சினிமா ஹீரோயினை உருகி உருகி காதலிக்கும் விஜய் டிவி சீரியல் ஹீரோ... விரைவில் டும்டும்டும்
விஜய் டிவியில் ஒளிபரப்பாகி வரும் நீ நான் காதல் தொடரில் நாயகனாக நடித்து வரும் பிரேம் ஜேக்கப் மலையாள நடிகையை காதல் திருமணம் செய்துகொள்ள உள்ளாராம்.
swasika, Prem Jacob
சின்னத்திரை பிரபலங்கள் காதல் திருமணம் செய்துகொள்வது புதிதல்ல. அந்த வகையில் சின்னத்திரையில் ஆலியா மானசா - சஞ்சீவ், மிர்ச்சி செந்தில் - ஸ்ரீஜா, சேத்தன் - தேவதர்ஷினி, சித்து - ஸ்ரேயா என இந்த லிஸ்ட் நீண்டுகொண்டே செல்கிறது. அதேபோல் சினிமாவில் ஜோடியாக நடித்து பின்னர் காதல் திருமணம் செய்துகொண்ட ஜோடிகளும் இருக்கிறார்கள். அஜித் - ஷாலினி, சூர்யா - ஜோதிகா, கவுதம் கார்த்திக் - மஞ்சிமா என அதற்கெனவும் ஒரு தனி லிஸ்ட் இருக்கிறது.
Swasika Vijay, Prem Jacob wedding
தற்போது இந்த இரு லிஸ்ட்டிலும் இடம்பிடிக்க ஒரு ஜோடி தயாராகி வருகிறது. அவர்கள் வேறுயாருமில்லை, மலையாள நடிகை சுவாசிகா - சீரியல் நடிகர் பிரேம் ஜேக்கப்பும் தான். இருவருமே கடந்த சில ஆண்டுகளாக உருகி உருகி காதலித்து வருகின்றனர். இவர்கள் இருவரும் விரைவில் திருமணமும் செய்துகொள்ள உள்ளார்களாம். இவர்களது திருமணம் வருகிற ஜனவரி 26-ந் தேதி திருவனந்தபுரத்தில் நடைபெற உள்ளதாம். அதற்கு மறுதினம், கொச்சியில் திருமண வரவேற்பும் நடைபெற உள்ளதாக கூறப்படுகிறது.
இதையும் படியுங்கள்... DNS Movie: தனுஷ், நாகார்ஜுனா, சேகர் கம்முலா, இணையும் DNS படத்தின் படப்பிடிப்பு பிரமாண்ட பூஜையுடன் தொடங்கியது!
swasika Lover Prem Jacob
நடிகை சுவாசிகா, தமிழில் வைகை என்கிற படத்தின் மூலம் ஹீரோயினாக அறிமுகமானார். இதையடுத்து கோரிப்பாளையம், சாட்டை, அப்புச்சி கிராமம் போன்ற தமிழ் படங்களில் ஹீரோயினாக நடித்துள்ளார். இதுதவிர மலையாள திரையுலகில் பல்வேறு முன்னணி நடிகர்களுடன் நடித்து சக்சஸ்புல் ஹீரோயினாக வலம் வருகிறார் சுவாசிகா. இவர் தொலைக்காட்சி நிகழ்ச்சிகளையும் தொகுத்து வழங்கி உள்ளார். இதுதவிர சீரியல்களிலும் நடித்துள்ளார்.
Malayalam Actress Swasika
சுவாசிகாவின் காதலர் பிரேம் ஜேக்கப் தற்போது தொலைக்காட்சி தொடர்களில் ஹீரோவாக நடித்து வருகிறார். விஜய் டிவியின் அண்மையில் ஆரம்பிக்கப்பட்ட நீ நான் காதல் என்கிற சீரியலில் அவர் தான் ஹீரோவாக நடித்து வருகிறார். இவர்கள் இருவரது திருமண வேலைகளும் தற்போது மும்முரமாக நடைபெற்று வருகிறது. இவர்களது திருமணத்தில் கலந்துகொள்ள ஏராளமான பிரபலங்களுக்கும் அழைப்பு விடுக்கப்பட்டு உள்ளதாக தகவல்கள் தெரிவிக்கின்றன.
இதையும் படியுங்கள்... கேமியோ ரோலில் லோகேஷ் கனகராஜ்... ஹீரோவாக தூள் கிளப்பும் ஆர்.ஜே.பாலாஜியின் சிங்கப்பூர் சலூன் டிரைலர் இதோ