உங்க Rent-தான் என்னோட சம்பளமே.! VJ பார்வதியின் 1 மாத செலவை பார்த்து ஷாக்கான நெட்டிசன்கள்! குவியும் கமெண்ட்ஸ்!
பிரபல தொகுப்பாளினியும், யூ டியூப் பிரபலமுமான விஜே பார்வதி... ஒரு மாதத்திற்கு மட்டும் தனக்கு செலவாகும் கணக்கு குறித்து வீடியோ மூலம் கூறி அதிர்ச்சி கொடுத்துள்ளார்.
சமீப காலமாக, திரைப்பட நடிகைகளுக்கு நிகராக, சீரியல் நடிகைகள், தொலைக்காட்சி தொகுப்பாளினிகள், மற்றும் இணையாக யூடுயூப் பிரபலங்கள், ஆகியோருக்கும் ஏகப்பட்ட ரசிகர்கள் உள்ளனர். அந்த வகையில் சர்ச்சையான கேள்விகளை... இளைஞர்கள் மத்தியில் கேட்டு ஷார்ட் டைமில் பிரபலமானவர் VJ பார்வதி. விஜே என்பதை தாண்டி, மாடலாகவும், பத்திரிகையாளராகவும் அறியப்படும் இவர் சமீப காலமாக திரைப்படங்கள் மற்றும் வெப் சீரீஸ்களிலும் கவனம் செலுத்தி வருகிறார்.
ஆக்ஷன் கிங் அர்ஜுன் தொகுத்து வழங்கிய, சர்வைவர் நிகழ்ச்சியில் கலந்து கொண்ட பார்வதி... சில வாரங்களிலேயே வெளியேறினார். இதை தொடர்ந்து குக் வித் கோமாளி நிகழ்ச்சியில் கலந்து கொண்டு கோமாளியாக விளையாடினார். தற்போது பல புராஜெக்டுகளில் படு பிசியாக இருக்கும் விஜே பார்வதி ஒரு மாதத்துக்கு மட்டும் தன் ஒருத்திக்கு எவ்வளவு செலவு ஆகும் என்பதை தெரிவித்து ஷாக் கொடுத்துள்ளார்.
வரவுகளை கண்ணு பட்டுடும் என கூறி மறைத்து விட்ட பாரு, செலவினங்களை மட்டுமே தெரிவித்துள்ளார். இதில் அவருக்கு வீட்டு வாடகை மட்டும் ஒரு மாதத்திற்கு 23,000 ரூபாய் ஆகிறதாம். இதை பார்த்து நெட்டிசன் ஒருவர். உங்க வாடகை தான் என் ஒரு மாத சம்பளம் என கமெண்ட் போட்டுள்ளார்.
இதை தொடர்ந்து விஜே பாரு லோன் போட்டு வாங்கிய காருக்கு மாதம் 25,000 செலவு செய்கிறாராம். இதை தவிர LIC-க்கு 15000 செலவு செய்வதாகவும், சமையல் கார பெண்களுக்கு 6000 ரூபாய் கொடுப்பதாகவும் தெரிவித்துள்ளார். பெட்ரோலுக்கு மட்டும் ஒரு மாதத்திற்கு 10,000 செலவாகும் என்றும், இதர மளிகை பொருட்களுக்கு 5000 செலவு, தன்னுடைய செல்ல பிராணிகளை பராமரிக்க 5000, மற்றும் தன்னுடைய சொந்த செலவு, பால், wifi உள்ளிட்டவைகளுக்கு 10,000 செலவாகும் என்றும். எப்படியும் 75,000 முதல் 1 லட்சம் வரை தன் ஒரு ஆளுக்கு மட்டும் செலவு செய்வதாக தெரிவித்துள்ளார். இதற்க்கு பலரும் பல வித கமெண்ட் போட்டு வருகிறார்கள் என்பது குறிப்பிடத்தக்கது.