையுலகில் எண்ட்ரி கொடுத்த ராஷி கன்னா தொடர்ந்து தெலுங்கில் பல வெற்றிப்படங்களில் நடித்தார். இதனிடையே 2017-ம் ஆண்டு வில்லன் என்ற படத்தின் மூலம் மலையாள திரையுலகில் அறிமுகமானார்.

தொடர்ந்து 2018-ம் ஆண்டு வெளியான இமைக்கா நொடிகள் படத்தின் மூலம் தமிழ் சினிமாவில் ராஷி கன்னா அறிமுகமானார். தொடர்ந்து விஷாலின் அயோக்கிய, ஜெயம் ரவியின் அடங்க மறு உள்ளிட்ட படங்களில் நடித்துள்ளார்.  மேலும் விஜய் சேதுபதியின் சங்கத்தமிழன், துக்ளக் தர்பார் ஆகிய படங்களில் நடித்தார்.

கடந்த 2022-ம் ஆண்டு வெளியான தனுஷின் திருச்சிற்றம்பலம், கார்த்தியின் சர்தார் ஆகிய படங்களில் அவர் நடித்தார். தற்போது அரண்மனை 4 படத்தில் நடித்து வரும் அவர் மீண்டும் பாலிவுட்டில் நடிக்க கமிட் ஆகி உள்ளார். 

இந்த நிலையில் நடிகை ராஷி கன்னா ஹைதராபாத்தில் புதிய வீடு ஒன்றை வாங்கி உள்ளார். இந்த வீட்டின் புதுமனை புகுவிழா சமீபத்தில் நடைபெற்ற நிலையில் அது தொடர்பான புகைப்படங்கள் இணையத்தில் வைரலாகி வருகின்றன. இது ஹைதராபாத்தில் அவர் வாங்கிய 3-வது வீடு என்று கூறப்படுகிறது. 

2015-ம் ஆண்டு முதன்முறையாக அவர் ஹைதராபாத்தில் வீடு வாங்கியதாகவும், பின்னர் 2017-ல் 2-வது வீட்டை வாங்கி இருந்தார். இந்த நிலையில் அவர் 3-வது வீட்டை வாங்கி உள்ளதாக கூறப்படுகிறது. இந்த புதிய வீட்டில் தனது குடும்பத்தினர் ஹோமம் வளர்த்து பூஜை செய்யும் புகைப்படங்களை சமூக வலைதள பக்கங்களில் பதிவிட்டுள்ளார். 

தற்போது 33 வயதாகும் ராஷி கன்னாவுக்கு, ஹைதராபாத்தில் மட்டுமல்ல, டெல்லி, மும்பையில் ஆடம்பர வீடுகள் இருக்கின்றன. பல சொகுசு கார்களை வைத்திருக்கும் ராஷி கன்னாவின் சொத்து மதிப்பு ரூ.58 கோடி என்று கூறப்படுகிறது.

ஒரு படத்திற்கு ரூ.4 கோடி வரை அவர் சம்பளம் வாங்குவதாக கூறப்படுகிறது. திரைப்படங்கள் மட்டுமின்றி, விளம்பரங்கள் ஓடிடி வெப் சீரீஸ் மூலம் சம்பாதித்து வருகிறார்.