DNS Movie: தனுஷ், நாகார்ஜுனா, சேகர் கம்முலா, இணையும் DNS படத்தின் படப்பிடிப்பு பிரமாண்ட பூஜையுடன் தொடங்கியது!
தேசிய விருது நடிகர் தனுஷ் மற்றும் நாகார்ஜுனா அக்கினேனி இணைந்து நடிக்கும் படத்திற்கு தற்காலிகமாக DNS என பெயரிடப்பட்டுள்ள நிலையில், இந்த படத்தின் படப்பிடிப்பு இன்று பூஜையுடன் துவங்கியது.
DNS (தனுஷ், நாகார்ஜுனா, சேகர் கம்முலா என்பதன் சுருக்கம்) இந்த திரைப்படத்தின் படப்பிடிப்பு பூஜையுடன் ஹைதராபாத்தில் துவங்கியது. முதல் கட்ட படப்பிடிப்பு ஹைதராபாத்திலேயே செட் அமைத்து படக்குழு படமாகியுள்ளது. இதில், சுனில் நரங், புஸ்குர் ராம் மோகன் ராவ், பாரத் நரங், ஜான்வி நரங் மற்றும் பலர் கலந்து கொண்டுள்ளனர்.
தனுஷ் மற்றும் நாகார்ஜுனா ஆகியோர் முறையே அவர்களின் சங்கராந்தி வெளியீடுகளான கேப்டன் மில்லர் (தமிழ்) மற்றும் நா சாமி ரங்கா மூலம் பிரமாண்ட வெற்றியை வழங்கியதால், இந்த முன்னணி நடிகர்கள் இணையும் பிரம்மாண்டமான காவியத்தைப் பற்றிய உற்சாகம் பன்மடங்கு அதிகரித்துள்ளது. இரு நட்சத்திரங்களின் ரசிகர்களும் அவர்கள் திரையை ஒருசேர பகிர்ந்து கொள்வதைக் காண ஆவலுடன் காத்திருக்கிறார்கள்.
ராமர் கோயில் பிரதிஷ்டை விழா குறித்து பாடகி சித்ரா வெளியிட்ட வீடியோவால் சர்ச்சை!
இந்த படத்தில் தனுஷுக்கு ஜோடியாக ராஷ்மிகா மந்தனா நடிக்கிறார். ஃபிடா மற்றும் லவ் ஸ்டோரி ஆகிய இரண்டு தொடர் வெற்றிப் படங்களை கொடுத்த பிறகு, சேகர் கம்முலா பெரிய அளவிலான படைப்புடன் வருகிறார். தொழில்நுட்ப அம்சங்களிலும் படம் உறுதியுடன் சிறந்து விளங்கும்.
தொழில்நுட்பக் குழுவைப் பொறுத்தவரை, நிகேத் பொம்மி ஒளிப்பதிவு செய்ய, ராமகிருஷ்ணா சப்பானி மற்றும் மோனிகா நிகோத்ரே ஆகியோர் தயாரிப்பு வடிவமைப்பைக் கவனிக்க, சர்வதேச சண்டைப் பயிற்சி இயக்குநரான யானிக் பென் ஆக்ஷன் பகுதியை மேற்பார்வையிட நியமிக்கப்பட்டுள்ளார். மீதமுள்ள நடிகர்கள் மற்றும் படக் குழுவினரை விரைவில் அறிவிப்பார்கள் என தெரிவிக்கப்பட்டுள்ளது. இந்த படத்தின் பூஜையின் போது எடுக்கப்பட்ட புகைப்படங்கள் தற்போது சமூக வலைத்தளத்தில் வைரலாக பார்க்கப்பட்டு வருகிறது.
Filmfare Awards 2024: கெத்து காட்டிய அட்லீ.. மெர்சல் செய்த அனிமல்! ஃபுல் லிஸ்ட் இதோ!