பாடல்களால் ரசிகர்களுக்கு இசை போதை ஏத்திவிட்டு கோடி கோடியாய் சம்பாதித்த யுவனின் மொத்த சொத்து மதிப்பு இவ்வளவா?
இசை உலகின் அரசனாக வலம் வரும் யுவன் சங்கர் ராஜா இன்று தனது 44வது பிறந்தநாளை கொண்டாடி வரும் நிலையில், அவரின் சொத்து மதிப்பு பற்றி பார்க்கலாம்.
yuvan shankar raja
இசைஞானி இளையராஜாவின் தவப்புதல்வனான யுவன் சங்கர் ராஜா, கடந்த 1997-ம் ஆண்டு சரத்குமார் நடிப்பில் வெளிவந்த அரவிந்தன் எனும் படம் மூலம் இசையமைப்பாளராக அறிமுகமானார். அப்போது அவருக்கு வயது 16. அவரது இசை நன்றாக இருந்தாலும் அவரது பாடல்கள் எதுவும் கவனம் பெறவில்லை. இளையராஜாவின் அன்னக்கிளி பட பாடல் கிராமத்தில் எல்லாம் ஒலித்ததை போல, ஏ.ஆர்.ரகுமானின் ரோஜா புது ரத்தம் பாய்ச்சியதை போல, ஹாரிஸ் ஜெயராஜின் மின்னலே பட்டிதொட்டி எங்கும் பரவியதை போல, யுவனுக்கு அரவிந்தன் பெரிய அலையை உருவாக்கவில்லை.
yuvan shankar raja Birthday
யுவன் இசையமைத்த அடுத்தடுத்து சில படங்களுக்கும் பெரிய அளவில் வரவேற்பு கிடைக்காவிட்டாலும் சோந்து போகாத யுவன், தன்னுடைய விடாமுயற்சியால் தொடர்ந்து முன்னேறி வந்தார். சிறிய பட்ஜெட், பெரிய பட்ஜெட் என்றெல்லாம் பார்ப்பதில்லை. கதை பிடித்திருந்தால் எந்த படமாக இருந்தாலும் ஓகே சொல்லிவிடுவார் யுவன். ஒரு படத்தின் வீரியத்தை தீர்மானிப்பது பின்னணி இசை. அதில் கிங் ஆக திகழ்ந்து வருகிறார் யுவன். இவர் போட்ட மங்காத்தா பிஜிஎம்-மே அதற்கு சாட்சி.
yuvan shankar raja Net worth
ஒரே நேரத்தில் கிராமத்து ரசிகர்களையும், நகரத்து ரசிகர்களையும் திருப்திபடுத்த யுவனால் மட்டும் தான் முடிந்திருக்கிறது. யுவனின் பாடல்கள் ஒவ்வொன்று ஒரு போதை என்றே சொல்லலாம். இப்படி ரசிகர்களுக்கு இசை போதையை கொடுத்துவரும் யுவன், இன்று தனது 44-வது பிறந்தநாளை கொண்டாடி வருகிறார். இந்த நிலையில், அவரின் சொத்து மதிப்பு பற்றி தற்போது பார்க்கலாம்.
இதையும் படியுங்கள்... எங்கப்பா கவிதா விஜயகுமார்..? தங்கை வீட்டில் விஷேஷம் - அட்டெண்டன்ஸ் போட மறந்த அக்கா! ஆனா ஸ்னேகா ப்ரெசென்ட்!
Vijay, yuvan shankar raja
இசையமைப்பாளர் யுவன் சங்கர் ராஜாவின் சொத்து மதிப்பு கிட்டத்தட்ட ரூ.80 கோடிக்கு மேல் இருக்கும் என கூறப்படுகிறது. இவர் ஒரு படத்திற்கு இசையமைக்க ரூ.5 கோடி சம்பளமாக வாங்கி வருகிறாராம். கடந்தாண்டு விருமன், லவ் டுடே என அடுத்தடுத்து ஹிட் கொடுத்த யுவனுக்கு தற்போது விஜய்யின் தளபதி 68 பட வாய்ப்பும் கிடைத்துள்ளதால் அவரது சம்பளம் ரூ.10 கோடியாக உயர்ந்துள்ளதாகவும் தகவல்கள் தெரிவிக்கின்றன.
yuvan shankar raja salary
இதுதவிர இவர் இசையமைப்பாளராக மட்டுமின்றி தயாரிப்பாளராகவும் ஜொலித்து வருகிறார். ஒய்.எஸ்.ஆர் என்கிற தயாரிப்பு நிறுவனத்தை கடந்த 2018-ம் ஆண்டு தொடங்கிய யுவன், அதன்மூலம் பியார் பிரேமா காதல் என்கிற ஹிட் படத்தினை கொடுத்தார். இதையடுத்து விஜய் சேதுபதியின் மாமனிதன் படத்தை தயாரித்த யுவன் தற்போது கவினின் ஸ்டார் படத்தை தயாரிக்கிறார். இதன்மூலமும் கோடி கோடியாய் சம்பாதிக்கிறார் யுவன்.
yuvan shankar raja car collection
யுவனுக்கு இசையை தாண்டி கார்கள் மீதும் மோகம் அதிகம். அவரிடம் மினி கூப்பர் எஸ், ஆஸ்டன் மார்டின் வேன்குவிஸ், பென்ஸ் ஜிஎல்இ கிளாஸ் போன்ற சொகுசு கார்கள் உள்ளன. இதுதவிர சென்னையில் யுவனுக்கு ஒரு சொகுசு பங்களாவும் உள்ளது. அதன் மதிப்பும் பல கோடி இருக்கும் என கூறப்படுகிறது. பெயரில் மட்டும் ராஜாவாக இல்லாமல் ரியல் லைஃப்பிலும் ராஜ வாழ்க்கை தான் வாழ்ந்து வருகிறார் யுவன்.
இதையும் படியுங்கள்... ஷாருக்கானை பல வருஷம் கரம் வச்சு பழி தீர்த்த விஜய் சேதுபதி! இப்படி ஒரு பிளாஷ் பேக் ஸ்டோரியை எதிர்பார்க்கல!