Vichithra Salary: 95 நாள்... பிக்பாஸ் வீட்டில் இருந்த விசித்ரா எத்தனை லட்சம் சம்பளமாக பெற்றுள்ளார் தெரியுமா?
இந்த வாரம், பிக்பாஸ் வீட்டில் இருந்து விசித்ரா வெளியேறிய நிலையில் அவரது சம்பளம் குறித்து தகவல் தற்போது வெளியாகியுள்ளது.
பொதுவாக பிக்பாஸ் நிகழ்ச்சியில் 40 வயதை தாண்டிய பிரபலங்கள் 50 நாட்களுக்கு மேல் தாக்குபிடிப்பது என்பது மிகவும் கடினம். ஆனால் விசித்ரா வெற்றிகரமாக 95 நாள் பிக்பாஸ் வீட்டில் மக்களின் சப்போர்டுடன் நிலைத்து விளையாடிய நிலையில், இந்த வாரம் குறைவான ஓட்டுகள் காரணமாக வெளியேற்றப்பட்டுள்ளதாக கூறப்படுகிறது.
விசித்ரா ஃபைனல் வரை வரவேண்டும் என பலர் ஆசை பட்டபோதும் இப்படி நடந்துள்ளது... ரசிகர்களை அதிர்ச்சியடைய வைத்துள்ளது. நெட்டிசன்கள் கணிப்பு படி, இந்த வார எவிக்ஷன் லிஸ்டில், பூர்ணிமா இருந்த நிலையில், அவர் மிகவும் சேஃப்பாக 16 லட்சம் பணத்துடன் வீட்டை விட்டு கிளம்பினார்.
எனவே இந்த வாரம் மாயா அல்லது மணிச்சந்திரா ஆகிய இருவரில் ஒருவர் தான் வெளியேறுவார் என எதிர்பார்க்கப்பட்டது. ஆனால் யாரும் சற்றும் எதிர்பாராத போட்டியாளரான, விசித்ரா வெளியேறியுள்ளார். விசித்ராவின் வெளியேற்றத்தால் அதிருப்த்தியில் உள்ள பிக்பாஸ் ரசிகர்கள் சிலர் உண்மையிலேயே ஓட்டுகள் அடைப்படையில் தான் இந்த ஏவிக்ஷன் நடைபெறுகிறதா என்றும்... மாயாவை ஃபைனலுக்கு அனுப்ப வேண்டும் என்கிற நோக்கத்தில் போட்டியாளர்கள் வெளியேற்றப்படுவதாக கூறி வருகிறார்கள்.
இது ஒரு புறம் இருக்க, தற்போது விசித்ராவின் சம்பளம் குறித்த தகவல் தான் வெளியாகியுள்ளது. பிக்பாஸ் சீசன் 7 நிகழ்ச்சியில் அதிகம் சம்பளம் வாங்கும் போட்டியாளராக இருக்கும் விசித்ரா, ஒரு நாளைக்கு 40,000 வீதம் சம்பளமாக பெற்றுள்ளார். எனவே 95 நாட்களுக்கு ரூபாய் 38 லட்சம் சம்பளமாக பெற்றுள்ளார் என கூறப்படுகிறது.