Hockey World Cup 2023: கிராஸ்ஓவர் போட்டிகளில் கொரியா, ஜெர்மனி அணிகள் வெற்றி..! காலிறுதி போட்டிகள் விவரம்
ஹாக்கி உலக கோப்பையில் இன்று நடந்த 2 கிராஸ் ஓவர் போட்டிகளில் கொரியா மற்றும் ஜெர்மனி அணிகள் வெற்றி பெற்றன. காலிறுதி போட்டி விவரங்களை பார்ப்போம்.
ஹாக்கி உலக கோப்பை தொடர் ஒடிசாவில் விறுவிறுப்பாக நடந்துவருகிறது. உலக கோப்பையில் கலந்துகொண்ட அணிகள் 4 பிரிவுகளாக பிரித்து போட்டிகள் நடத்தப்பட்டன. ஒவ்வொரு பிரிவிலும் புள்ளி பட்டியலில் முதலிடத்தை பிடித்த 4 அணிகள் நேரடியாக காலிறுதிக்கு முன்னேறின.
அந்தவகையில், ஆஸ்திரேலியா, பெல்ஜியம், நெதர்லாந்து, இங்கிலாந்து ஆகிய 4 அணிகளும் நேரடியாக காலிறுதிக்கு முன்னேறின. எஞ்சிய 4 இடங்களுக்கு 8 அணிகளுக்கு இடையே போட்டி. 4 பிரிவுகளிலும் புள்ளி பட்டியலில் 2 மற்றும் 3ம் இடங்களில் உள்ள அணிகளுக்கு இடையே கிராஸ் ஓவர் போட்டிகள் நடத்தப்பட்டன.
நேற்று நடந்த 2 கிராஸ் ஓவர் போட்டிகளில் மலேசியாவை வீழ்த்தி ஸ்பெய்ன் அணியும், இந்தியாவை வீழ்த்தி நியூசிலாந்தும் காலிறுதிக்கு முன்னேறின.
பெரிய தவறு செய்தும் ஐசிசி தண்டனையிலிருந்து இஷான் கிஷன் தப்பியது எப்படி..?
இன்று 2 கிராஸ் ஓவர் போட்டிகள் நடந்தன. ஜெர்மனி - ஃபிரான்ஸ் இடையேயான போட்டியில் அபாரமாக ஆடிய ஜெர்மனி அணி 5 கோல்களை அடிக்க, ஃபிரான்ஸ் ஒரு கோல் மட்டுமே அடித்தது. எனவே 5-1 என்ற கோல் கணக்கில் அபார வெற்றி பெற்று ஜெர்மனி அணி காலிறுதிக்கு முன்னேறியது.
மற்றொரு கிராஸ் ஓவர் போட்டியில் அர்ஜெண்டினாவும் கொரியாவும் மோதின. இந்த போட்டியில் இரு அணிகளுமே தலா 5 கோல்கள் அடிக்க ஆட்டம் டிராவானது. ஷூட் அவுட்டில் கொரியா 3 கோல்களும், அர்ஜெண்டினா 2 கோல்களும் அடிக்க கொரியா வெற்றி பெற்று காலிறுதிக்கு முன்னேறியது.
ஜனவரி 24(நாளை) மற்றும் ஜனவரி 25 ஆகிய 2 நாட்களிலும் காலிறுதி போட்டிகள் நடக்கின்றன. 24ம் தேதி 2 போட்டிகளும், 25ம் தேதி 2 போட்டிகளும் நடக்கின்றன. நாளை(ஜனவரி24) ஆஸ்திரேலியா - ஸ்பெய்ன் மற்றும் பெல்ஜியம் - நியூசிலாந்து அணிகள் மோதும் 2 போட்டிகள் நடக்கின்றன.
BBL: பேட்டிங்கில் தெறிக்கவிடும் ஸ்டீவ் ஸ்மித்.. ஒரே பந்தில் 16 ரன்கள்..! வைரல் வீடியோ
ஜனவரி 25ம் தேதி, இங்கிலாந்து - ஜெர்மனி மற்றும் நெதர்லாந்து - கொரியா அணிகள் மோதும் 2 காலிறுதி போட்டிகள் நடக்கின்றன.
சேனலை கிளிக் செய்து பின்தொடரவும்
