உலகின் சக்திவாய்ந்த பாஸ்போர்ட்கள் இவையே.. இந்தியாவின் நிலை என்ன தெரியுமா..?
உலகின் சக்தி வாய்ந்த பாஸ்போர்ட் பட்டியலில் எந்த நாடுகள் முதல் இடத்தை பிடித்துள்ளன என்பதை குறித்து இப்போது இங்கு பார்க்கலாம்.
ஒவ்வொரு ஆண்டும் ஹென்லி பாஸ்போர்ட் இண்டெக்ஸ், உலகளவில் உள்ள பாஸ்போர்ட்டின் தரம், பாதுகாப்பு மற்றும் பிற அம்சங்களை கருத்தில் கொண்டு அறிக்கை ஒன்றினை வெளியிடும். அந்த வகையில் இந்த 2024 ஆண்டு பாஸ்போர்ட் தரவரிசையை வெளியிட்டுள்ளது. அதன் ஒரு பகுதியாக உலகின் சக்தி வாய்ந்த பாஸ்போர்ட் பட்டியலில் எந்த நாடுகள் முதல் இடத்தை பிடித்துள்ளன என்பதை குறித்து இப்போது இங்கு பார்க்கலாம்.
பிரான்ஸ், ஜெர்மனி, இத்தாலி, ஜப்பான், சிங்கப்பூர் மற்றும் ஸ்பெயின் ஆகிய 6 நாடுகள் தான் உலகின் சக்தி வாய்ந்த பாஸ்போர்ட்டை பெற்றுள்ளதாக ஹென்லி பாஸ்போர்ட் இண்டெக்ஸ் தெரிவித்துள்ளது. இந்த 6 நாட்டைச் சேர்ந்தவர்கள் விசா இல்லாமல் 194 நாடுகளுக்குள் நுழையலாம்.
பின்லாந்து, நெதர்லாந்து, தென் கொரியா, ஸ்வீடன் ஆகிய நாடுகள் அடுத்தடுத்த இடங்களில் உள்ளன. இந்த நாட்டைச் சேர்ந்தவர்களும் விசா இல்லாமல் 193 நாடுகளுக்கு பயணம் செய்யலாம்.
அதைத் தொடர்ந்து இங்கிலாந்து, லக்சம்பர்க், அயர்லாந்து, டென்மார்க் மற்றும் ஆஸ்திரியா ஆகிய நாடுகள் 192 நாடுகளுக்கு விசா இல்லாமல் நாடுகளுக்குச் செல்லலாம்.
இதையும் படிங்க: இனி இந்தியர்கள் எங்கள் நாட்டிற்கு வர விசா தேவையில்லை.. அதிரடியாக அறிவித்த பிரபல நாடு - முழு விவரம் இதோ!
இதற்கிடையில், இந்தியாவின் தரவரிசை 84 வது இடத்தில் இருந்து 85 வது இடத்திற்கு சரிந்தது. இந்தியர்கள் தற்போது 62 நாடுகளுக்கு விசா இல்லாமல் நுழைய முடியும். இந்தியாவின் நிலை ஏன் இப்படி பின்னோக்கிச் சென்றது என்பது தெரியவில்லை.
இதையும் படிங்க: உலகின் அரிதான பாஸ்போர்ட்.. 500 பேருக்கு மட்டுமே கிடைக்கும்.. பவர்ஃபுல் பாஸ்போர்ட் பற்றி தெரியுமா?
மேலும் நமது அண்டை நாடான பாகிஸ்தான் கடந்த ஆண்டை போலவே 106வது இடத்தில் உள்ளது. அதுபோல், இலங்கை 101வது இடத்திலும், பங்களாதேஷ் 102வது இடத்திலும், நேபாளம் 103வது இடத்திலும் உள்ளன.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
பலவீனமான பாஸ்போர்ட் ஆப்கானிஸ்தானில் இருந்து வருகிறது. ஆப்கானியர்கள் 28 நாடுகளுக்கு மட்டுமே விசா இல்லாமல் செல்ல முடியும். மேலும், சிரியா 108வது இடத்திலும், ஈராக் 107வது இடத்திலும், ஏமன் 105வது இடத்திலும், பாலஸ்தீனம் 103வது இடத்திலும் போன்ற நாடுகள் ஆப்கானிஸ்தானுக்கு அடுத்தப்படியாக மற்ற இடத்தில் உள்ளது.. ஆனால் இந்த தரவரிசையில் இந்தியாவை விட மாலத்தீவு 58வது இடத்தில் உள்ளது என்பது குறிப்பிடத்தக்கது.