ஐபிஎல்லை போலவே தமிழ்நாடு பிரீமியர் லீக் தொடர் தமிழ்நாட்டில் நடத்தப்படுகிறது. தமிழ்நாட்டு வீரர்கள் மட்டுமே கலந்துகொண்டு ஆடும் இந்த போட்டிகளின் மூலம், இளம் தமிழ் திறமைகளை வெளிக்கொண்டு வர முடிகிறது. 

கடந்த 11ம் தேதி தொடங்கி போட்டிகள் நடந்து வருகின்றன. இந்த தொடரில் பல இளம் வீரர்கள் இனம் காணப்பட்டாலும், ஒரு வித்தியாசமான திறமை கொண்ட வீரர் கிரிக்கெட் உலகையே வியந்து பார்க்க வைத்துள்ளார். 

காஞ்சீ வீரன்ஸ் அணியில் ஆடிவரும் மோகித் ஹரிஹரன் என்ற வீரர் தான், இரண்டு கைகளிலும் பந்துவீசும் அபார திறமை கொண்டவர். திண்டுக்கல் டிராகன்ஸ் அணியுடனான போட்டியில், இடது கை பேட்ஸ்மேன்களுக்கு வலது கையிலும், வலது கை பேட்ஸ்மேன்களுக்கு இடது கையிலும் பந்துவீசியுள்ளார் ஹரிஹரன். 

ஹரிஹரனின் இந்த அபார திறமை கிரிக்கெட் ரசிகர்களை வியக்கவைத்துள்ளது. அவர் இரு கைகளிலும் பந்துவீசும் வீடியோ தமிழ்நாடு பிரீமியர் லீக்கின் டுவிட்டர் பக்கத்தில் வெளியிடப்பட்டுள்ளது. இதை பார்த்த ரசிகர்கள், அந்த வீடியோவை சமூக வலைதளங்களில் வைரலாக்கி வருகின்றனர். 

<blockquote class="twitter-tweet" data-lang="en"><p lang="en" dir="ltr">Yes. Believe what you are seeing. <a href="https://twitter.com/sprite_india?ref_src=twsrc%5Etfw">@sprite_india</a> refreshing moment of the day. <a href="https://twitter.com/hashtag/TNPL2018?src=hash&amp;ref_src=twsrc%5Etfw">#TNPL2018</a> <a href="https://twitter.com/hashtag/NammaOoruNammaGethu?src=hash&amp;ref_src=twsrc%5Etfw">#NammaOoruNammaGethu</a> <a href="https://t.co/4RrgSBsMXW">pic.twitter.com/4RrgSBsMXW</a></p>&mdash; TNPL (@TNPremierLeague) <a href="https://twitter.com/TNPremierLeague/status/1021100186804731904?ref_src=twsrc%5Etfw">July 22, 2018</a></blockquote>
<script async src="https://platform.twitter.com/widgets.js" charset="utf-8"></script>

பந்துவீசுவது மட்டுமல்லாமல், அபாரமாக பேட்டிங் செய்யும் திறன் படைத்தவராகவும் உள்ளார் ஹரிஹரன். திண்டுக்கல் டிராகன்ஸுக்கு எதிரான போட்டியில்,  50 பந்துகளுக்கு 77 ரன்கள் குவித்து கடைசிவரை ஆட்டமிழக்காமல் இருந்தார். இந்த போட்டியில் ஹரிஹரன் 5 சிக்ஸர்கள் விளாசியிருந்தார். அவர் அடித்த சிக்ஸர்கள் வீடியோவும் டிஎன்பிஎல் டுவிட்டர் பக்கத்தில் பதிவிடப்பட்டுள்ளது. 

<blockquote class="twitter-tweet" data-lang="en"><p lang="en" dir="ltr">Rewind look into the super young Southpaw&#39;s sixes! Mokit Hariharan! <a href="https://twitter.com/hashtag/NammaOoruNammaGethu?src=hash&amp;ref_src=twsrc%5Etfw">#NammaOoruNammaGethu</a> <a href="https://twitter.com/hashtag/TNPL2018?src=hash&amp;ref_src=twsrc%5Etfw">#TNPL2018</a> <a href="https://t.co/0mKJ94pRg4">pic.twitter.com/0mKJ94pRg4</a></p>&mdash; TNPL (@TNPremierLeague) <a href="https://twitter.com/TNPremierLeague/status/1021274419245846528?ref_src=twsrc%5Etfw">July 23, 2018</a></blockquote>
<script async src="https://platform.twitter.com/widgets.js" charset="utf-8"></script>

அபாரமான திறமைகளை கொண்ட இந்த இளம் தமிழக வீரர், எதிர்காலத்தில் இந்திய அணிக்காக ஆடும் வாய்ப்பை கண்டிப்பாக பெறுவார் என்பதில் ஐயமில்லை.