Ajith Family: கியூட் ஹீரோயின் போல் இருக்கும் அனோஷ்கா! மனைவி மற்றும் பிள்ளைகளுடன் நட்சத்திர ஓட்டலில் அஜித்!
தல அஜித் தன்னுடைய குடும்பத்தினர் மற்றும் ரசிகர்களுடன் எடுத்து கொண்ட புகைப்படம் தற்போது சமூக வலைத்தளத்தில் வைரலாகி வருகிறது.
அஜித் தற்போது இயக்குனர் மகிழ் திருமேனி இயக்கத்தில் உருவாகி வரும் 'விடாமுயற்சி' படத்தில் நடித்து வருகிறார். லைகா நிறுவனம் தயாரிக்கும் இந்த படத்தின் படப்பிடிப்பு தற்போது அஜர்பைஜான் நாட்டில் நடைபெற்று வருகிறது.
ஒரேயடியாக 70 நாட்கள் அங்கு படப்பிடிப்பு நடத்த, படக்குழு திட்டமிட்டுள்ளதால்... அஜித், த்ரிஷா, அர்ஜுன், உள்ளிட்ட அணைத்து படக்குழுவினரும் வெளிநாட்டில் உள்ளனர்.
அஜித் வெளிநாட்டில் இருப்பதால்... தன்னுடைய குடும்பத்தினரையும் வெளிநாட்டிற்கு வரவைத்து... படப்பிடிப்பு இல்லாத நாட்களில், குடும்பத்தினருடன் சந்தோஷமாக பொழுதை கழித்து வருகிறார்.
ஜனவரி 3-ஆம் தேதி தன்னுடைய மகள் அனோஷ்காவின் பிறந்தநாளை, அஜித் கப்பலில் கொண்டாடியபோது எடுக்கப்பட்ட புகைப்படங்கள் மற்றும் வீடியோக்கள் சமூக வலைத்தளத்தில் வைரலானது.
இதை தொடர்ந்து, அஜித் தொடர்ந்து தன்னுடைய குடும்பத்தினருடன் நேரம் செலவழித்து வருகிறார். தற்போது அஜித் நட்சத்திர ஓட்டல் ஒன்றில், மனைவி மற்றும் குழந்தைகளுடன் அமர்ந்திருக்கும் புகைப்படம் வெளியாகியுள்ளது.
இதை தொடர்ந்து, தன்னுடன் புகைப்படம் எடுத்து கொள்ள நினைக்கும் ரசிகர்களுடன் நின்று அஜித் போட்டோஸ் எடுத்து கொண்டுள்ளார். இந்த புகைப்படங்கள் சில சமூக வலைத்தளத்தில் வெளியாகி தாறுமாறாக லைக்குகளை குவித்து வருகிறது.
சேனலை கிளிக் செய்து பின்தொடரவும்
