சுவையான பாதாம் அல்வா, பண்டிகை மற்றும் விசேஷங்களுக்கு ஏற்றது. சத்தான பாதாமும், இனிப்பும் சேர்ந்த ருசியான உணவு. அதேபோல், அரிசி மாவு, தேங்காய் பால், வெல்லம் சேர்த்து செய்யப்படும் மிருதுவான கிண்ணத்தப்பம், சிறியவர் முதல் பெரியவர் வரை அனைவருக்கும் பிடித்த பாரம்பரிய இனிப்பு.

பாதாம் அல்வா ஒரு பிரபலமான மற்றும் சுவையான இனிப்பு ஆகும், இது பண்டிகை காலங்களிலும், விசேஷ நாட்களிலும் செய்து பரிமாறப்படுகிறது. பாதாமின் சத்துக்களும், இனிப்பின் சுவையும் சேர்ந்து இந்த அல்வாவை மேலும் ருசியானதாக ஆக்குகின்றன. 

அதேபோல், தமிழ்நாட்டில் மிகவும் பிரபலமான ஒரு இனிப்பு வகை கிண்ணத்தப்பம் பொதுவாக பண்டிகைகள் மற்றும் விசேஷ நாட்களில் வீடுகளில் செய்யப்படுகிறது. இது எளிதில் ஜீரணமாகக்கூடியது மற்றும் உடலுக்கு குளிர்ச்சியைத் தரக்கூடியது.இது அரிசி மாவு, தேங்காய் பால் மற்றும் வெல்லம் ஆகியவற்றைக் கொண்டு தயாரிக்கப்படும் ஒரு பாரம்பரிய இனிப்பு ஆகும். இதன் மிருதுவான தன்மையும், இனிப்பும் சிறியவர்கள் முதல் பெரியவர்கள் வரை அனைவரையும் கவர்ந்திழுக்கும். கிண்ணம் போன்ற வடிவத்தில் ஆவியில் வேகவைத்து எடுப்பதால் இதற்கு கிண்ணத்தப்பம் என்று பெயர் வந்தது. சில பகுதிகளில் இது 'பால் பணியாரம்' என்றும் அழைக்கப்படுகிறது. இதன் செய்முறை மிகவும் எளிமையானது.இதை வீட்டில் செய்வது மிகவும் எளிமையானது.


பாதாம் அல்வா எப்படி செய்வது என்று பார்க்கலாம்:

தேவையான பொருட்கள்:

பாதாம் - 1 கப் (சுமார் 150 கிராம்)

சர்க்கரை - 1 கப் 

நெய் - 1/4 கப் 

பால் - 1/4 கப் 

ஏலக்காய் தூள் - 1/2 டீஸ்பூன்

குங்குமப்பூ - ஒரு சிட்டிகை (விரும்பினால்) 

நறுக்கிய முந்திரி மற்றும் திராட்சை - அலங்கரிக்க (விரும்பினால்) 

மேலும் படிக்க: பச்சை மாங்காய் சட்னி...இட்லி, தோசைக்கு ஏற்ற சூப்பர் சைட் டிஷ்


பாதாம் அல்வா செய்முறை.


பாதாமை வெந்நீரில் 30 நிமிடம் ஊற வைக்கவும், ஊறிய பாதாமின் தோலை உரித்துவிட்டு, மிக்ஸியில் பால் சேர்த்து நன்றாக அரைத்து விழுதாக்கவும்.இப்போது அடுப்பில் ஒரு கனமான கடாயை வைத்து நெய் ஊற்றவும். அதில் அரைத்த பாதாம் விழுதை நெய்யில் சேர்த்து மிதமான தீயில் வதக்கவும். பாதாம் கலவை நிறம் மாறி, கடாயில் ஒட்டாமல் வரும் வரை வதக்கவும். பின்னர் சர்க்கரையைச் சேர்த்து நன்றாகக் கிளறவும். அல்வா கெட்டியாக ஆரம்பிக்கும் போது ஏலக்காய் தூள் மற்றும் குங்குமப்பூவை (விரும்பினால்) சேர்க்கவும். அல்வா முழுமையாக கெட்டியாகி, நெய் தனியாகப் பிரிய ஆரம்பிக்கும் வரை கிளறவும். நறுக்கிய முந்திரி மற்றும் திராட்சை கொண்டு அலங்கரித்து சூடாகவோ அல்லது குளிர வைத்தோ பரிமாறவும். 


சுவையான இனிப்பு கிண்ணத்தப்பம் எப்படி செய்வது என்று பார்க்கலாம்:


தேவையான பொருட்கள் :

பச்சரிசி மாவு - 1 கப் 

துருவிய வெல்லம் - 1 கப் 

தேங்காய் பால் 

ஏலக்காய் தூள் - 1/2 டீஸ்பூன் 

நெய் - தடவுவதற்கு 

மேலும் படிக்க: கேரட் அல்வா செய்வது எப்படி?


கிண்ணத்தப்பம் செய்முறை :

ஒரு பாத்திரத்தில் அரிசி மாவு மற்றும் ஏலக்காய் தூள் சேர்த்து நன்றாக கலக்கவும். மற்றொரு பாத்திரத்தில் துருவிய வெல்லம் மற்றும் தேங்காய் பால் சேர்த்து வெல்லம் கரையும் வரை மிதமான தீயில் சூடாக்கவும். வெல்லம் கரைந்ததும், அதை வடிகட்டி, அரிசி மாவு கலவையில் சிறிது சிறிதாக ஊற்றி கட்டிகள் இல்லாமல் நன்றாக கலக்கவும். இந்த கலவை தோசை மாவு பதத்திற்கு இருக்க வேண்டும். தேவைப்பட்டால் இன்னும் கொஞ்சம் தேங்காய் பால் சேர்க்கலாம்.இப்போது குழியான தட்டு ஒன்றில் நெய் சிறிது தடவி விட்டு செய்து வைத்திருக்கும் கலவையை ஊற்றி இட்லி பாத்திரத்தில் 10 நிமிடம் வேகவைத்து எடுத்தால் சுவையான கிண்ணத்தப்பம் தயார்.
இதை வேண்டிய அளவு துண்டு துண்டுகளாக வெட்டி பரிமாறவும்.