ஆளே அடையாளம் தெரியாமல் மாறிய 'கரகாட்டக்காரன்' கனகா! வீட்டுக்குள் முடங்கியவரை சந்தித்த பிரபலத்தின் புகைப்படம்!
'கரகாட்டக்காரன்' பட நடிகை கனகா பல வருடங்களாக வீட்டின் உள்ளேயே முடங்கி கிடக்கும் நிலையில், நடிகை குட்டி பத்மினி அவரை சந்தித்து பேசியுள்ளார். இதுகுறித்த புகைப்படம் தற்போது வைரலாகி வருகிறது.
Actress Kanaka
எம்.ஜி.ஆர், சிவாஜி போன்ற நடிகர்களுக்கு ஜோடியாக நடித்து பிரபலமான பழம்பெரும் நடிகை, தேவிகாவின் ஒரு மகளான கனகா, பாடகியாக வேண்டும் என்கிற கனவுடன்.. திரையுலகில் நுழைய நினைத்தார். ஆனால் அவரின், அழகு இவரை திரைப்பட நடிகையாக மாற்றியது.
1989 ஆம் ஆண்டு, இசையமைப்பாளர் இளையராஜாவின் சகோதரரும், இசையமைப்பாளருமா கங்கையமரன் இயக்கிய, கரகாட்டக்காரன் படத்தில் கனகாவை கதாநாயகியாக நடிக்க வைத்தார். இந்த படம் மிகப்பெரிய வெற்றி பெற்றது.
இதுவரை தமிழில் சுமார் 40க்கும் மேற்பட்ட பாடங்களில் ஹீரோயினாக நடித்துள்ள இவர், மலையாள திரையுலகிலும் முன்னணி நடிகையாக இருந்தவர். குறிப்பாக மலையாளத்தில் சுமார் 434 நாட்கள் ஓடிய 'காட்ஃபாதர்' படத்தில் கனகா நடித்திருந்தார்.
தமிழில் நடிகை கனகா நடிப்பில் கடைசியாக, 1999 ஆம் ஆண்டு விரலுக்கு ஏத்த வீக்கம் படம் வெளியானது. இந்த படத்தில் நடிகர் விவேக்குக்கு ஜோடியாக நடித்திருந்தார். அதே போல் மலையாளத்தில் 2000 ஆம் ஆண்டு வெளியான ஒரு 'Ee Mazha Then Mazha ' என்கிற படத்தில் நடித்திருந்தார். அதன் பிறகு எந்த படங்களிலும் நடிக்காமல் வீட்டிற்குள்ளேயே முடங்கினார்.
Joe Movie Review: ஃபீல் குட் மூவியா... ஓவராக பீல் பண்ண வைத்த மூவியா? ரியோ ராஜின் 'ஜோ' பட விமர்சனம்!
இவர் முழுமையாக திரையுலகில் இருந்து விலக காரணம், காதல் தோல்வி, மற்றும் மன அழுத்தத்தால் பாதிக்கப்பட்டுள்ளார் என பல காரணங்கள் கூறப்பட்டது. அதே போல் தன்னுடைய தந்தையுடன் சொத்து பிரச்னையும் கனகாவுக்கு இருந்தது. இதன் காரணமாக பல வருடங்களாக சரியான பராமரிப்பு இல்லாமல், பாழடைந்தது போல் இருக்கும் வீட்டில் வசித்து வருகிறார்.
இவருக்கு உதவியாளர் ஒருவர் மட்டுமே இருப்பதாக கூறப்படுகிறது. அதை தவிர தனக்கான வேலைகள் அனைத்தையும் அவரே செய்து கொள்வதாகவும் கூறப்பட்டது. அக்கம் - பக்கத்தினர் கூட எப்போதாவது தான் இவரை பார்க்க முடியுமாம். அதே போல் இவரை பார்க்க பல வருடங்களாக இந்த பிரபலங்களும் செல்ல வில்லை என கூறப்படுகிறது.
இந்நிலையில், பல வருடங்களுக்கு பின்னர் நடிகை கனகாவை... பிரபல நடிகை குட்டி பத்மினி அவருடைய வீட்டிற்க்கே சென்று சந்தித்துள்ளார். அப்போது எடுத்து கொண்ட புகைப்படம் ஒன்றையும் வெளியிட்டுள்ளார். இந்த புகைப்படத்தில் கனகா, ஆளே அடையாளம் தெரியாமல் மிகவும் குண்டாக மாறி காட்சியளிக்கிறார். இந்த போட்டோ தற்போது வைரலாகி வருகிறது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
