ஷூட்டிங்கே தொடங்கல அதுக்குள்ள தளபதி 68 படத்தின் பர்ஸ்ட் சிங்கிள் அப்டேட்டை வெளியிட்ட யுவன்.. விஜய் பாடுகிறாரா?
வெங்கட் பிரபு இயக்கத்தில் உருவாக உள்ள தளபதி 68 திரைப்படத்தின் பர்ஸ்ட் சிங்கிள் குறித்த அப்டேட்டை இசையமைப்பாளர் யுவன் சங்கர் ராஜா வெளியிட்டுள்ளார்.
Vijay, Yuvan Shankar Raja
லியோ படத்தில் நடித்து முடித்துள்ள நடிகர் விஜய், அடுத்ததாக தளபதி 68 படத்தில் நடிக்க உள்ளார். இப்படத்தை வெங்கட் பிரபு தான் இயக்க உள்ளார். இதன்மூலம் விஜய்யும், வெங்கட் பிரபுவும் முதன்முறையாக இணைந்துள்ளனர். தளபதி 68 திரைப்படத்தை ஏஜிஎஸ் நிறுவனம் தயாரிக்கிறது. இப்படம் குறித்த அறிவிப்பு கடந்த மே மாதமே வெளிவந்தாலும், அதன் அடுத்தடுத்த அப்டேட்டுகள் லியோ ரிலீஸ் ஆன பின்னரே வெளியிடப்படும் என தெரிவித்துள்ளனர்.
vijay, venkat prabhu
இருந்தாலும், கடந்த சில தினங்களாக தளபதி 68 படம் பற்றி ஏதாவது ஒரு தகவலை படக்குழுவினர் வெளியிட்ட வண்ணம் உள்ளனர். அந்த வகையில் விஜய் உடன் அமெரிக்கா சென்றுள்ள வெங்கட் பிரபு, அங்குள்ள ஸ்டூடியோ ஒன்றில் தளபதி 68 படத்திற்காக டெக்னிக்கல் வேலைகளை மேற்கொண்டுள்ளார். அப்போது எடுத்த புகைப்படங்களையும் பதிவிட்டார்.
இதையும் படியுங்கள்... இளமை திரும்புதே... திரையரங்கில் எழுந்து நின்று ஆர்பாட்டதோடு FDFS பார்த்த தளபதி! ஃபேன் பாய் மொமெண்ட்!
thalapathy vijay fan boy moment
இதற்கு அடுத்தபடியாக டென்சல் வாசிங்டனின் தீவிர ரசிகரான நடிகர் விஜய், அவர் நடிப்பில் வெளியாகி உள்ள ஈக்குவலைசர் படத்தை தியேட்டரில் ஆர்ப்பரித்தபடி பார்த்தபோது எடுத்த புகைப்படத்தையும் பதிவிட்டு ரசிகர்களுக்கு இன்ப அதிர்ச்சி கொடுத்தார் வெங்கட் பிரபு. இப்படி தினசரி விஜய் பற்றி ஏதாவது ஒரு பதிவை போட்டு வரும் வெங்கட் பிரபு, இன்று என்ன பதிவிடுவார் என எதிர்பார்த்து ரசிகர்கள் காத்திருந்த நிலையில், இன்னைக்கு சண்டே விடுமுறை என்பதால் எதுவும் இல்லை என பதிவிட்டு பல்பு கொடுத்துள்ளார்.
Yuvan Shankar Raja, Venkat Prabhu
அண்ணன் அப்டேட் கொடுக்கலேனா என்ன, தம்பி நான் தர்றேன்னு தரமான அப்டேட் ஒன்றை கொடுத்திருக்கிறார் யுவன் சங்கர் ராஜா. அதன்படி கல்லூரி நிகழ்ச்சி ஒன்றில் கலந்துகொண்ட அவர், தளபதி 68 திரைப்படத்தின் பர்ஸ்ட் சிங்கிள் முழுக்க முழுக்க தர லோக்கல் குத்து பாடலாக இருக்கும் என கூறி இருக்கிறார். இருப்பினும் அவர் இப்பாடலை விஜய் பாடுவாரா என்கிற தகவலை வெளியிட வில்லை. இப்படி ஷூட்டிங் தொடங்கும் முன்னரே பர்ஸ்ட் சிங்கிள் அப்டேட் வெளியாகி உள்ளதால் ரசிகர்கள் இன்ப அதிர்ச்சி அடைந்துள்ளனர்.
இதையும் படியுங்கள்... கனவுபோல் உள்ளது... புது கார் வாங்கிய குஷியில் குக் வித் கோமாளி மோனிஷா - அதோட விலை இத்தனை லட்சமா?