சிஎஸ்கே ஜெயிச்சு பிளே ஆஃப் செல்ல ஆஷாபுரா தேவி மா கோயிலில் சாமி தரிசனம் செய்த ரவீந்திர ஜடேஜா!

ஐபிஎல் 2024 கிரிக்கெட் தொடர் இறுதி கட்டத்தை நெருங்கிவிட்டது. இன்னும் 5 போட்டிகளில் ஐபிஎல் லீக் போட்டிகள் முடிந்து பிளே ஆஃப் சுற்று போட்டிகள் நடைபெற இருக்கிறது. இதில், கொல்கத்தா நைட் ரைடர்ஸ் முதல் அணியாக தகுதிச் சுற்றுக்கு முன்னேறியது. மும்பை இந்தியன்ஸ், பஞ்சாப் கிங்ஸ் மற்றும் குஜராத் டைட்டன்ஸ் அணிகள் பிளே ஆஃப் வாய்ப்பை இழந்து வெளியேறிவிட்டன.

நேற்று டெல்லியில் நடைபெற்ற 64ஆவது லீக் போட்டியில் லக்னோ சூப்பர் ஜெயிண்ட்ஸ் அணியை 19 ரன்கள் வித்தியாசத்தில் டெல்லி கேபிடல்ஸ் வீழ்த்தியதன் மூலமாக ராஜஸ்தான் ராயல்ஸ் 2ஆவது அணியாக பிளே ஆஃப் சுற்றுக்கு முன்னேறியது.

அதுமட்டுமின்றி, சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூரு அணிகள் மகிழ்ச்சி அடைந்தன. ஒருவேளை டெல்லி கேபிடல்ஸ் அணிக்கு எதிரான போட்டியில் லக்னோ சூப்பர் ஜெயிண்ட்ஸ் அணியானது வெற்றி பெற்றிருந்தால், கடைசி போட்டியில் வெற்றி பெறும் சூழலில் பிளே ஆஃப் சுற்றுக்கு முன்னேறியிருக்கும். இது சென்னை சூப்பர் கிங்ஸ் அணிக்கு சிக்கலை ஏற்படுத்தியிருக்கும். அதோடு ஆர்சிபியும் வெளியேறியிருக்கும்.

இந்த நிலையில் தான் டெல்லி வெற்றி பெற, ஆர்சிபி மற்றும் சிஎஸ்கே மகிழ்ச்சி அடைந்தன. இதுவரையில் சென்னை சூப்பர் கிங்ஸ் விளையாடிய 13 போட்டிகளில் 7 வெற்றி, 6 தோல்வியுடன் புள்ளிப்பட்டியலில் 14 புள்ளிகளுடன் 3ஆவது இடத்தில் உள்ளது. ராயல் சேலஞ்சர்ஸ் பெங்களூரு 13 போட்டிகளில் விளையாடி 6 வெற்றி, 7 தோல்விகளுடன் புள்ளிப்பட்டியலில் 6ஆவது இடத்தில் உள்ளது.

கடைசியாக வரும் 18 ஆம் தேதி இரு அணிகளும் மோதும் 68ஆவது லீக் போட்டியில் சென்னை சூப்பர் கிங்ஸ் வெற்றி பெற்றால் பிளே ஆஃப் சுற்றுக்கு முன்னேறும். மாறாக, ஆர்சிபி 18 ரன்கள் வித்தியாசத்தில் அல்லது 18.1 ஓவர்கள் வித்தியாசத்தில் வெற்றி பெற்றால் ராயல் சேலஞ்சர்ஸ் பெங்களூரு பிளே ஆஃப் சுற்றுக்கு முன்னேறும்.

இந்த நிலையில் தான் சென்னை சூப்பர் கிங்ஸ் அணியின் சுழல் மன்னன் ரவீந்திர ஜடேஜா குஜராத்தில் உள்ள கட்ச் பகுதியில் அமைந்திருக்கும் ஆஷாபுரா தேவி மா கோயிலில் சாமி தரிசனம் செய்துள்ளார். ஆர்சிபிக்கு எதிரான போட்டியில் சிஎஸ்கே வெற்றி பெற வேண்டி ஜடேஜா சாமி தரிசனம் செய்து புகைப்படம் சமூக வலைதளங்களில் வைரலாகி வருகிறது.

அவருடன் அவரது மனைவியும் சென்று சாமி தரிசனம் செய்துள்ளார் என்பது குறிப்பிடத்தக்கது. ஆர்சிபிக்கு எதிரான போட்டியில் பங்கேற்பதற்காக சிஎஸ்கே வீரர்கள் இன்று பெங்களூரு புறப்பட்டுச் சென்றுள்ளனர் enapthu என்பது குறிப்பிடத்தக்கது.