இவரா இப்படி? ஃபுல் போதையில் ஷூட்டிங் ஸ்பாட்டில் நடிக்க முடியாமல் தள்ளாடிய மாதவன்! எந்த படத்தில் தெரியுமா!
நடிகர் மாதவன், குடிப்பது போல் நடிக்கும் காட்சி ஒன்றில் நடிக்க... உண்மையாகவே குடித்து விட்டு நடிக்க முடியாமல் திணறிய கதையை கூறி அதிர்ச்சி கொடுத்துள்ளார்.
தமிழ் சினிமாவில் முன்னணி நடிகராக இருக்கும் ஆர் மாதவன், பல்வேறு ஹிந்தி திரைப்படங்களிலும் நடித்து பிரபலமானவர். நடிகராக மட்டும் இன்றி இயக்குனர், தயாரிப்பாளர் என பன்முக கலைஞராக உள்ளார்.
இவர் கடந்த 2009 -ஆம் ஆண்டு ராஜ்குமார் ஹிரானி நடிப்பில் நடிகர் அமீர் கான், கதாநாயகனாக நடித்த திரைப்படம் '3 இடியட்ஸ்'. இந்த படத்தில் அமீர் கானுக்கு ஜோடியாக கரீனா கபூர் கான் நடிக்க, ஷர்மான் ஜோஷி உள்ளிட்ட பலர் முக்கிய கதாபாத்திரத்தில் நடித்திருந்தனர். சுமார் 450 கோடி வசூல் சாதனை படைத்த இப்படம் தற்போது வரை பல ரசிகர்களின் ஃபேவரட் படங்களில் ஒன்றாக உள்ளது. இந்த படமே பின்னர் 'நண்பன்' என்கிற பெயரில் தளபதி விஜயை வைத்து இயக்குனர் ஷங்கர் ரீ மேக் செய்திருந்தார் என்பது குறிப்பிடத்தக்கது. தமிழிலும் இப்படம் வசூலில் சக்கை போடு போட்டது.
3 இடியட்ஸ் படத்தில் நடிகர் ஆர்.மாதவன் அமீர் கானின் நண்பர்களில் ஒருவராக நடித்திருந்தார். மேலும் இப்படத்தில் நடிக்கும் போது நடந்த சுவாரஸ்யமான சம்பவம் குறித்து சமீபத்தில் கொடுத்த பேட்டி ஒன்றில் பகிர்ந்து கொண்டுள்ளார் மாதவன்.
அதாவது இந்த படத்தில் மூன்று நண்பர்களும் குடி போதையில் பேசி கொள்வது போல் ஒரு சீன் இருக்கும். இந்த காட்சியில் நடிப்பதற்கு முன், அமீர் கான் குடித்து போல் நிதானமாக நடிப்பதை விட, குடிபோதையில் நடித்தால் அந்த காட்சி தத்ரூபமாக வரும் என்று மாதவனிடம் கூறியுள்ளார். கஎனவே உண்மையியிலேயே குடித்து விட்டு நடிக்க பிளான் செய்துள்ளனர்.
9 மணிக்கு ஷூட் பண்ணப் போறோம் என கூறியதால்... இவர்கள், 8 மணிக்குக் குடிக்க ஆரம்பிச்சு, 8:30 மணிக்கெல்லாம் மூணு நாலு பெக் குடிச்சிடலாம்னு அமீர் கான் திட்டமிட்டாராம். ஆனால் திடீர் என சொன்ன நேரத்தில் ஷூட்டிங் எடுக்க முடியாமல் போக... இரண்டு மணிநேரம் படப்பிடிப்பு தாமதமாகியுள்ளது. ஷாட்டில் நடிக்கும் வரை சாதாரணமாக இருந்த இவர்களால், டயலாக் பேப்பரை படிக்க முடியாமல்... ஷூட்டிங் ஸ்பாட்டில் தள்ளாடியதாக மாதவன் 3 இடியட்ஸ் படப்பிடிப்பில் நடந்த இந்த சுவாரஸ்யமான சம்பவத்தை பகிர்ந்து கொண்டுள்ளார்.
சேனலை கிளிக் செய்து பின்தொடரவும்
