Suriya: சீரும் பார்வை... கையில் வாளோடு 'கங்குவா'! புதிய புகைப்படத்துடன் சூர்யா வெளியிட்ட வேறு லெவல் அப்டேட்!
இயக்குனர் சிறுத்தை சிவா இயக்கத்தில், நடித்து வரும் 'கங்குவா' படம் குறித்த முக்கிய அப்டேட் ஒன்றை புதிய புகைப்படத்துடன் பகிர்ந்துள்ளார் சூர்யா.
ஒரே மாதிரியான கதைகளத்தில் நடிக்க விரும்பாமல், தன்னுடைய ஒவ்வொரு படத்திலும் மாறுபட்ட கதைக்களத்தை தேர்வு செய்து நடித்து வருபவர் சூர்யா. அந்த வகையில் தற்போது சிறுத்தை சிவா இயக்கத்தில் சூர்யா 'கங்குவா' என்கிற பேண்டஸி படத்தில் நடித்து வருகிறார். இந்த படத்தின் படபிடிப்பு கடந்த ஒரு வருடங்களுக்கு மேலாக சென்னை, கொடைக்கானல், உள்ளிட்ட பல்வேறு இடங்களில் எடுக்கப்பட்டு வருகிறது.
சமீபத்தில் சென்னையில் உள்ள பிவிஆர் ஃபிலிம் சிட்டியில், இப்படத்தின் படப்பிடிப்பு நடந்த போது.. சண்டைக்காட்சியில் நடித்துக் கொண்டிருந்த சூர்யா தோள்பட்டையில் ரோப் கேமரா அறுந்து விழுந்ததில், அவருக்கு பலத்த காயம் ஏற்பட்டது. இதனால் ஒரு மாதத்திற்கு மேலாக படபிடிப்பில் கலந்து கொள்ளாமல் ஓய்வில் இருந்த சூர்யா, பின்னர் மீண்டும் படப்பிடிப்பில் கலந்து கொண்டார்.
அதேபோல் 'கங்குவா' படப்பிடிப்பு வெளிநாட்டில் கடந்த சில வாரங்களுக்கு முன்பு நடந்து முடிந்தது. இதனால் விஜயகாந்தின் இறுதிச்சடங்கிலும் சூர்யாவால் கலந்து கொள்ள முடியவில்லை. வெளிநாட்டில் இருந்து இந்தியா திரும்பிய உடனே, தன்னுடைய தந்தை மற்றும் சகோதரனுடன் வந்து விஜயகாந்த் சமாதியில் கதறி அழுத சூர்யா, விஜயகாந்தின் குடும்பத்தினரை சந்தித்து ஆறுதல் தெரிவித்தார்.
கங்குவா படப்பிடிப்பு குறித்து இதுவரை எந்த ஒரு அப்டேட்டையும் படக்குழு வெளியிடாத நிலையில்... தற்போது சூர்யா மிகவும் ஆக்ரோஷமாக இருக்கும் புகைப்படம் ஒன்றை வெளியிட்டு வேற லெவல் அப்டேட்டை கொடுத்துள்ளார். அதாவது 'கங்குவா' படத்தில் சூர்யாவின் போஷன் முடிந்து விட்டதாக தெரிவித்துள்ளார்.
Ayalaan: தடையை தகர்த்தெறிந்து வெளியாகும் சிவகார்த்திகேயனின் 'அயலான்'! இடைக்கால தடை அதிரடி நீக்கம்!
மேலும் மொத்த யூனிட்டும் மிகவும் பாசிட்டிவாக இருந்தார்கள் என்றும், ஒன்றை முடிப்பது என்பது பலவற்றின் புதிய தொடக்கமாக கருதுகிறேன். இயக்குனருக்கும், படக்குழுவினருக்கும் நன்றி. 'கங்குவா' எப்போதுமே எனக்கு ஸ்பெஷல். உங்கள் அனைவருக்கும் திரையரங்குகளில் கங்குவாவை காட்ட ஆவலாக உள்ளேன். இந்த படக்குழு எனக்கு குடும்பம் போல என தெரிவித்துள்ளார். இந்த புகைப்படமும், சூர்யாவின் பதிவும் தற்போது வைரலாகி வருகிறது.
சேனலை கிளிக் செய்து பின்தொடரவும்
