ஜோதிகாவின் 'சைத்தான்' பட நிகழ்ச்சிக்கு ஸ்டைலிஷாக வந்த சூர்யா! பாலிவுட் ஹீரோஸ் கூட பக்கத்துல நிக்க முடியாது!
நடிகர் சூர்யா, தன்னுடைய மனைவி ஜோதிகா நடித்துள்ள பாலிவுட் படமான 'சைத்தான்' ஸ்கிரீனிங் நிகழ்ச்சியில் கலந்து கொண்டபோது எடுக்கப்பட்ட போட்டோஸ் வைரலாகி வருகிறது.
பழம்பெரும் நடிகர் சிவகுமாரின் மூத்த மகன் என்கிற, அடையாளத்தோடு வாரிசு நடிகராக தமிழ் சினிமாவில் அறிமுகமானவர் தான் சூர்யா. வெயிட்டான சினிமா பேக்கிரவுண்ட் இருந்தும் சரியான பட வாய்ப்புகள் இவருக்கு ஆரம்பத்தில் அமையவில்லை.
இயக்குனர் வசந்த் இயக்கிய 'நேருக்கு நேர்' படத்தில் அறிமுகமான சூர்யா, முதல் படத்திலேயே தளபதி விஜய்யுடன் இணைந்து நடிக்கும் வாய்ப்பை பெற்றார். இப்படம் எதிர்பார்த்த வெற்றியை கொடுக்காத நிலையில், இந்த படத்தை தொடர்ந்து காதலே நிம்மதி, சந்திப்போமா, பெரியண்ணா, பூவெல்லாம் கேட்டுப்பார் போன்ற படங்களில் நடித்தார்.
ஆனால் சூர்யாவுக்கு திரையுலகில் மிகப்பெரிய திருப்புமுனையாக அமைந்தது, இயக்குனர் பாலா இயக்கத்தில் வெளியான 'நந்தா' திரைப்படம் தான். இப்படத்தின் வெற்றியை தொடர்ந்து, பேரழகன், காக்க காக்க, ஆயுத எழுத்து, பிதாமகன் என வித்தியாசமான கதைக்களம் கொண்ட படங்களை தேர்வு செய்து நடிக்க துவங்கினார்.
இப்படி பரபரப்பாக படங்களில் நடித்து கொண்டிருக்கும் போதே... நடிகை ஜோதிகாவை சூர்யா காதலித்து வந்த நிலையில், பின்னர் பெற்றோர் சம்மதத்துடன் திருமணம் செய்து கொண்டனர்.
கடந்த ஆண்டு, தன்னுடைய மனைவியின் ஆசையை நிறைவேற்றும் விதமாக, சென்னையில் இருந்து வெளியேறி மும்பையில் செட்டில் ஆனார் சூர்யா. மும்பைக்கு சென்ற பின்னர் சூர்யாவின் செயல்கள் அனைத்தும் பாலிவுட் நடிகர்களுக்கு நிகராகவே உள்ளது.
மேலும் ஜோதிகா - சூர்யா இருவருக்குமே பாலிவுட் படங்களில் நடிக்கும் வாய்ப்புகள் தொடர்ந்து வந்துகொண்டிருக்கிறது. அந்த வகையில் தற்போது சூர்யா நடித்துள்ள பாலிவுட் படமான 'சைத்தான்' திரைப்படம் இன்று வெளியாக உள்ளது.
நேற்று இந்த படத்தின் ஸ்கிரீனிங் மும்பையில் நடந்தது. இதில் ஜோதிகா கலந்து கொள்ளாத நிலையில்... சூர்யா மட்டும் பிளாக் அண்ட் பிளாக் உடையில், செம்ம ஸ்டைலிஷாக கலந்து கொண்டுள்ளார். இந்த போட்டோஸ் தற்போது வைரலாகி வருகிறது. ரசிகர்கள் சூர்யா பாலிவுட் நடிகர்களுக்கு நிகராக உள்ளதாக தங்களின் கருத்துக்களை தெரிவித்து வருகிறார்கள் என்பது குறிப்பிடத்தக்கது.
சேனலை கிளிக் செய்து பின்தொடரவும்
