இந்த பிரபலம் தான் சனம் ஷெட்டியின் காதலரா? வெளியான ரொமான்டிக் போட்டோ ஷூட்.. பட் இந்த ட்விஸ்ட் எதிர்பாக்கல பாஸ்!
பிக்பாஸ் சீசன் 4 போட்டியாளரான சனம் ஷெட்டி, காதலர் தினத்தை முன்னிட்டு வெளியிட்டுள்ள போட்டோ ஷூட் பல்வேறு சந்தேகங்களை எழுப்பியுள்ளது.
ஒரு மாடலாக இருந்து பின்னர் நடிகையாக மாறியவர் சனம் ஷெட்டி. 2012 ஆம் ஆண்டு, ஹரி ஷங்கர் மற்றும் ஹரீஷ் நாராயணன் இணைந்து இயக்கிய 'அம்புலி' படத்தின் மூலம் ஹீரோயினாக அறிமுகமான சனம் ஷெட்டி, இதை தொடர்ந்து சினிமா கம்பெனி, ராவு, மாயை போன்ற பல ஸ்மால் பட்ஜெட் படங்களில் நடித்தார்.
தமிழை தாண்டி, மலையாளம், கன்னடம், தெலுங்கு உள்ளிட்ட மொழி படங்களிலும் நடித்தார். தென்னிந்திய திரையுலகில் சுமார் 10 வருடங்களுக்கு மேல் கவனம் செலுத்தி வந்தாலும், இதுவரை இவரால் நிலையான இடத்தை பிடிக்கமுடியவில்லை.
மாடலிங் துறையிலும் தொடர்ந்து கவனம் செலுத்தி வரும் சனம் ஷெட்டி 2016 -ஆம் ஆண்டு மிஸ் சவுத் இந்தியா பட்டம் பெற்றவர் என்பது குறிப்பிடத்தக்கது.
மாடலிங் துறையில் கவனம் செலுத்திய போது.. இவருக்கு அறிமுகமானவர் தான் பிக்பாஸ் நிகழ்ச்சியில் கலந்து கொண்டு விளையாடிய தர்ஷன். தர்ஷன் மாடலிங் துறையில் தடுமாறிய காலங்களில் அவருக்கு சரியாக கெய்டு செய்து பிரபலமாகிய பெருமை சனம் ஷெட்டியை தான் சேரும்.
இதன் மூலம் ஏற்பட்ட நெருக்கம் இவர்கள் இருவரையும் காதலர்களாக மாற்றியது. தர்ஷன் இவரை விட, சிறியவராக இருந்த போதும், மனம் ஒத்து போனதால் சனம் ஷெட்டியின் வீட்டில் எளிமையான முறையில் திருமண நிச்சயதார்த்தமும் நடந்தது.
தனக்கு பிக்பாஸ் வாய்ப்பு வந்த போது... அதையும் தர்ஷனுக்காக விட்டு கொடுத்து, பல்வேறு வகையில் தர்ஷனுக்கு சப்போர்ட் செய்த சனம் ஷெட்டியை, பிக்பாஸ் வீட்டை விட்டு வெளியேறிய சில மாதங்களில் கழட்டி விட்டார் தர்ஷன். இது இருவருக்கும் இடையே பெரிய பிரச்சனையாக வெடித்து... பின்னர் ஓய்ந்து போனது.
தர்ஷனை தொடர்ந்து சனம் வேறு ஒருவரை காதலிப்பதாக கூறப்பட்ட நிலையில், இதுவரை அது யார் என்கிற தகவல் வெளியாகவில்லை. இந்நிலையில் நாளை காதலர் தினம் கொண்டாடப்பட உள்ள நிலையில், சனம் ஷெட்டி காதலர் தின வாழ்த்துக்களுடன் போட்டோ ஷூட் புகைப்படங்கள் சிலவற்றை வெளியிட்டுள்ளார்.
பிரபல மாடலும், நடிகருமான மெல்வினுடன் இவர் வெளியிட்டுள்ள இந்த புகைப்படங்களை பார்த்து... இருவரும் காதலர்களா என பல ரசிகர்கள் குழப்பி விட்டனர். ஆனால் உண்மை அது அல்ல. சனம் ஷெட்டி, காதலர் தினத்தை முன்னிட்டு, ப்ளூ என்கிற ஆல்பம் பாடல் ஒன்றை அவரே தயாரித்து நடித்துள்ளார். இதில் சனம் ஷெட்டிக்கு ஜோடியாக மெல்வின் தான் நடித்துள்ளார்.
இந்த ஆல்பம் பாடல் நாளை வெளியாக உள்ள நிலையில்... இதனை புரோமோட் செய்யும் விதமாகவே இருவரும் விதவிதமாக ரொமான்டிக் போட்டோ ஷூட் நடாத்தியுளளனர் என்பது குறிப்பிடத்தக்கது. எனினும் உண்மையான காதலர் பற்றி சனம் தெரிவிப்பாரா? என்பதை பொறுத்திருந்து பார்ப்போம்.